Tom èchùŋ kè kə Lûk tè nyaʼ 7:29 - Ŋwàʼlè ə̀ Fèzhə̀ Mkâyn Mə̂ Fèm

²⁹ Ghɨ ghe əkɨ̂m ə tə zɨ wàmnè ə Njisə̀szè paʼsə̂ è ghɨ ghɛ ə tè tənə tâks sè pomsə̂ Fèzhə̀ kûmə̀ nə ghənə tə fi mômè sê Njɔyn.

Tom èchùŋ kè kə Lûk tè nyaʼ 7:29 ပူးပေါင်းရင်းမြစ်များ

Matyò 5:46

Zhə̀fè nə̀ maʼtə̀ ghàyn sə ghɛ ə ghàyn kɔ̀ŋə̀ kə ghɨ ghɛ ə kɔ̂ŋə̀ ghàyn ə? Piə ə̀ghɨ ghɛ ə tənə tâksè nə̀ kəpî zâ.

Tom èchùŋ kè kə Lûk tè nyaʼ 20:6

Pîza ə ghâsènì pi nə, ‘Ə̀ fo əghɨ è tyaʼa sê vəyn,’ ə ghɨghe əkɨ̂m tɨmne zhwi ghâsènì è chîə kûmə̀ nə ghənə ke nə Njɔyn tè nyi fɨ̀aʼtè.”

Tom èchùŋ kè kə Lûk tè nyaʼ 3:12

Ghɨ ghɛ ə ghe tè tənə tâksè ə pɔŋɔ pə̀ se fiə mmo ə pfɨfə sê vəyn nə, “Ghàs nyiə nə̀ pɔŋɔ gha ghè ə Tyə̀ynsè?”

Tom èchùŋ kè kə Lûk tè nyaʼ 7:28

M tsâ sê ghàyn nə, wùə pâʼà tyəm pə nyi fâ ə chi, tsɛ̂ Njɔyn Foə M̀mò, pîza naʼapi vɛ ə è tətə kwûŋsə̀ elùʼ efɔ̀yn ə Fezhə̀vè tsɛ̂ ndò vəyn.”

Tom èchùŋ kè kə Lûk tè nyaʼ 7:35

Pîza, Zhə̀fè tyə̀nə̀ nə tɔf eghaʼâ ə vəynze nyi ke nâʼà səmɔʼ tɔynə̂ əghɛ ghɛ ə ghɨ vəynghe nâʼà əkɨ̂m nə̀ ə̂ ghənə endam.”

Ətefɨ̂aʼ 18:25

È tè nyi mə ə fɛtê nji kɔʼsê pəyn vəyn ə Pɛ̂pɛ endom, kûmə̀ àtyaʼ nə kɨnə mə, è ve sè ndaʼà fɨnə zaʼlə̂ kûmə̀ Njisə̀s mə è tsasə va. Pî kə è tè ke ke kûmə̀ èfo mmò ə Njɔyn ze.

Ətefɨ̂aʼ 19:3

Pɔ̂l ə pfɨfə sê ghənə nə, “Ghàyn tè se fî èkyì mmò m̀kè?” Ghənə pə̀ynsə̀ nə, “Ə tè fo mmo sê ghàs tɔynə̂ èghɛ zɛ ə Njɔyn tè zaʼlə.”

Ŋwàʼlè ə̀ Pɔ̂l sê ghɨə Lûmghè 10:3

Ghənə ke va ndom vɛ ə Zhə̀fè njìə ghɨ sə ghɨə chichiə ətəyn. Ghənə pɨlə kyiŋə èndom sə nyi chichi ə Zhə̀fè əshi. Nyiəmə, ghənə njîə va ngɨŋ sə ghənə̂sè əchi se chùmtè endom vɛ ə Zhə̀fè nyi mə Fe ə fɛtê kə ghɨghe ə nyi chichi ətəyn ə Fəynfe əshi.

Etyə̂yn ə paynsêzè 15:3

zhəmə sènjàŋ sə Mosîsè, ə wùə èfɨaʼa ə̀ Fèzhə̀, è njàŋ sə Vâ Ndzèsè piə nə: “Pɛ̂pɛ Zhə̀fè, Pɛ̀ etwɔʼ ekɨ̂m. Ò nə̀ əghɛ ə ghaʼâ ə kayntəghe! Ò nyi fɔ̀yn se mbi èkɨ̂m. Ndom tɛte nyi chichi fɨyn nyi səmɔʼ!

Etyə̂yn ə paynsêzè 16:5

Mə zɨə kə tsì zɛ ə è tɔ̀ʼnə̀ è mose pî nə, “O təyn saʼ kè chichi, ò nyi Fezhə̀ səmɔʼ, ò nyi Fezhə̀ fɛ ə fe nyi zôyn, fɨyn nyi Fèzhə̀ fɛ ə fe nyi shîŋə̀ tekɨ̂m.