Tom èchùŋ kè kə Lûk tè nyaʼ 8:1 - Ŋwàʼlè ə̀ Fèzhə̀ Mkâyn Mə̂ Fèm

¹ Epàm ətəyn Njisə̀s ə ndò kwiə ndàʼà tom èchùŋ kûmə̀ èfɔ̂yn ə Fezhə̀vè ə setɔ̂ŋ è tə̀ʼse. Ə nyi za, chùmtè èpàm sə vəynse njò sepɛ̀ e nyi yî vəyn,

Tom èchùŋ kè kə Lûk tè nyaʼ 8:1 ပူးပေါင်းရင်းမြစ်များ

Matyò 11:1

Kə Njisə̀s tè zaʼle mɨ̂sè chùmtè èpàm sə vəynse njò sepɛ̀, è və ndò fumə elùʼ sè ndàʼà sè fɨnə zaʼlə̂ èghɛ ə Fezhə̀zè ə setɔ̂ŋ sɛ ə se tè nyì paʼsê fumə.

Matyò 13:19

Ghɨ ghɛ ə zɨə tom kûmə̀ èfɔ̂yn ə Fezhə̀e zɨə kê va nyi kə ngwàʼ zɛ ə è tàyntè aghòl endomke. Ndə̂plè ə pə̀ njiə ndô èghɛ zɛ ə fə zho ə ghənə təm.

Matyò 4:23

Njisə̀s ə ndò kwîə ka tè ndaʼà tèkɨ̂m endaʼa Ngalìlîzè zaʼlə̂ èghɛ ə Fezhə̀zè ə se ndɛ sə atsɨ̀yntese, kɛsə̂ ndâʼà tom èchùŋ kûmə̀ èfɔ̂yn nə Fezhə̀vè. È tè tsuʼə əghɨ ezafə əkɨ̂m è kɨsè kyì tə tezaf tɛ ə te tè nyi ə ghənə fètəyn.

Matyò 9:35

Njisə̀s e kwîə ka môtə̀ sètɔ̂ŋ sèkɨ̂m è tə̀ʼse, zaʼlə̂ èghɛ Fezhə̀zè ə se ndɛ sə atsɨ̀yntese, ndaʼà tom èchùŋ kûmə̀ èfɔ̂yn ə Fezhə̀vè, tsuʼə ə̀ghɨ zafə ghəkɨ̂m è kyì tə tezaf tekɨ̂m.

Ŋwàʼlè ə̀ Mâk 1:39

È və wàmnə̀ zâ ə kwìə kə tèluʼ tekɨ̂m ə Ngalìlî, kwîə njiə ə sendɛ sə atsɨ̀ynte sə ghənə̂sè, ndàʼà tom ə Fèzhə̀, fɨnə chûmə̀ fɨsə̂ sèzuʼ se pise ə ghɨghe mwìyn.

Tom èchùŋ kè kə Lûk tè nyaʼ 1:80

Va Sàkàlyâ nə vɨ̂yn ə ndəmə̂ tɛ ə vəyn epomə̂. È tè ndam endaʼ ashəshəe se zaʼâ etuʼ vɛ è tyə̀yn ngɨŋ ə vəyn sê ghɨə Isìlây ghè.

Tom èchùŋ kè kə Lûk tè nyaʼ 20:1

Tuʼ fîfe, Njisə̀s e sè zaʼlə̂ əghɨ ə Ndɛ Ètsə̀mə, ndàʼà tom èchùŋ sê ghənə. Ghɨə kɔʼsə nə eshyə̀ engaŋtəghe yî tyə̀ynsè sə alàŋsè, paʼsə̂ è chəʼse ə fɨə pə̂

Tom èchùŋ kè kə Lûk tè nyaʼ 4:18

“Zuʼ sə Pɛsè nyi ə mìə tu kûmə̀ nə è chɔʼ mi nə mə tsâ tom èchùŋ sê ghɨ ghɛ ə nyi mə pɔ. È və tom mi nə m tɔŋɔ ndâʼà sê ghɨ ghɛ ə tè nyi mə kyitê, nə tuʼve ə kwəyn kə za ghənə, ə fɨnə tomə mi nə m ndaʼa sê ghɨ fofə nə tuʼve ə kwəyn kə ghənə fe luʼte, se fɨnə fɨsê əghɨ ghɛ ə nyâplə̀ ə̀ ghənə ə ngəʼ,

Tom èchùŋ kè kə Lûk tè nyaʼ 9:6

Ghɨətom ə vəynghe ə fɨə kwiə ndùə kə ə tə̀ʼ ə tə̀ʼ, ndàʼà ndùə tom èchùŋ, fɨnə tsuʼə ə̀ghɨ naʼapi ghayn ə ghənə fe.

Ətefɨ̂aʼ 10:38

Ghàyn kyi sə̂ ke nə Zhə̀fè ə tə kɨmnê Njisə̀s, ə wùə Nazalɛ̀t, ə fo Sezuʼ se Ŋwaʼase sê Vəyn è tyaʼa. Njisə̀s tè kwiə ka kə luʼ tekɨ̂m, nə̂ əghɛ echûŋə̀. Kə Zhə̀fè tè nyì yî Vəyn, È tè tsuʼə nâʼà pîndè vɛ ə è tè nyi ə ndə̂plè etyə̂ àtyaʼ.

Ətefɨ̂aʼ 13:32

Ghàs e sè nyi zôyn se tsà tom èchùŋ sê ghàyn, ə nyi zɛ ə Zhə̀fè tè tsɨ̀ne ndəm sê pɨ̀a əghɨ Njûs ghəshiə. Fe ə lwiynse tsɨ̀nè ətəyn sê ghâsènì.

Ŋwàʼlè ə̀ Pɔ̂l sê ghɨə Lûmghè 10:15

Wùə kàʼa è ndaʼa zayn tom nə zɨ̂yn sê ghɨ ndɔ̀ʼɔ ə tom və ə? Ə nyi mə ə nyàʼ ə ŋwàʼlè ə̀ Fèzhə̀ nə, “Ə wùə pə̀ è tom èchùŋ, è pə̀ è saŋnêzè.”