6 Ə tè fɨyn nyi kepî etuʼ endaʼ viu, Njisə̀s ə ndùə njiə ə ndɛ̂ atsɨ̀ynte sè zaʼlə, wùə vîvè e nyi fu mə gho ekɔyn etwɔ ə vəynke ə kwu.
Njisə̀s ə ndò kwîə ka tè ndaʼà tèkɨ̂m endaʼa Ngalìlîzè zaʼlə̂ èghɛ ə Fezhə̀zè ə se ndɛ sə atsɨ̀yntese, kɛsə̂ ndâʼà tom èchùŋ kûmə̀ èfɔ̂yn nə Fezhə̀vè. È tè tsuʼə əghɨ ezafə əkɨ̂m è kɨsè kyì tə tezaf tɛ ə te tè nyi ə ghənə fètəyn.
Ə̀ tè nyi etuʼ endaʼ vîve, Njisə̀s ə njiə ə ndɛ̂ atsɨ̀ynte zhîzè sè zaʼlə̂ ə̀ghɨ.
Njisə̀s ə se pfɨf sê tyə̀ynsè sə alàŋsè paʼsə̂ kə è ghɨə Falàsîə nə, “Saʼe pomə̂ ndò nə ə tsuʼ wùə etuʼ endaʼ mə, mə ze kwiynsə̂ ndò ə?”
Njisə̀s ə tə ndù ə Nazalɛ̀t, mə za nyi ə tə̀ʼ zɛ ə è tè ndəmə̂ kɔʼ ətəyn, ə ndùə njiə ə ndɛ̂ atsɨ̀ynte, ə ghənə etuʼ endaʼ vîve ke kə è tè ndamə ndùə. Ə ke ndwìə se tɔŋɔ Ŋwàʼlè ə̀ Fèzhə̀.
È və tso kəpi ə tɔ̂ŋ zhizè ə Ngalìlî, e tɔŋtə̂ nə Kàpanùm, sè zaʼlə̂ ə ghənə etuʼ endaʼ vîvè.
Tuʼve ə zo pə̀ etuʼ endaʼ vîve, Njisə̀s yî chùmtè èpàm sə vəynse e tɔynə̂ tsɛ̂ epa ə saŋ əpɔ̂ zhie, se sè lɔytə̂ etu viu, fəʼsə̂ kwɨlə̂.
È və wàmnə̀ nyi ə ke pi sê ghənə nə, “Va Wùə kyi atyaʼ se nə̀ naʼapi ghè etuʼ endaʼ.”
Nɔ̂yn ə ghɨ̀ ezafəke tè nyîə nyɨ̂ŋtè fumə ə telùʼ te kwiə tsɛte; è ghe efofəghe, è ghə̀ kèngɛchi, è ghɛ pɨas ewìyn əmɔ̀ʼɔve nyi mə və kwu.
Ghɨə Falàsî yîghe ə pìə nə, “Wùə vɛ ə È nə̀yn zɨnə vayn kaʼa ə nyi wùə mə ə̀ tom Fèzhə̀, kûmə nə è paʼà kɔʼsê tuʼ endaʼve.” Pîza yîghe e pîə nə, wùə ə̀ghɛ piə vayn kàʼa è və nə̂ ə̀ghɛ ə kayntə nyi. Kè sə ashìŋə̀, chyâsè ewìynze ə fɨə ə ghənə ə fètəyn.