Tom èchùŋ kè kə Lûk tè nyaʼ 7:2 - Ŋwàʼlè ə̀ Fèzhə̀ Mkâyn Mə̂ Fèm

² tuə sesokə̀ʼ ə ghɨə endaʼ ə Lûm kyîke e nyi fu, kyi wufɨ̀aʼa ə̀ vəyn, kɔ̂ŋɔ̀ vəyn nâʼà àchûŋ. Wufɨ̀aʼa nə vɨ̂yn e zafə nâʼà sə ŋaŋ, tyəm se kwu.

Tom èchùŋ kè kə Lûk tè nyaʼ 7:2 ပူးပေါင်းရင်းမြစ်များ

Matyò 27:54

Tuə sesokə̀ʼ kɛ ə ke tè tsɨ̀ŋnə Njisə̀s yî sokə̀ʼ sə mɔ̀ʼɔse ə fe zâ kə chike nəʼə̀ è ghɛ kayntə mɔ̀ʼɔ ghɛ ə ghe kyâyn, fâynzè ə ko ghənə, ghənə ə pìə nə, “Səmɔʼ, wùə vɨ̀nə tè nyì ke nâʼà Vâ Fèzhə̀!”

Tom èchùŋ kè kə Lûk tè nyaʼ 23:47

Tuə sesokə̀ʼke ə fe ghɛghe ə ghe kyàyn ə tsìtə̀ Fèzhə̀ piə nə, “Səmɔʼ, wùə vɨ̂nə a kyi va pi!”

Tom èchùŋ kè kə Lûk tè nyaʼ 7:1

Ə̂ pə̀ kə̂ Njisə̀s wàmnè mɨ̂sè ghɛ ghɛ ə è tè kyiŋə nə ghɨ zɨ ə kɛse tso ə tə̀ʼ ə̀ Kàpanùm,

Tom èchùŋ kè kə Lûk tè nyaʼ 7:3

Tuə sesokə̀ʼ nə kɨ̂yn ə zɨə saʼghe kûmə̀ Njisə̀s ə tomə sèchəʼ sə Njû shise nə se ndu chyatê vəyn nə è pə̀yn tsuʼ wufɨ̀aʼa ə̀ vəyn nə vɛ.

Tom èchùŋ kè kə Lûk tè nyaʼ 8:42

kûmə̀ nə è tè kyi ke vayn zhɔyn èmɔ̀ʼ, è nyi pìŋsè njò sepɛ̀, mə è se kwuə ndùə kə ndò. Kə Njisə̀s ndò sè ndùə yî vəyn, nɔ̂yn ə ghɨ̀kè e sè fɛsə̂ ndùə kə ə vəyn epàm.

Ətefɨ̂aʼ 10:1

Wùə Lûm vîvè tè nyi ə endaʼ ə Kàysalyàzè, zə vəynze e nyi Kɔ̀nilùs. È tè nyi atu sê nɔ̂yn ə sesokə̀ʼ ke ewə̀, mə ə tɔŋtə̂ nə, “Nɔ̂yn ə se sokə̀ʼke wəve mə nyi kə Italìkè.”

Ətefɨ̂aʼ 10:7

Tsì ə̀təyn ə wàmnə̀ mɨ̂sə̀ sê Kɔ̀nilùs ə ndò. Kɔ̀nilùs ə tɔŋɔ̂ ə̀ghɨ fɨaʼa ə vəynghe əpɛ̀, paʼsə̂ è sokə̀ʼ èmɔ̀ʼ è chûmtə̀ èghɛ ə Fezhə̀zè epàm mə ə̀ nyi sokə̀ʼ vɛ ə è tè tsɨ̀ŋnə Kɔ̀nilùs.

Ətefɨ̂aʼ 22:26

Tuə sesôkə̀ʼ nə kɛ ə zɨə zɨnə mə ə ndùə pfɨfə sê tuə sesôkə̀ʼ eghaʼâkè nə, “Ò nə̀ kwiə zàynzə? Wùə vɨ̂nə nyi wùə Lûm.”

Ətefɨ̂aʼ 23:17

Pɔ̂l ə tɔŋɔ àtuə sesôkə̀ʼ kyîke ə pìə sê kəynke nə, “Njiə ndù è kwuŋ vɨ̂yn se tuə sesokə̀ʼke; è nyîə kyi èghɛ se tsàyn se vəyn.”

Ətefɨ̂aʼ 27:1

Ə̀ tè nyi kə sayne nə ghàs nji ə ngwùʼ ə ndu ə Italì, ə fo tsɛsə̀ Pɔ̂l è ghɨə ndɛ ə̀chaʼə mɔ̀ʼɔghe sê tu ə sesokə̀ʼ eghaʼâkè, zə vəynze e nyi Njolòs. Njolòs tè nyi atu se nɔ̂yn ə sesokə̀ʼ kɛ ə tè tɔŋtə nə, “Anɔ̂yn ə sesokə̀ʼ ə Kaysàkè”

Ətefɨ̂aʼ 27:3

Tuʼfe komtəfe, ghàs ə ndùə fɨə ə Sindɔ̀n. Njolòs tè nyîə kyi ə̀təm əchûŋ ghè sê Pɔ̂l, ə zà vəyn nə è ndu fe sèsoyn sə vəynse, nə ghənə fo vəyn è fɨa kɛ ə è tè làʼà.

Ətefɨ̂aʼ 27:43

Pîza tuə sesôkə̀ʼke e kyiŋə se fiə zà ə Pɔ̂l nə kə zhwi, ə pìə nə kə sokə̀ʼ sətəynse mom ghɛ ətəynze. Ə pɨlə pîə nə nâʼàpî ndè vɛ ə è kàʼa ə è samə tayn fɨ sə shi, è və samə̀ ndûə etipì ə tsô.

Kòlosè 3:22

Kɔ̂svè, ghàyn e zɨə sê pɛ̀ efɨ̀aʼ ghaynghe ə ghɛ ə̀kɨ̂m shîŋə̀ tekɨ̂m. Kə ghàyn nə fɨaʼa kə ashìŋə̀ kɛ ə ghənə fe ghàyn kə ghənə kaʼa tsîtə̀ ghàyn, pîza ghàyn e fɨaʼà se ghənə è təm ghaynghe əkɨ̂m kûmə̀ nə ghàyn fo èkɔʼsê sê Pɛ̂pɛ ə ghàyn efɨ̀aʼ.