Tom èchùŋ kè kə Lûk tè nyaʼ 8:47 - Ŋwàʼlè ə̀ Fèzhə̀ Mkâyn Mə̂ Fèm

⁴⁷ Wùzhɔyn nə vɨ̂yn ə fe nə ə kê nə ə̀ kom zhi ə fɨə pə̀, tsɨŋtə̂, ə pfɨ̀ə ə Njisə̀s əshi ə tsà eghɛ zɛ ə ze fè nə̀yn kə è kom Njisə̀s. Ghɨghe əkɨ̂m ə zɨə. È və fɨnə piə nə zhi fè kom pə̀yn kè sə ashìŋə̀ nyi ə tɛ kə ndò.

Tom èchùŋ kè kə Lûk tè nyaʼ 8:47 ပူးပေါင်းရင်းမြစ်များ

Matyò 28:8

Zəyn ghɛ ə zàŋsə̀ ndô fu eshyə̀ eghaʼâzè fânə̀ pîza nyi mə ə lwiyn è saŋnêzè, nyɨŋə ndûə se tsàyn sê chùmtè èpàm sə Njisə̀sè ghɛ zɛ ə ze kyâyn.

Ŋwàʼlè ə̀ Mâk 5:33

Wùzhɔyn ə̂təyn e tsɨŋtə̂ fânə̀ kə è fe ghɛ zɛ ə ze kyâyn sê vəyn, ə ke ndù ə pfɨ̀ə ə Njisə̀s əshi, ə tsà eghɛ zɛ ə ze kyàyn səmɔʼ.

Tom èchùŋ kè kə Lûk tè nyaʼ 8:46

Pîza Njisə̀s ə piə nə, “Wùə ə kòm mi kûmə̀ nə mə zɨ kə tyaʼa fɨ ə mi ewiyn.”

Tom èchùŋ kè kə Lûk tè nyaʼ 8:48

Njisə̀s ə ke pi sê vəyn nə, “Vayn vɨm, pomə zɛze ə nə̀yn nə ò tɛ. Kwɨlə ke è pɔ̂ynè.”

Ətefɨ̂aʼ 16:29

Wùə ètsɨ̀ŋnə ndɛ ə̀chaʼ nə vɨ̂yn ə tɔŋɔ, ə pìə nə ə pəyn è lâm ə shɨŋə njiə ndùə, ə pfɨ̀ə ə Pɔ̂l yî Silàs əshi sè tsɨŋtə̂ kə nyi kûmə̀ nə kàyntè efâyn tè nyi mə zə ko vəyn.

1 Kɔlìŋ 2:3

Shîŋə̀ kɛ ə m tè pəyn ə ghàyn əfètəyn, wiyn vɨmve pɔylə̂, m tsɨŋtə̂ fâynə̀ nâʼà sə ŋaŋ.

2 Kolìŋ 7:15

Shîŋə̀ kɛ ə è kwâʼtə̀ kə ghàyn tè zàŋsə zɨə sê vəyn, fɨnə kwàʼtə̀ kə ghàyn tè fiə vəyn è ngɨmnê eghaʼâzè, kɔ̂ŋ ə vəynze sê ghàyn e ndəmə̂ nduə kə ndò.

Filìpây 2:12

Ghɔnyì ghɨmghe kɔ̀ŋghè, ghàyn tè nyiə zɨə èghɛ zɛ ə m tè pìə kə m tè nyì ghâsènì. Pi zôyn kə m va ə ghàyn ə ngwùŋ, e nyîə ngəsə̂ tsɔ̂fə̀ nə ghàyn nəyn fɨ̂aʼ zɛ m tè pi nə ghàyn nəyn. Ghàyn e kyi èfâyn ə ghàyn ə fètəyn, tsosə̂ sèngɨŋ saynse əchi ə Və shi. Ghàyn momse nâʼà ètyaʼke se nə̀yn efɨaʼ zɛ ə Zhə̀fè kyiŋə nə ghàyn nəyn kə sɔza zɛ ə ghàyn nyi mə ə kyî ə nyi mə ze ə lwiyn kwəyn.

Ipilù 12:28

Ghâsènì kyi sə fo àzɔ̀ŋnè sê Zhə̀fè kə fe fo luʼ efɔ̀ynvè sê ghâsènì mə ə vayn kaʼa nəʼse vəynve. Ə ghâsènì ə fo àzɔ̀ŋnè, ngɨmnə̂ fəynfe endom vɛ ə fe kɔŋə̀ ətəyn, è ngɨmnê eghaʼazè, è fâyn zɛ ə vâ Fèzhə̀ kyi sə̂ kyi,