Tom èchùŋ kè kə Lûk tè nyaʼ 8:31 - Ŋwàʼlè ə̀ Fèzhə̀ Mkâyn Mə̂ Fèm

³¹ Pamə̂ tə satàyn tə təynte ə chyatə̂ Njisə̀s nə kə è chum fɨse ghənə nə ə tayn əfètə̂ èpə zɛ ə ze lɔŋɔ ndûə kə ndo za.

Tom èchùŋ kè kə Lûk tè nyaʼ 8:31 ပူးပေါင်းရင်းမြစ်များ

Matyò 25:41

Ə è ke pì se ghɛ ə vəyn ekɔyn ekôvè nə, ‘Ghàyn tə ə mì əshi, ghàyn ghɨnə Zhə̀fè ti ndi sê ghàyn nyî. Ghàyn ndu ewùs vɛ ə ve pɛ ndɨmə̂ va mə Zhə̀fè pɨaʼtê ndə̂m sê ndə̂plè è tsì sə vəynse.

Tom èchùŋ kè kə Lûk tè nyaʼ 8:28

È tè fe pə̀yn Njisə̀s nyi ə fo kyə̀ echiə ə pfɨ̀ə ə və shi ə pɨa nâʼà èkyə̀ etɛ ə piə nə, “Ò kyiŋə ghè sê mi ə Njisə̀s, Va Fèzhə̀ fɛ ə fe ngaŋte kwəyn? M chyatə̂ ndò ghò. Kə ò fo ngəʼ sê mi.”

Tom èchùŋ kè kə Lûk tè nyaʼ 8:32

Ə nyi za nɔ̂yn ə ekwùndwuŋ èghaʼâ kyîke e nyi paʼse fu, zhiə ewiyn ə pfɨ̀yn. Pamə̂ tə satàyntè nə tɛ ə chyatə̂ Njisə̀s nə è za ə e ndu nji əfètə̂ è Kwùnduŋ nə vɛ, Njisə̀s ə za.

Ŋwàʼlè ə̀ Pɔ̂l sê ghɨə Lûmghè 10:7

Pi se pfɨf nə, “Ə̀ nə̀ tso ndûə ndè apùʼ kɛ ə ke lɔŋə ndûə kə ndô ə?” (E za tyə̀nə̀ nə, se njìə ə Klâys apùʼ kɛ ə ke lɔŋə ndûə kə ndô se zòmsè ə vəyn.)

Etyə̂yn ə paynsêzè 11:7

Ashìŋə̀ kɛ əghənə ndàʼà mɨ̂sè tom ə̀təyn, ə nyàm è pamə zɛ ə è fɨ fɛ epə ə ze lɔŋɔ tso ndùə kə ndô za, ə è no zhi ghənə.

Etyə̂yn ə paynsêzè 17:8

Nyàm èpamə nə zɨ̀yn ə ò tè fe tè nyiə nyi ètwɔ ə shɨŋ ə̀mɔʼɔ̂, pîza zôyn è kɛse va ètwɔ. Zə̂yn tə fɨə kɔʼɔ pə̂ ə epə zɛ ə ze lɔŋɔ tso ndùə za se ndù nə ə pofse zə̂yn. Ghɨ ghɛ ə ndamə ə mbi mə ə tè paʼà nyàʼ zə ghənə ghè ə ŋwàʼlè ə̀ghɨ̀ endamə tsɔ̀fə kə pom mbi tə pə̂ ə nyi èkaynze ezhoghɛ ə nayne nyàm èpamə ə̀təyn kûmə̀ nə zə̂yn tè nyîə nyi ètwɔ ə shɨŋ ə̀mɔʼɔ̂, zôyn è kɛsə̂ va ètwɔ, pîza nyi se tə kɛsə pə̀yn.

Etyə̂yn ə paynsêzè 19:20

Ə kyîə nyàm e kwə̀mnə zɛ̂, ə fɨnə kyîə kəpi fɨ̀aʼtè àkaŋ zɛ ə è tè tyə̀nə chwìə se və shi. Ə̀ nyi sechwìə nə sɨ̂nə̀ mə ə è tè njì se lesê əghɨ ghɛ ə tè kyi chwìə ə̀ nyàm èpamə zɛ è kɨsè ghɛ ə ghe tè ngɨmnə fɨaʼsè ə nyâm èpamə ətəynke. Ə màʼa nyàm èpamə ə̀təyn è fɨ̀aʼtè àkaŋ əfètəyn èlùʼ wusve fuə ətəyn è fɨa kyîke mə ke lɛ̂ pâŋə̀ ndò e tɔŋtə̂ nə sɔlfɔ̀.

Etyə̂yn ə paynsêzè 9:11

Pɨynse ətəynse tè nyiə kyi fɔ̀yn vɛ ə è saʼa səynse, ə̀ nyi tsì zɛ ə è tɔ̀ʼnə̀ è pə zɛ ə ze lɔŋɔ tso ndùə kə ndô za, zə ə tsì ətəynze e nyi ewàmnè ə Ipilòzè nə Apandòn, nyi ewàmnè ə Nglêkè nə, Apolìyòn, ze tyə̂nə̀ nə, “Wùə è pəfsə.”