Tom èchùŋ kè kə Lûk tè nyaʼ 6:22 - Ŋwàʼlè ə̀ Fèzhə̀ Mkâyn Mə̂ Fèm

²² Chùŋ nyi sê ghàyn ezhoghɛ ghɨ pânə̀ ghàyn, chûmə̀ ghàyn ə etsɨ̀ynte, sôylə̀ ghàyn fɨnə pofsə̂ əzə ghaynghe kè kûmə̀ kə Va Wùə.

Tom èchùŋ kè kə Lûk tè nyaʼ 6:22 ပူးပေါင်းရင်းမြစ်များ

Matyò 10:18

Ə tə kyîə ndûə è ghàyn ə ghɨ ghaʼâ ghə əshi, è fɔ̂yntè nə ə saʼ kè kûmə̀ mi, ghənə tə nə̂ zɨnə mə kə ghàyn ndaʼa tom èchùŋ zɨ̂mè sê ghənə è kɨsè se ghɨ atumə.

Matyò 10:22

Ghɨghə əkɨ̂m tə pânə̀ ghàyn ə mì ezə. Pîza mə ə kol pîndè təmə se nduə tàyn ə mɨ̀se ə è tə kyî èzɔzaze.

Matyò 10:39

Ə̂ mɔ̀msè pîndè se sɔ̀ ə ngