Tom èchùŋ kè kə Lûk tè nyaʼ 8:29 - Ŋwàʼlè ə̀ Fèzhə̀ Mkâyn Mə̂ Fèm

²⁹ È tè pìə za kûmə̀ nə Njisə̀s tè se kâyntə̀ nə zuʼ se pi sə ətəyn fɨ ə vəyn ewiyn. Zuʼ nə sɛ tè fo ngəʼ sê vəyn kə teshiŋ ə teshìŋə̀. Se piə se fo ngəʼ sê vəyn naʼapi ashìŋə̀ àkè, ə kyiə kolə ekɔyn ə vəynze è fɨəyn ə vəynze è chaʼse ə ndə̀mə̀ vəyn elùʼ. Ə ndə̀mə̀ za, è və təyntə̂ kə ndò chaʼ sə təynse, pamə̂ ə satàyn ə təynze ə njìə ndûə è vəyn ə endaʼ ashəshəe.

Tom èchùŋ kè kə Lûk tè nyaʼ 8:29 ပူးပေါင်းရင်းမြစ်များ

Ŋwàʼlè ə̀ Mâk 5:8

È tè pîə zâ kə̂ Njisə̀s pì se zuʼse pisə təynse nə, “Fɨ ə wùə vɨ̂nə ewìyn ə zuʼse pi sɨ̂nə̀!”

Tom èchùŋ kè kə Lûk tè nyaʼ 8:28

È tè fe pə̀yn Njisə̀s nyi ə fo kyə̀ echiə ə pfɨ̀ə ə və shi ə pɨa nâʼà èkyə̀ etɛ ə piə nə, “Ò kyiŋə ghè sê mi ə Njisə̀s, Va Fèzhə̀ fɛ ə fe ngaŋte kwəyn? M chyatə̂ ndò ghò. Kə ò fo ngəʼ sê mi.”

Tom èchùŋ kè kə Lûk tè nyaʼ 8:30

Njisə̀s ə ke pfɨf sê wùə təyn nə, “Zə zɛze nyi ndè?” È və pə̀ynsə̀ nə, “Zə zɨmze nyi ‘Anɔ̀yn’,” kûmə̀ nə pamə̂ tə satàyntè tè nyi mə te ə nji ə vəyn ewìyn nâʼà setsɨ̀.

Tom èchùŋ kè kə Lûk tè nyaʼ 9:39

Zuʼse pise faŋa va se ko vəyn nə è shɨŋ pɨa è chie ə è pfɨə ə chi, pfɨpfɨke e fɨə ə vəyn echo. Ke nə̂ ke nə̂ za, fo ngəʼ sê vəyn, zâ kə vəyn mə è və pɔ nâʼà sə ŋaŋ.

Tom èchùŋ kè kə Lûk tè nyaʼ 9:42

È və pi fɨə se ndù è vəyn, pamə̂ ə satàyn zɛ ə màʼà va ətəyn ə chi, è ve sè shiŋə. Pîza Njisə̀s ə kàyntə̀ ə̀ghɛ sê zuʼ se pi nə sɛ, se ə fɨə, va ətəyn ə tɛ. È və kɛse fo vəyn sê pɨ̀a vəyn.