Tom èchùŋ kè kə Lûk tè nyaʼ 6:23 - Ŋwàʼlè ə̀ Fèzhə̀ Mkâyn Mə̂ Fèm

²³ Ə ghɨ piə nə̂ za sê ghàyn, ghàyn pɨlə saŋnə kə ndò kûmə̀ nə mâʼte eghaʼe lɨmtə̂ ghàyn ekwùtwəyn. E nyi kepî eghɨ kə pɨ̀aə ghənə tè nə̂ sê fɨ̀aʼtè seghaʼâsè.

Tom èchùŋ kè kə Lûk tè nyaʼ 6:23 ပူးပေါင်းရင်းမြစ်များ

Matyò 5:12

Ghàyn e saŋnə̂ fɨnə tyalə, kûmə̀ nə ə ndə̀m mâʼte eghaʼâvè ekwùtwəyn sê ghàyn. Ə̀ nyì kepî za kə ə tè chɔʼɔ ghol ə sèfɨ̀aʼtè sə shise.

Tom èchùŋ kè kə Lûk tè nyaʼ 1:41

Kə̂ Ɛ̀lisapɛ̀t zɨ tɔŋtə̂ ə vəynze kè sə ashìŋə̀, vayn ə shiŋə ə vəyn endwɔ̀. Zuʼ se Ŋwaʼase ə lwinə ə Ɛ̀lisapɛ̀t ətəm

Tom èchùŋ kè kə Lûk tè nyaʼ 1:44

Ò fè tɔŋte pî mi ashìŋə̀ àkè vayn vɛ e shɨŋ ə mi endwɔ̀ èsaŋnê.

Tom èchùŋ kè kə Lûk tè nyaʼ 6:35

Pîza m piə sê ghàyn nə, ghàyn kɔ̂ŋɔ̀ sèpàyn saynse, nə̂ chùŋ sê ghənə, samsə̂ èfɨa sê ghənə naʼapi ezhoghɛ ə ke va nə ghənə tə kɛsə̂ fo. Ə ghàyn nə̀ zâ, ə mâʼte vaynve tə nə̂ ə və ghaʼa kə nyi, ə ze ə fɨnə tyə̂nə̀ nə ghàyn nyi ke nâʼà əghɔə Fezhə̀ fɛ fe ngaŋte kwəyn kûmə̀ nə fe tɔ̂ʼnə̀ è ghɨ piə è ghɛ ə ghe ndamə fe kê va chùŋ.

Ətefɨ̂aʼ 14:10

ə pìə sê vəyn ə kyə̂ è tɛ nə, “Ndwi ə tyəmə̂.” Wùə ətəyn ə tâynə̀ ndwîə ə zhə̀tə̀ se kwì.

Ətefɨ̂aʼ 3:8

È və tânə̀ ndwîə, ə tyəmə̂ ekwùtwəyn ə zhə̀tə̀ kwîə. È və ndùə njiə ə ndɛ̂ ètsə̀mə yî Pità è Njɔyn sè tàyntə̀ ka fu, saŋnə̂, pɔmsə̂ Fèzhə̀.

Ətefɨ̂aʼ 5:41

Ghɨətom ə Njisə̀sghè ə ndò elùʼ nə vɛ, saŋnə kə nyi kûmə̀ nə Zhə̀fè ə fe nə ghənə ə kwəyn se kyîə eghomə̂ kûmə̀ ezə Njisə̀szè.

Ŋwàʼlè ə̀ Pɔ̂l sê ghɨə Lûmghè 5:3

Ghâsènì fɨnə saŋnə̂ kûmə̀ ètsôs vɛ ə zɨə, ke nə kwâʼtèzè pə̀ ndò ekol ətəmze.

2 Kolìŋ 12:10

Kûmə̀ Klâys, m saŋnə̂ tsɛ̂ kə ndò ashìŋə̀ kɛ m pɔlə̂, ashìŋə̀ kɛ ə sôylə̀ mi, ashìŋə̀ kɛ ghɛ ghe tɛ sê mi, ashìŋə̀ kɛ ə tsə̂fsə̀ mi, è ghɛ mɔ̀ʼɔghe, ghe tsɨ̂ə tsɛ̂ àtyaʼ kɨmke. E nyi nyî kûmə̀ nə ə pə̂ ashìŋə̀ kɛ m pɔlə̂, m pɨl kyi àtyaʼ.

Kòlosè 1:24

M saŋnə̂ ndò zôyn kə m zɨə ngəʼ kûmə̀ ghàyn. Kə m zɨə ngəʼ nə zɨnə mə, mə mɨ̀sè zɨə ngəʼ ə Njisə̀s zɛ ə ze tè kyi sə̂ nyi ə vəyn ewìyn vɛ, ə ve nyi əghɨ̀ ghɛ ə ghe pomə sê vəyn.

