Tom èchùŋ kè kə Lûk tè nyaʼ 6:30 - Ŋwàʼlè ə̀ Fèzhə̀ Mkâyn Mə̂ Fèm

³⁰ Ə̂ ndɔyn naʼapi ndè fɨa sê ghò, o fo kə ndò sê vəyn. Ə wùə kyi fi fɨa vɛu sə atyaʼ, kə̂ ò fɨyn pfɨf.

Tom èchùŋ kè kə Lûk tè nyaʼ 6:30 ပူးပေါင်းရင်းမြစ်များ

Matyò 18:35

Njisə̀s ə kwùŋsə̀ nə, “Ə̀ nyì kepî zamə kə pɨ̀a vɨmvè ekwùtwəyn tə nə̂. Ezhoghɛ ə ò tàʼa lɛ̀sə fo ànɛ̂ è təm ghɛghe əkɨ̂m. Ə Zhə̀fè tə tàʼa lɛ̀sə fo gho kèpî kə fɔ̀yn vɛ tè tàʼa lɛ̀sə fo wùə èfɨ̀aʼa ə̀ vəyn.”

Matyò 5:39

Pîza, M tsâ sê ghàyn zôyn nə, “Kə wùə tə pə̂ynsè pi è pi. Ə̂ wùə sayn ghô apɔ̀ŋ ekɔyn etwɔke, o pə̀ynsə̀ tyə̂nə̀ kə mɔ̀ʼɔ̂ke ə è sayn mɨ̂sè.”

Matyò 6:12

Lɛ̀se fo pi sɛ ghàs nyi mə nə̀yn, kèpi eghɨ kə ghàs lɛ̂sə̀ fo ghɨ ghɛ nə̂yn pi sê ghàs.

Tom èchùŋ kè kə Lûk tè nyaʼ 11:41

Ghàyn pɨlə fo fɨsə efɨa vayn vɛ ə ghàyn kyi sê ghɨafɨfə è təm e chûŋə̀, kə naʼapi ghè ə nyi è zoe sê ghàyn.

Tom èchùŋ kè kə Lûk tè nyaʼ 12:33

Ghàyn pəʼle fɨa vaynve ə ghàyn fo kɛ ətəyn sê ghɨ afɨfə. Ghàyn fɛte shəyn saynse kə sə vayn kàʼa ə se pof kə ndəm ghaʼ zɛ ə wùə vâyn kàʼa è zhi mɨ̂sè ətəyn, ə ndəm ekwùtwəyn sê ghàyn, elùʼ vɛ ə wùchɔŋɔ vâyn kàʼa è tayn ətəyn se nji, mə shɔshɔʼve vâyn kàʼa ə ve tayn fu se kwɨlə pofse.

Tom èchùŋ kè kə Lûk tè nyaʼ 18:22

Njisə̀s ə zɨə zâ ə piə sê vəyn nə, “Ò pa kyi eghɛ èmɔ̀ʼ se nə̀yn, ndùə pəʼle nâʼà fɨave ekɨ̂m kə ò kyi ə fo ekɛ ətəyn sê ghɨafɨfə, kə ò kyi eghaʼ ekwùtwəynze. Ə ò nə̀yn nyi, o pə̀ chûmtə̀ mi.”

Tom èchùŋ kè kə Lûk tè nyaʼ 6:29

Ə wùə pus ghoke ə ghò apɔ̀ŋ, o pə̀ynsə̀ tyə̂nə̀ kəmɔ̀ʼɔa, ə è pus mɨ̂sè. Ə wùə fi pfɨ̂ fɛfe, kə̂ ò təse fèshɨŋngɨle.

Tom èchùŋ kè kə Lûk tè nyaʼ 6:31

Ghàyn nə̂ kə əghɛ ghɛ sê ghɨə kè kə ghàyn kɔ̀ŋɔ̀ nə ə nə nə̂ sê ghàyn.

Tom èchùŋ kè kə Lûk tè nyaʼ 6:38

Ghàyn e fo ə̀ghɨ èfɨau, kə ə tə fo ghàyn, ə piə fo ndò ə tɔʼ ndəm seshəyn saynse, sə̂ʼsə̀, zəʼtə̂ fɨnə lwiynsə̂ nâʼà nyi, ə se lwiyn ə se ə pɨ̂ə fɨə. Kûmə̀ nə ə ghàyn fo fɨae sê ghɨə naʼapi əfɨ̀aʼ èkè, ə Zhə̀fè tə fo sê ghàyn kèpi əfɨ̀aʼ nə zɛ.”

Ətefɨ̂aʼ 20:35

Mə ə tyə̀yn sê ghàyn ə tendom tèkɨ̂m nə ə ghâsènì fɨ̀aʼà sə ŋaŋ famə endom, ə ghâsènì ə kyi sə tsâmtə̀ ə̀ghɨ ghɛ ə kyi va, ə kɛsə̂ kwaʼtə̀ ə̀ghɛ ghɛ ə Njisə̀s è ngɨŋ ə Vəyn tè pi nə, ‹Saŋnêzè nyi sê wùə vɛ ə è fo, tsɛ̂ kə e nyi sê vɛ ə è fiə kə ndô.›”

2 Kolìŋ 8:9

Ghàyn kendô fùʼ kɛ ə Pɛ̂pɛ ə̀ ghâsènì Njisə̀s Klâys tè tyə̀yn sê ghâsènì. È tè nyi wùə èkɛ, ə kɛsə fɨfə kûmə̀ ghàyn, kə fɨfə Vəynke nəyn, kə ghàyn ə nyi ə̀ghɨ kɛghe ə Zhə̀fè shi.

Ɛfesùs 4:28

Ə nyi mə ə̀ chɔŋɔ pîndè, kə è fɨyn chɔŋ. È pɨl kyi sə̂ fɨ̂aʼà èghɛ è gho vəynghe, kyi àfɨa sə̂ tsâmtə̀ əghɨ mɔʼɔ ghɛ ə ghe kyi va.