Tom èchùŋ kè kə Lûk tè nyaʼ 6:8 - Ŋwàʼlè ə̀ Fèzhə̀ Mkâyn Mə̂ Fèm

⁸ Pîza è və kê èkwâʼtè ə ghənəè ə piə sê kwu akɔyn nə vɛ nə, “Ndwi tsɛ pə̀ tyəm ə ghɨghe əshi.” È və ndwìə ndùə tyəmə.

Tom èchùŋ kè kə Lûk tè nyaʼ 6:8 ပူးပေါင်းရင်းမြစ်များ

Matyò 9:4

Njisə̀s ə kê èghɛ zɛ ə ghənə kwâʼtə̀, ə pìə sê ghənə nə, “Kûmə̀ ghè ə ghàyn kwàʼtə̀ ghɛ epiə nyiə.?

Ŋwàʼlè ə̀ Mâk 3:3

È və pìə sê kwuə àkɔyn nə vɛ nə, “Tsɛ fɨ pə̀yn əshi fàyn.”

Tom èchùŋ kè kə Lûk tè nyaʼ 13:12

Njisə̀s ə fe pə̀ vəyn nyi ə tɔŋɔ vəyn, è və fɨə pə̀. Njisə̀s ə nɛ̀sə̀ àgho ə kûmə̀ vəyn ə piə nə, “Wùzhɔyn, ò tɛ mbɛ̀.” Kè sə ashìŋə̀, è və ndwìə tyəmə ə kwiə ndùə kə chichi sè tsîtə̀ ndûə Fèzhə̀.

Tom èchùŋ kè kə Lûk tè nyaʼ 5:22

Njisə̀s ə kê eghɛ zɛ ghənə kwâʼtə̀ ə se pfɨf sê ghənə nə, “Ghàyn kayntə̂ nâʼà əghɛ nə ghɨnəmə nyi kûmə̀ ghè?

Tom èchùŋ kè kə Lûk tè nyaʼ 6:9

Njisə̀s ə pfɨfə sê ghənə nə, “Saʼe pomə̂ ndò nə ə nə̀yn chùŋ etuʼ endaʼ mə pi ə, nə ze pomə nə ə sɔza ndò wùə mə mə zhwi ndo o?”

Njɔyn 2:25

Wùə tè va sə̂ fɨnə tsâ ndò fɨa kɛ ə wùə nyi kəynke sê vəyn kûmə̀ nə è tè se ke ndô kwâʼtè tə̂ ghɨ̀tè.

Njɔyn 21:17

Njisə̀s ə fɨnə tɔŋtə̂ vəyn, nə ə sè nyi tèshiŋə̀ tèta, ə pìə nə, “Shimùyn, Va Njɔyn, ò kɔ̀ŋɔ̀ ndò Mi ə?” Ghɛ ətəynze e sè fo ngəʼ sê Pità kə Njisə̀s pfɨf nə ndu shîŋə̀ teta nə, “Ò kɔ̀ŋɔ̀ ndò mi ə?” È və ke pì sê Njisə̀s nə, “Ò nyîə ke ə̀ghɛ ə̀kɨ̂m ə Pɛ̂. Ò ke ndô nə m nyîə kɔ̂ŋɔ̀ ghò.” Njisə̀s ə pìə sê vəyn nə, “O tɔ̂ʼnə̀ è ndzè sɨmse.

Njɔyn 9:4

Kè kə tuʼve pa panə, ghâsènì kyi se nə̀yn efɨaʼa ə Vɛ zə È tom Mi; tuʼe chîə pə̂ ndò mə wùə vayn kàʼa è fɨyn fɨ̂aʼ.

Ətefɨ̂aʼ 20:24

Pîza m njiə pi va ndam zɨme nâʼà sə eghɛ zhîze, kè ezhoghɛ m mɨsè nyɨŋ nə zɨ̂yn, ə mɨ̂sə̀ àfɨaʼ kɛ ə Pɛ̂pɛ Njisə̀s nyi mə è və fo se Mi, mə ə̀ nyì se ndàʼà ə tom èchùŋ kûmə̀ àfùʼ kɛ ə Zhə̀fè kyi sê ghɨghe.

Ətefɨ̂aʼ 26:26

Fɔ̀yn Angɨlipà m kaʼa m wamne sê ghò è təm tɛ ghəkɨ̂m kûmə̀ nə ò nyiə ke ə̀ghɛ ghɨ̀yn. M nyiə ke nə o fɛtê ndəm ghəynghe ə ghò ekwâʼtè kûmə̀ nə ghɛ ghɨ̀nə tè paʼà kyàyn chi andə̀.

Filìpây 1:28

Kə ghàyn nə fayn ə̀ghɨ ghɛ ə ghe nô nə kə ghàyn nəyn fɨ̂aʼ zaynze achûŋ. Ghàyn kyi təm ə tɛghe. Ə ghàyn nə̀yn nyi, ə ghàyn tyəyn sê ghənə nə Zhə̀fè nə pofsə̂ ghənə ə Fe sɔza ghàyn. Ə̀ nyi Fezhə̀ ə Fe nə̂ nə zɨnə mə kyayn.

Ipilù 4:13

Nâʼàpî ghè vɛ Zhə̀fè fɛte nyîə panə kə ə ndayn sê vəyn. Fɨa kyîke va ə ke ndə̂tə̀ sê vəyn, ghâsènì e nyi se tə tyə̂m ə və shi se taŋə ə njo ə ghâsènì kûmə̀ nâʼà pî ghè kə tè nə̂.

1 Pità 4:1

Kə ghâsènì kàyne ke nə Njisə̀s Klâys ə tə fe ngəʼ achaʼ ewìynke, ghàyn pɔŋ tɛsê àtyaʼ è èkyì ekwâʼtè zɛ ə è tè kyi, kûmə̀ nə nâʼàpî ndè vɛ ə è fe ngəʼ ə vəyn ə njà èwìyn fɨnə nə̂ va pi.

Etyə̂yn ə paynsêzè 2:23

M nə̀ zhwiə kəpî əghɔ vəynghe, ə ndɛ sə Fezhə̀ sekɨ̂m ke nə m nyi wùə vɛ ə m ke kwâʼtè tə ghɨ̀ tekɨ̂m è kɨsè ghɛ zɛ ə ghənə kyiŋə. M nə̀ ndaʼà nâʼàpî ndè kè eghɨ endom vɛ ə è tè fɨ̀aʼa.