Tom èchùŋ kè kə Lûk tè nyaʼ 8:18 - Ŋwàʼlè ə̀ Fèzhə̀ Mkâyn Mə̂ Fèm

¹⁸ Ghàyn tɔ̂ʼnə̀ endom vɛ ə ghàyn zɨtə ətəyn. Ə̀ se kyi pi ndè, ə fo kwəynse sê vəyn, ə̀ làʼà pîndè, ə fi nâʼàpî ketətə̂ kɛ ə è kwàʼtə̀ nə è kyi ndô.”

Tom èchùŋ kè kə Lûk tè nyaʼ 8:18 ပူးပေါင်းရင်းမြစ်များ

Matyò 13:12

Nâʼà pîndè vɛ ə è zɨə ke ghɛ e ndətə efɔ̀yn ekwùtwəynə, Zhə̀fè nə̀ pâʼsə̂ è zɨə ke ətəynze kə è və kyi èzɨə keze se tsɨ̀. Pîza nâʼà pîndè vɛ ə è kyi va zɨə ke nə zɨ̂yn, Zhə̀fè nə̀ fiə tsɨsə̀ pî fè fɨatə̀ fɛ ə è kyi.

Matyò 25:29

Kûmə̀ nə, sê nâʼàpî ndè vɛ ə è kyi fɨake, ə nə̀ fo kwəynsə̂ setsɨ̀ sê vəyn, ə è və kyi ve tsɨə tsɛ, pîza wùə vɛ ə è kyi va fɨake, Zhə̀fè nə̀ fiə tsɨsə̀ pî fè fɨ̂atə̀ fɛ ə è kyi sê vəyn.

Ŋwàʼlè ə̀ Mâk 13:14

Ghàyn tə fe èghɛ epi zhîze mə ze pə̂ èghomə̂zè ə Zhə̀fè əshi ə zə nyi elùʼ mə ze kyi va sə̂ nyi fu. (Ghàyn ghɛ ə ghàyn tɔŋɔ ghɛ ghɨ̀yn tɔʼ zɨ kê ghɨnə mə). “Ə ghɨ ghɛ ghe nyi ə Njòndyâ tə nyɨŋə kɔʼɔ ə pfɨyn ə ndə fumə.

Tom èchùŋ kè kə Lûk tè nyaʼ 19:26

‹M piə sê ghàyn nə, ə̂ kyi pi ndè, ə fo kwəynsê sê vəyn, ə lâʼà pî ndè, ə fi naʼapi ketətə̂ kɛ ə è kyi.

Tom èchùŋ kè kə Lûk tè nyaʼ 9:44

“Ghàyn tɔʼ zɨ eghɛ zɛ m kyiŋə sê pi sê ghàyn. Ə nə̀ fo Va Wùə sê ghɨə.”

Njɔyn 15:2

È tsɔynə màʼa nâʼàpî ngɔyn èkè ə Mì ewìyn zɛ ə è muə va twɔmve, fɨnə chɔʼtə̂ tsɨsə̀ sèngɔyn sɛ ə se muə va twɔmve, kə fə zo kɛsə̂ muə ètwɔm etsɨəve

Ətefɨ̂aʼ 10:33

Mə ke tiynsə̂ tom kè ashìŋə̀ nə kɛ nə ə pəyn ghò, ò vɛ o nə̀yn achûŋ ə pə̀. Zôyn se nyi, ghâsènì e tsɨ̂yntè nyi ke ə Zhə̀fè əshi, lɨmtə̂ se zɨə əghɛ ə̀kɨ̂m ghɛ ə Pɛ̂pɛ Zhə̀fè pi nə ò tsayn sê ghàs.”

Ətefɨ̂aʼ 17:11

Ghɨ ghɛ ə ghe tè nyi fu tè nyi əghɨ, kɔ̂ŋɔ̀ se zɨtə eghɛ tsɛ̂ ə̀ghɨ ə Tèsàlonikà. Ghənə tè kɔ̂ŋɔ̀ nâʼà àchûŋ se zɨtə tom èchùŋ ə faŋa sè tɔŋɔ ə̀ghɛ ə Ŋwàʼlè ə̀ Fèzhə̀ kè tûʼmè m̀kɨ̂m kyiŋə se fe nə ghɛ ghɛ ə Pɔ̂l tè ndàʼa tè nyì səmɔʼ ə.

Ŋwàʼlè ə̀ Pɔ̂l sê ghɨə Lûmghè 12:3

Kûmə̀ àfùʼ ə Fezhə̀ kɛ ə è fo sê mi, m pîə se ghàyn əkɨ̂m nə kə ghàyn nə nji sèngɨŋ saynse ekwùtwəyn endom vɛ ə ghàyn kwàʼtə̀ ətəyn, ghàyn e pɨlə njîə sèngɨŋ saynse ə chi ə ghàyn ekwâʼtè. Nâʼàpî ndè kyi se fe ngɨŋə̂ vəyn əfètə̂ èpomə eghɨ kûmə̀ èfo zɛ ə Zhə̀fè nyi mə fə fo sê vəyn.

1 Kɔlìŋ 14:37

Ə wùə ke nə è nyi fɨ̀aʼtè ə̀ Fèzhə̀, pî nə è kyi èfo mə ə̀ fo se Zuʼ, ə è və kyi se pomə̂ nə ghɛ zɛ m nyâʼà sê ghàyn ndò sê Pɛ̂pɛ.

1 Kɔlìŋ 3:18

Kə wùə tə lesê ngɨŋə̂ vəyn. Ə wùə nyi ə ghàyn əfètəyn kwaʼtə̀ nə zhi nə tɔfə endom vɛ ghɨ mbiə fâ njîə ətəyn, ə è pɨl kə̂mnè sə ango kə̂ è kyi kàyntè ètɔf.

1 Kɔlìŋ 8:2

Ghɨ ghɛ ə kwàʼtə nə ə ke ndô ghɛ fɛte keva kə ghənə fə kyi sə̂ ke.

Filìpây 3:4

Pî kə mi è ngɨŋ zɨ̂mzè kàʼa m ndəm təm ghɨmghe ətə̂ èfɨa ə ghɨ̀ msɔ̀ŋve, nâʼàpî ndè ə ghàyn ə fètəyn vɛ è kwàʼtə̀ nə è nə̀ ndə̂mə̀ ə̀təm ə vəynghe ətə èfɨa ə ghɨ̀ msɔ̀ŋve, è za kyi ndô ndomve tsɨ̂ə tsɛ̂ mi.

Ipilù 2:1

Ghɛ nə ghɨnə tyə̀nə̀ nə ghâsènì kyi se fɛtə̂ kyiə tom èchùŋ nə zɨ̂yn ə ghâsènì zɨ nyi kə ghâsènì nə tàʼa njìsè endom.