Tom èchùŋ kè kə Lûk tè nyaʼ 7:6 - Ŋwàʼlè ə̀ Fèzhə̀ Mkâyn Mə̂ Fèm

⁶ Nyi, Njisə̀s ə ndò yî ghə̀ ghənə. Ə pə̀ kə è kwi sè paʼsə̂ ndu ə ndɛ̂ àtuə sesokə̀ʼ nə kɛ, ke ə tomə sèsoyn sə vəynse nə se ndu pi sê Njisə̀s nə, “Pɛ̂pɛ, kə ò fɨyn fe ètsôs se pə̀yn kûmə̀ nə m kwənə va kə ò nji ə mìə ndɛ,

Tom èchùŋ kè kə Lûk tè nyaʼ 7:6 ပူးပေါင်းရင်းမြစ်များ

Matyò 20:28

E za nyi kepî eghəs kə Va Wùə tè tàʼa pə̀yn nə ə fɨ̂aʼà sê vəyn. È tè pə̀yn sə̂ fɨ̂aʼà sê ghɨ, se fɨnə fo ngɨŋə̂ ə̀ vəyn se sɔzà əghɨ tsɨəghe.”

Matyò 3:11

M fo m̀mo sê ghàyn è môm mə tsòm se tyə̀yn nə ghàyn ə kwiynê ə ghànə sepi. Pîza vɛ ə è pə̀ ə mì epàm nə̀ fo m̀mo sê ghàyn è Zuʼse Ŋwaʼase è wusve. È tsɛ̂ ndò mi. M kwənə pî va se pɨ̀aʼà sepfɨ sə vəynse.

Ŋwàʼlè ə̀ Mâk 5:24

Njisə̀s ə ndùə yî vəyn. Nɔ̂nə ghɨ̀ kyîke e ndûə kə ə Njisə̀s epàm mə kyɨ̀ŋ ka vəyn.

Tom èchùŋ kè kə Lûk tè nyaʼ 5:8

Ə̂ pə̀ kə Shimuyn Pità fe ghɛ zɛ ə ze kyàyn, è və tɨmə əngwuʼ ə Njisə̀s əshi ə piə sê vəyn nə, “Ndò ə mìə ngwùŋ ə Pɛ̂pɛ. M nyi wùə èpi!”

Tom èchùŋ kè kə Lûk tè nyaʼ 7:4

Ghənə ə ndù sê Njisə̀s ə chyatə̂ vəyn nâʼà sə ŋaŋ ə piə nə, “Tsàmte wùə vɨ̀yn, è nyi ke nâʼà wùə kə ò tsamte.

Tom èchùŋ kè kə Lûk tè nyaʼ 7:5

Tuə sesokə̀ʼ nə kɨnə mə kɔ̂ŋɔ̀ ndò ghɨ ghasènìghe, mə è və tə tsàmte pɛ ndɛ̂ atsɨ̀ynte ə ghâsènì.”

Tom èchùŋ kè kə Lûk tè nyaʼ 7:7

fɨyn nyi nâʼà nyi kwənə̂ va se tyə̂m se wàmnè sê ghò nâʼà è ngɨŋ zɨm. Pîza, piə kə ndo nə wufɨ̀aʼa vɨm tɛ, kə è tɛ.

Tom èchùŋ kè kə Lûk tè nyaʼ 8:49

Kə Njisə̀s pa wàmnə̀ kə ndo, wùə ə pə̀ mə è ndò ə ndɛ̂ atu ə ndɛ̂ atsɨ̀ynte nə kɛ ə piə sê vəyn nə, “Vayn vɛ̂ vɛ ə kwu. Kə ò fɨyn fo ngəʼ sê tyə̀ynsè.”

Ətefɨ̂aʼ 10:38

Ghàyn kyi sə̂ ke nə Zhə̀fè ə tə kɨmnê Njisə̀s, ə wùə Nazalɛ̀t, ə fo Sezuʼ se Ŋwaʼase sê Vəyn è tyaʼa. Njisə̀s tè kwiə ka kə luʼ tekɨ̂m, nə̂ əghɛ echûŋə̀. Kə Zhə̀fè tè nyì yî Vəyn, È tè tsuʼə nâʼà pîndè vɛ ə è tè nyi ə ndə̂plè etyə̂ àtyaʼ.

Njə̂m 4:10

Ghàyn tsose ngɨŋ saynse ə Pɛ̂pɛ əshi kə fe ndwise ghàyn.

Njə̂m 4:6

Pîza fùʼ kɛ ə Zhə̀fè fo nyîə tɛ tsɛ̂ kè kə nyâʼ ə Ŋwàʼlè ə̀ Fèzhə̀ nə, “Zhə̀fè nyiə njîə tsosə̂ ə̀ghɨ ghɛ ə ghe ghaŋsə wiynve, pîza fo àfùʼ ə vəynke sê ghɨ ghɛ ə ghe njîə tsosə pə̂ ngɨŋsə ghənə̂sè əchi.”