2 Timotì 2:12

Ə ghâsènì ndù ke eshike sə̂ kolə ə̀təm, ə ghâsènì ghə̀ vəyn tə nəyn ə saʼə mbi. Ə ghâsènì kwiynse nə ghâsènì ke va vəyn, ə è tə pɔŋ kwiynsê nə zhi ke va ghâsènì.

Ipilù 11:26

È və fe nə e pɨlə tsɔ̂fə̀ nâʼà sə ŋaŋ kə ə sôylə̀ zhi kûmə̀ Klâys tsɛ̂ kə e kyi ghaʼze endaʼ ə Enjìpè. È tè taŋtə̂ nyiəmə kûmə̀ nə è tè naynə ndûə èmaʼte vɛ ə Zhə̀fè tə fo sê vəyn ə shi.

Ipilù 11:6

Wùə vîvè vayn kaʼa è nəyn nə Zhə̀fè ə saŋnə̂ mə è kyi va kyî epomə̂zè. Ə̂ kyiŋə pîndè sə̂ kɔʼsə̂ Fèzhə̀, ə è və kyi se pomə̂ nə Zhə̀fè nyîə ndamə fɨnə maʼtə̀ ə̀ghɨ ghɛ ə ngɨmnə vəyn.

Njə̂m 1:2

Ghɔnyì ghɨm ghe poməghe, ghàyn e saŋnə̂ nâʼà sə ŋaŋ, ezhoghɛ ə kyì tə temɔ̀mtè pə̀yn ə ghàyn endom,

1 Pità 4:13

Ghàyn e pɨlə saŋnə̂ nə ghàyn pɔŋɔ fe ngəʼ kèpi kə Klâys kə è tə pî è kɛsə̂ pə̂ endom ekayntə vîve, ə ghàyn ə saŋnə̂ nâʼà sə ŋaŋ.

Etyə̂yn ə paynsêzè 2:17

Ə̀ kyi pîndè tùŋneve, è və zɨtə̂ èghɛ zɛ ə Zuʼse Ŋwaʼase pìə sê ndɛ sə Fezhə̀sè. Ə̂ nò zhi pîndè pi, ə m fo fɨazhiə e ndətə vîve se vəyn, e tɔŋtə̂ nə manà, ə m fɨyn fo èchi fɨfə zhîze se vəyn mə ə nyàʼ zə e fe zhîze ətəyn, wùə vîvè e ke va, ə̀ tsɛ̂ kə va wùə vɛ ə m fo chi ətəyn se vəyn.›”

Etyə̂yn ə paynsêzè 2:26

Ə̂ nò zhi pîndè pi, nə̂ kə ə̀ghɛ ghɛ ə m kyiŋə se zaʼâ əkwùŋse, ə m fo tyaʼa sê vəyn ə è və saʼa tèndaʼ.

Etyə̂yn ə paynsêzè 2:7

Ə̂ kyi pîndè tûŋneve, è və zɨtə̂ èghɛ zɛ ə Zuʼsə Fezhə̀sè pìə sê ndɛ sə Fezhə̀sè. Ə̂ nò zhi pîndè, ə m fo vəyn èndomve kə è kwɨl tam ə fekàʼ fə endam fɛ ə fe ndəmə ə Zhə̀fè afùʼ mtamke.”

Etyə̂yn ə paynsêzè 21:7

Ə̀ nò zhi nâʼà pîndè, m fo fɨa vɨ̀nə sê vəyn, m mə nyi Fezhə̀ fə vəynfe, è ve nyi vayn vɨ̂m.

Etyə̂yn ə paynsêzè 3:12

Ə̂ nò zhi nâʼàpî ndè pi, ə m nəyn ə è və nyi àtɔ̂ʼ ə Zhə̀ fɨmfe ə ndɛ, ə è tə tàʼa fɨnə fɨə ətəyn. M tə nyâʼà èzə Fezhə̀ fɨmfe ə ghənə ewìyn, ə m fɨyn nyaʼ èzə ə tɔ̂ŋ èghaʼâ ə Fezhə̀ fɨmfe, mə za nyi Njèlusalɛ̀m èfe, zɛ ə è tə ndô sê Zhə̀ fɨmfe ekwùtwəyn ə è tso pəyn. M tə nyâʼà kəpi èzə zɨmze feze ə ghənə ewìyn.

Etyə̂yn ə paynsêzè 3:5

Ghɨ ghɛ ə ghe nò zhi tə lafə kəpî famə endom è ndzɨs se fɨfə̂sè. M tə kəʼsə̂ va zə ə ghənə̂ghè ə ŋwàʼlè zɛ ə ghɨ ghɛ ə ghe kyi ndam zɛ ə ze tə mîə va nyi ətəyn. M tə tyəmə̂ pìə kə nâʼà ə ndayn nə m ke ndô ghənə ə Pɨ̀a vɨm və shi yî tsì sə vəynse.