Tom èchùŋ kè kə Lûk tè nyaʼ 7:16 - Ŋwàʼlè ə̀ Fèzhə̀ Mkâyn Mə̂ Fèm

¹⁶ Fâynzè ə ko nâʼà ghɨ əkɨ̂m fu. Ghənə e tsîtə̀ Fèzhə̀ piə nə, “Fɨ̀aʼtè èghaʼâ ə pə̀yn ə ghâsènì əfètəyn. Zhə̀fè ə pə̀yn se nayne ə ghɨ və!”

Tom èchùŋ kè kə Lûk tè nyaʼ 7:16 ပူးပေါင်းရင်းမြစ်များ

Matyò 15:31

Ghɨ ətəynghe tè nyi è kayn kə ghe fe kə kwùʼvè wâmnə̀, m̀ngə̂s e tɛ, èngɛchive e kwîə, fòfvè e kɛsə̂ fe tèluʼ. Zɨnə mə ə nə̀ ə̀ghɨ ghe tsîtə̀ Fèzhə̀ fə ghɨ̀ ə Isìlâyfè.

Matyò 21:11

Nɔ̂yn ə ghɨ̀ kɛ ə pə̀ynsə̀ kə nə, “Ə̀ nyi Njisə̀s ə fɨ̀aʼtè vɛ è ndò ə tə̀ʼ ə Nazalɛ̀t apàs endaʼ ə Ngalìlîkè.”

Matyò 28:8

Zəyn ghɛ ə zàŋsə̀ ndô fu eshyə̀ eghaʼâzè fânə̀ pîza nyi mə ə lwiyn è saŋnêzè, nyɨŋə ndûə se tsàyn sê chùmtè èpàm sə Njisə̀sè ghɛ zɛ ə ze kyâyn.

Matyò 9:8

Ghɨghe ə fe za fâynzè ə ko ghənə. Ghənə ə zhə̀tə̀ se tsìtə Fèzhə̀ Fɛ ə Fe fo tyaʼa sê ghɨə nə ə nə̂ ə̀ ghɛ ghɨ̀yn.

Tom èchùŋ kè kə Lûk tè nyaʼ 1:65

Ghɛ ətəynze e sè kwûəmə̀ sê kɔtə vəynte nâʼà sə ŋaŋ, saʼghe ətəyn ə kwiə kə endaʼ ə sepfɨyn nə zɛ è Njòndyâ èkɨ̂m.

Tom èchùŋ kè kə Lûk tè nyaʼ 1:68

“Tsîtèzè nyì sê Zhə̀ fə ghɨə Isìlâyfè kûmə̀ nə fe ə pə̀yn se naynə̂ əghɨə fəynfe, se fɨnə zhɔnə atu ə ghənəà

Tom èchùŋ kè kə Lûk tè nyaʼ 19:44

Ghənə tə kəʼsə̂ ghàyn kè əkɨ̂m paʼsə̂ kəpî è ghɔyn ghɛ ə ghe nyi ə ghàyn ə sendɛ. Chie tə faŋa va etuə zhize fâyn kûmə̀ nə ghàyn pâʼà fe ke shîŋə̀ kɛ ə Zhə̀fè nə̂ pə̀ se pɔsê ə ghàyn ətəyn.”

Tom èchùŋ kè kə Lûk tè nyaʼ 2:20

Ngyəyn sə sepfɨ sɛ ə kɛsə̂ ndò sè tsɨ̂tə̀ ndûə Fèzhə̀ fɨnə tɨmə tèkɨ̂m sê Fəynfe eghɛ zɛ ə ghənə fe ə fɨnə zɨə, kè kə tsì fe tsàyn sê ghənə.

Tom èchùŋ kè kə Lûk tè nyaʼ 24:19

È və pfɨfə nə, “Ə nyi əghɛ ə kɛ?” Ghənə pə̀ynsə̀ nə, “Ə nyi ghɛ ə ghe kyàyn sê Njisə̀s və Nazalɛ̀t. E vâ nyi fɨ̀aʼtè, pìə əghɛ ə kayntə, nə̂ ghə mɔʼɔ. Zhə̀fè ə pomə̂ vəyn, ghɨghə pɔŋɔ pomə.

Tom èchùŋ kè kə Lûk tè nyaʼ 5:26

Ghənə e nyi è kayn, fâynzè ə ko ghənə, ghənə e sè tsîtə̀ Fèzhə̀ pîə nə, “Ghâsènì ə fe ghɛ əkayntə ghe ndàyn!”

