Tom èchùŋ kè kə Lûk tè nyaʼ 8:43 - Ŋwàʼlè ə̀ Fèzhə̀ Mkâyn Mə̂ Fèm

⁴³ Ə̀ əfètə̂ anɔ̀yn nə kɛ, wùzhɔyn viu e nyi fu, môtə̀ kə nyi fe ashìŋə̀ ə vəynke, mə zaf ətəynze ə ndam ə vəyn ewiyn sə sepìŋ njò sepɛ̀, pîza ndɔ̀ʼɔ nâʼà wùə ngàŋ èmɔ̀ʼ tyəm tsuʼ vəyn.

Tom èchùŋ kè kə Lûk tè nyaʼ 8:43 ပူးပေါင်းရင်းမြစ်များ

Ŋwàʼlè ə̀ Mâk 12:44

Ghɨə mkɛ ghɨnə fo mkɛ mê tsɛ̂ fɨ̂əm̀ ə ghənə mkɛ, pîza zhwîə kwu àfɨf vɨ̀yn ə fo mɨ̂sè pî fèkɛtə̀ fɛ ə è kyi sə̂ zhiə.”

Ŋwàʼlè ə̀ Mâk 9:18

Se kyîə pî vəyn ashìŋə̀ àkè, tɨmə kə vəyn ə chi, è ve nâyntə̀ tɛ kə nyiə kwas, pfɨpfɨke e fɨə ə vəyn echo, è ve kwɨlə ə̀sɔŋ. Mə fê pə̀yn chyate chùmtè èpàm sɛse nə ghənə chum fɨse sezuʼ nə sɨ̂nə̀, ghənə e fɨmə se chùm.”

Tom èchùŋ kè kə Lûk tè nyaʼ 13:11

Wùzhɔyn vîvè e nyi fumə mə zuʼ se pise ə fo ngəʼ sê vəyn sə sepìŋ njòse famə, è və ngɨmə̂ faŋa, nyi mə è vâyn kàʼa è ndwìə kwiə ekwùtwəyn, chichi.

Tom èchùŋ kè kə Lûk tè nyaʼ 13:16

Wùzhɔyn vɨnə tè nyi wùə èsas ə ndɛə Aplàghâm mə Satàyn ə kol ghaŋ tə vəynte sə sepìŋ njòse famə, ə faŋ zayn se sɔ̀sè ə vəyn etuʼ endaʼ ə?”

Tom èchùŋ kè kə Lûk tè nyaʼ 8:27

Ə tè nyi kə Njisə̀s fɨ sè tɔmə pə̀ aghol ə etipìə tsò nyi ə kwənə yî wùə mə è ndò ə tɔ̂ŋ zhizè fu. Wùə təyn e kyi tèpamə̂ tə satàyntè və fètəyn, nyi mə è və ndam nâʼà sə aghaf, maʼà va nâʼà àfɨa ə vəyn ewiyn fɨyn nyi za, ndamə va ə ndɛ, ndamə kə ə sepfɨ̀mə.

Tom èchùŋ kè kə Lûk tè nyaʼ 8:42

kûmə̀ nə è tè kyi ke vayn zhɔyn èmɔ̀ʼ, è nyi pìŋsè njò sepɛ̀, mə è se kwuə ndùə kə ndò. Kə Njisə̀s ndò sè ndùə yî vəyn, nɔ̂yn ə ghɨ̀kè e sè fɛsə̂ ndùə kə ə vəyn epàm.

Tom èchùŋ kè kə Lûk tè nyaʼ 8:44

Wùzhɔyn nə vɨ̂yn ə fɛse nduə njiə ə vəyn epàm ə kûmə̀ èghaŋ ə sendzɨs ə vəynze, kè sə ashìŋə̀, shîŋə̀ ə vəyn nə kɛ ə tənə̂ kə ndò.

Njɔyn 9:1

Kə Njisə̀s tè tsɛ̂ ndûə, ə fe wùə vîvè mə ə tè piə vəyn mə è və fòf.

Njɔyn 9:21

Pîza ke va nə, è kwì zayn sə̂ fe tèluʼ zôyn ə, ke va nə, ə̀ tsuʼ ndè vəyn ə. Ghàyn pfɨf sê vəyn, è fɨyn va vâyn èpɔ. Nâʼà vəyn kàʼa è tsayn ghɛ zɛ ə ze kyâyn.”

Ətefɨ̂aʼ 3:2

Wùə tè nyîə nyi echo mbàyn ə̀ ndɛ ə̀ Fèzhə̀. Ə tè tɔŋtə echo mbàyn ətəyn nə Echo Mbàyn Etsofəve. Wùə təyn tè nyi kèngɛchi mə piə ke vəyn zamə. Ə tè pɨ̀aʼà vəyn tuʼmè m̀kɨ̂m pə̂ ndə̂mə̀ fumə echo ə̀ mbàyn, è ve ndɔnə èkɛ sê ghɨ ghɛ ə tè njiə ndûə ə ndɛ ètsə̀mə.

Ətefɨ̂aʼ 4:22

Wùə vɛ ə tè nə̀yn ghɛ ekayntə nə zɨ̂yn ə vəyn wìyn, è və tɛ tè nyiə tsɛ̂ pìŋ m̀ghɨm mkyàʼ.