Tom èchùŋ kè kə Lûk tè nyaʼ 8:25 - Ŋwàʼlè ə̀ Fèzhə̀ Mkâyn Mə̂ Fèm

²⁵ Njisə̀s ə pfɨfə sê ghənə nə, “Kûmə̀ ghè ə ghàyn kyi va pomə̂zè ə?” Ghənə e nyi è kayn fɨnə fânə̀, pfɨfə sê ngɨŋ sə ghənə̂sè nə, “Ə̀ vɨ̀nə nyi nâʼà ndè? E kàyntə̀ əghɛ, naʼapi àfof è tsò e zɨə və.”

Tom èchùŋ kè kə Lûk tè nyaʼ 8:25 ပူးပေါင်းရင်းမြစ်များ

Matyò 14:31

Kè sə ashìŋə̀, Njisə̀s ə nɛ̀sə̀ àgho ə kyiə vəyn ə pfɨfə sê vəyn nə, “Pomə zɛze tətə̂ ghè nyiə, Ə̀ nəyn ghɛ kə təm ghe ghə tə chyasə ə?”

Matyò 17:20

Njisə̀s ə pə̀ynsə̀ nə, “Ə̀ nyi kûmə̀ nə pomə zayn nyiə ndɛnə. M piə sê ghàyn səmɔʼ nə ə ghàyn kyi pomə̂zè, ze ndɛnə pi kə eshi ə ngwàʼ ə mostàzè, ghàyn kàʼa ghàyn pi sê pfɨ̀yn zɨ̂yn nə è ndò fa elùʼ ə è ndu ndom fɛ̂, ə è nəyn ke za. Ə ghɛ zhîze ə tɛ ghaʼa va ghàyn.

Matyò 6:30

Ə̂ Zhə̀fè nyi kàʼa Fe lafse tayn èwə̂yn nyî mə ve nyi ndâyn mə ezhwisəʼə ə və nyi mə nyɔ̀ʼ ewùs, ə È tə tàʼa lafsə̂ tsɛ ghàyn nyiə mə mə? Ghàyn kyi epomə̂ e tətə̂ zè.”

Matyò 8:10

Kə Njisə̀s tè zɨ ghɛ zɛ ə è pì, choze ə zomə vəyn. È və pìə sê ghɨ ghɛ ə ghe tè kwiə ə vəyn epàm nə, “M piə sê ghàyn səmɔʼ nə, m pâʼà nyìəm fe wùə ə Isìlây, è kyi èkyî epomə̂ zɨ̂yn.

Matyò 8:26

È və pə̀ynsə̀ nə, “Ghàyn fànə tsɛ̂sə̀ ghè nyiə?”, “Pomə̂ zaynze tətə̂ ghè nyiə.” È və ke ndwìə kɔʼ ə tsɛ̀sə̀ àlâŋ sê fof kɛ, tsò ə̀təyn ə tso pɔ.

Ŋwàʼlè ə̀ Mâk 4:35

Ə tè nyi kepî etuʼ vɛ Njisə̀s tè zaʼlə ghɨ zâ, shîŋə̀ ezhwikwɨləke ə kwənə, è və pìə sê chùmtè èpàm sə vəynse nə, “Ə ghâsènì tyaŋ ndu engyinə̂ enjwì vîə.”

Tom èchùŋ kè kə Lûk tè nyaʼ 12:28

Ə̂ Zhə̀fè nyi kàʼa Fe lafse tayn èwə̂yn nyî mə ve nyi ndâyn mə ezhwisəʼə ə və nyi mə nyɔ̀ʼ ewùs, ə È tə tàʼa lafsə̂ tsɛ ghàyn nyiə mə mə? Ghàyn kyi epomə̂ e tətə̂ zè.

Tom èchùŋ kè kə Lûk tè nyaʼ 8:24

Ghənə ndùə sə̂ʼə̀ zə̂mə̀ vəyn, piə nə, “Pɛ̀ apɨəyn, Pɛ̀ apɨəyn, zə̀mə, ghàs nə kwutə̂!” È və zə̀mə̀ ə kàyntə̀ əghɛ sê fofa è tsò, ke ə tənə̂, luʼte ə kɨmə̂ kə nyiə mɔŋ.

Tom èchùŋ kè kə Lûk tè nyaʼ 8:26

Epàm ətəyn, Njisə̀s yî chùmtè èpàm sə vəynse ə tyàŋà ndùə endaʼ ə Njɛ̀lɛsens engyinə̂ enjwì vɛ ə ve tè kyàʼnə tyâŋsə̀ Ngalìlî.

Njɔyn 11:40

Njisə̀s ə pìə sê vəyn nə, “Piə mə fə pì sê ghò nə ə ò pomə, ə ò fe pomsê ə Fezhə̀zè ə?”