Tom èchùŋ kè kə Lûk tè nyaʼ 8:21 - Ŋwàʼlè ə̀ Fèzhə̀ Mkâyn Mə̂ Fèm

²¹ Njisə̀s ə piə sê ghənə nə, “Nyi vɨm è ghɔnyì ghɨmə nyi ghɛ ə ghe zɨə ghɛə Fezhə̀e, nə̂ kə ze pi.”

Tom èchùŋ kè kə Lûk tè nyaʼ 8:21 ပူးပေါင်းရင်းမြစ်များ

Matyò 17:5

Kə è tè pa wâmnə̀, mbàʼ sefɨfə nyaynəse ə tso ə ghənə ətu ə kɨyte ghənə, Kyə̀ ə fɨə fu ə fètə̂ sèmbàʼ pîə nə, “Ə̀ vɨ̂nə nyi Vayn vɛ M kɔ̂ŋə̀, È nə̀ M saŋnə̂. Ghàyn zɨə sê vəyn.”

Matyò 25:40

Ə fɔ̀yn pəynse nə, ‹M pîə sê ghàyn səmɔʼ nə, nâʼàpî ghè vɛ ə ghàyn tè nə̀yn sê wùə èmɔ̀ʼ vɛ è chùmtə̀ mi mə è kɔʼnə̂ va, ghàyn tè nə̀yn sê Mi.›

Matyò 25:45

Ə fɔ̀yn pəynse nə, ‘M pîə sê ghàyn səmɔʼ nə, nâʼàpi zɨ̂yn ə ghàyn tè tə se tsàmtə wùə èmɔ̀ʼ vɛ è chùmtə̀ mi mə è kɔʼnə̂ va, ghàyn tè tə se tsàmtə Mi.’

Matyò 28:10

Njisə̀s ə pìə sê ghənə nə, “Kə ghàyn fayn. Ghàyn ndu tsayn sê chùmtè epàm sɨm sɛ ə se nyi kə ghɔnyì ghɨmə nə ghənə ndu ə Ngalìlî. Ə̀ nyì fumə ə ghənə nə̀ fe mi.”

Tom èchùŋ kè kə Lûk tè nyaʼ 8:15

Zhi zɛ è tàyntè əmchi mê chùŋə̀m nyi kə əghɨ ghɛ ə ghe zɨ ghɛə Fezhə̀e, ə kyiə kə səmɔʼ è təm əchûŋə̀, ə ndə̀mə̀, ze muə etwɔm ə ghənə endam.

Tom èchùŋ kè kə Lûk tè nyaʼ 8:20

Wùə viu ə tsà sê vəyn nə, “Nyi vɛ̂ è ghɔnɛ ghè tyəm əpɨəyn kyiŋə se fe gho.”

Njɔyn 13:17

Zôyn kə ghàyn ke səmɔʼ, pɔsê nə̀ nə ə zə nyi sê ghàyn ezhoghɛ ə ghàyn nə̀ nyiəmə!

Njɔyn 20:17

Njisə̀s ə pìə sê vəyn nə, “Kə ò kom mi kûmə̀ nə m pâʼà nyìəm ndu sê Pɨ̀a Vɨ̂mvè. Pɨl ndù sê chùmtè èpàm sɨmse, ə ghɔnyì ghɨmə ə tsà se ghənə nə M kɛsə̂ ndùə sê Pɨ̀a Vɨ̂m vɛ ə̀ nyì kepî Pɨ̀a vâynvè. È nyi Fèzhə̀ fɨmfe, ə̀ nyi kepî Fèzhə̀ faynfe.”

2 Kolìŋ 5:16

Se zhə̀tè zôyn, ghàs nə fɨnə njìə va wùə endom vɛ ə ghɨ mbi njìə ətəyn. E nyi ke nâʼà səmɔʼ nə, ə tè nyi ə shɨŋ zhîzè, ghàs e njiə Klâys zamə, pîza se zhə̀tè zôyn, ghàs fɨnə njîə va vəyn za.

2 Kolìŋ 6:18

ə mə nyi Pɨ̀a sê ghàyn, ə ghàyn ə nyi ə̀ ghɔyn ghɨmghe ndomə̀ghè è ghe zəynghe, ə̀ pi Fezhə̀, pɛ̀ àtyaʼ akɨ̂m.”

Njə̂m 1:22

Kə ghàyn lese ngɨŋ saynse sə̂ zɨtə̂ kə ndò ghɛ ə Fezhə̀zè, pîza ghàyn e nə̂ èghɛ zɛ ə tom ə̀təyn pîə.

1 Njɔyn 2:29

Ə ghàyn ke nə vɛ ə Zhə̀fè kɨmne ndə̂m nyi chichi ə Zhə̀fè əshi, ə ghàyn ə ke kepî nə nâʼàpî ndè vɛ ə è nə̂ ghɛ zɛ ə ze nyi chichi, nyi kepî va Fèzhə̀.

3 Njɔyn 1:11

Kə ò tə səyne èghɛ epi ə soyn vɨm ve èkɔ̂ŋ, ò pɨlə səynə kə ze chûŋzè. Nâʼàpî ndè vɛ ə è nə̂ ghɛ e chuŋè nyi vayn sê Zhə̀fè. Vɛ ə è nə̂ ghɛ ə pighe ke va Zhə̀fè.