Tom èchùŋ kè kə Lûk tè nyaʼ 5:8

Ə̂ pə̀ kə Shimuyn Pità fe ghɛ zɛ ə ze kyàyn, è və tɨmə əngwuʼ ə Njisə̀s əshi ə piə sê vəyn nə, “Ndò ə mìə ngwùŋ ə Pɛ̂pɛ. M nyi wùə èpi!”

Tom èchùŋ kè kə Lûk tè nyaʼ 7:15

Wùə èkwuə nə vɛ ə ndwìə tsɨsə ə zhə̀tə̀ sè wàmnə̀. Njisə̀s ə kyiə vəyn ə kɛsə fo vəyn sê nyiə vəyn.

Tom èchùŋ kè kə Lûk tè nyaʼ 7:39

Wùə Falàsî nə vɛ ə è ndàm Njisə̀s ə fe eghɛ nə zɨ̂yn sè piə kə sê ngɨŋ ə̂ vəyn nə, “Ə wùə vɨ̀nə fè nyi ke nâʼà fɨ̀aʼtè èghaʼâ, mə è və kê kyiə wùzhɔyn vɛ ə è kə̀mnə̀ vəyn nyi, nə è nyi nyî, nyi ke nâʼà wùə əghɛ piə.”

Tom èchùŋ kè kə Lûk tè nyaʼ 8:37

Nyi, nâʼà ghɨ əkɨ̂m ə etipì endaʼ ə Njɛ̀lɛsens ə piə sê Njisə̀s nə è ndò ə ghənə əfètə̂ kûmə̀ nə ghənə tè fànə nâʼà sə ŋaŋ. Njisə̀s ə njiə ə ngwùʼ èghaʼâ sè kyiŋə se ndò.

Tom èchùŋ kè kə Lûk tè nyaʼ 9:19

Ghənə ə piə nə, “Yî ghe piə nə ò nyi Njɔyn Foə M̀mò, yî ghe piə nə ò nyi fɨ̀aʼtè Èlanjà, yî ghe e piə nə ò nyi fɨ̀aʼtè èghaʼâ vîvè kə è kɛse zômə̀.”

Njɔyn 1:21

Ghənə ə fɨnə pfɨfə kwəynsə̂ sê vəyn nə, “Ò se nyi nâʼà ndè? Ə̀ nyì gho Èlanjà mə?” Njɔyn ə pə̀ynsə̀ sê ghənə nə, “Ngaŋ.” Ghənə ə fɨnə pfɨfə sê vəyn nə, “Ò nyi Fɨ̀aʼtè zɛ ə ghàs lɨmtə mə?” Njɔyn ə pìə nə, “Ngaŋ.”

Njɔyn 1:25

Ghənə ə pfɨfə kwəynsə̂ sê Njɔyn nə, “Ə ò se va vɛ ə chɔʼ ndə̂m, va Èlanjà, va fɨ̀aʼtè, ò sè fo m̀mo mə ghè mə?”

Njɔyn 4:19

Kə wùzhɔyn ə̀təyn zɨ zâ, ə pìə sê Njisə̀s nə, “Mə fe nə ò nyi Fɨ̀aʼtè.

Njɔyn 6:14

Kə ghɨ ghɛ ə tè nyì fu tè fe ghɛ ekaynə zɛ ə Njisə̀s tè nəyn, ghɨ ətəynghe ə pìə nə, “Səmɔʼ ə̀ vɨ̀nə nyì ke nâʼà Fɨ̀aʼtè vɛ ə tè tsɨ̀ne nə è tə pə̀ ə mbi”

Njɔyn 9:17

Ə môtə̀ kə nyi, ghənə ə kɛsə̂ pfɨfə sê wùə vɛ ə Njisə̀s fè tsuʼ za nə, “Ò pi nə È fe tsuʼ ghô ə gho efòf, nâʼà ghò ò kwâʼtə̀ nə ghe kûmə̀ və?” Wùə ə̀təyn ə pə̀ynsə̀ kə nə, “È nyi fɨ̀aʼtè.”

Ətefɨ̂aʼ 5:5

Ànàniyàs ə zɨə èghɛ nə zɨ̂nə̀ kè sə ashìŋə̀ ə pfɨə ə chi ə kwuə. Fâyn ekayntəze ə ko ə̀ghɨ ə̀kɨ̂m ghɛ ə ghənə tè zɨ ghɛ nə zɨ̂nə̀.

Ətefɨ̂aʼ 7:37

Mosîs nə vɨ̂yn tè nyi wùə vɛ ə è tè pì sê ghɨə Isìlâyghè nə, ‹Zhə̀fè tə tomə fɨ̀aʼtè sê ghàyn kə mi mə è ndò kepî sê ghɨ ghaynghe.›

Ngàleshyà 1:24

Zɨnə ə nə̀ ghənə e tsîtə̀ Fezhə̀ kûmə̀ mi.