Tom èchùŋ kè kə Lûk tè nyaʼ 8:30 - Ŋwàʼlè ə̀ Fèzhə̀ Mkâyn Mə̂ Fèm

³⁰ Njisə̀s ə ke pfɨf sê wùə təyn nə, “Zə zɛze nyi ndè?” È və pə̀ynsə̀ nə, “Zə zɨmze nyi ‘Anɔ̀yn’,” kûmə̀ nə pamə̂ tə satàyntè tè nyi mə te ə nji ə vəyn ewìyn nâʼà setsɨ̀.

Tom èchùŋ kè kə Lûk tè nyaʼ 8:30 ပူးပေါင်းရင်းမြစ်များ

Matyò 26:53

Ghàyn ke va nə m kaʼa m pfɨf tsâmtèzè sê pɨ̀a vɨ̂mvè, kè sə ashìŋə̀ ə è tom tsìsè sê mi kamse eghɨm njòse pɛ̀ ə se tsamte miə?.

Matyò 4:24

Zhɔ̂ŋə Vəynve ə waŋə ndûə kə luʼ tekɨ̂m apàs endaʼ ə Silyàkè. Zɨnə nə̀ ghɨghe pə̂ è ghɨ ezafə ghəkɨ̂m sê Vəyn. Ghənə tè pə̂ èghɨ ghɛ ə tè zɨə tsôsè ə tekyì tə tezaf tekɨ̂m. Ghɨ ghɛ ə tè kyi pamə̂ tə satàyntè, è ghɛ ə tè pfɨ̂ə èpfɨ̀kè, è ghɛ pâs ə ghənə ke wìynke tè nyi mə kə kwu, Njisə̀s ə tsuʼə ghənə əkɨ̂m

Matyò 8:29

Kè sə ashìŋə̀, kə ghənə fe Njisə̀s, ə zhə̀tə̀ se pɨa nə, “Ò kyiŋə ghè sê ghàs ə Vâ Fèzhə̀? Ò pə̂ se pɔynsê ə ghàs tsɔ̀fə kə shîŋə̀ ətəynke kwəyn mə?”

Ŋwàʼlè ə̀ Mâk 16:9

Kə Njisə̀s tè pɨse zômə̀ ə Sɔndè, È və tyə̀nə̀ ngɨŋə̂ Vəyn sə shi sê Mèli Màkndàlɛ̂n. Ə̀ nyi wùzhɔyn nə vɨnə ə Njisə̀s tè chùm fɨse tèpamə̂ tə satàyntè esɛ̀mbɛ̂ ə vəyn ewìyn.

Ŋwàʼlè ə̀ Mâk 5:9

Njisə̀s ə ke pfɨf sê wùə ə̀təyn nə, “Zə zɛze nyi nde?” È və pə̀ynsə̀ nə, “Zə zhize nyi ‘Anɔ̀yn,’ kûmə̀ nə ghàs nyi nâʼà se tsɨ̀.”

Tom èchùŋ kè kə Lûk tè nyaʼ 8:2

paʼsə̂ è zəyn yî ghɛ ə Njisə̀s tè se nyi mə è və tsuʼ zaf tə ghənə̂tè è ghɛ ə è chùm fɨse zuʼ se pise ə ghənə fètəyn. Ə̀ tè nyi Mèli və Màkndàlɛ̂n vɛ Njisə̀s tè chùm fɨse tèpamə̂ tə satàyn tɛ ə te tè fo ngəʼ sê vəyn, sesɛ̀mbɛ̂,

Tom èchùŋ kè kə Lûk tè nyaʼ 8:29

È tè pìə za kûmə̀ nə Njisə̀s tè se kâyntə̀ nə zuʼ se pi sə ətəyn fɨ ə vəyn ewiyn. Zuʼ nə sɛ tè fo ngəʼ sê vəyn kə teshiŋ ə teshìŋə̀. Se piə se fo ngəʼ sê vəyn naʼapi ashìŋə̀ àkè, ə kyiə kolə ekɔyn ə vəynze è fɨəyn ə vəynze è chaʼse ə ndə̀mə̀ vəyn elùʼ. Ə ndə̀mə̀ za, è və təyntə̂ kə ndò chaʼ sə təynse, pamə̂ ə satàyn ə təynze ə njìə ndûə è vəyn ə endaʼ ashəshəe.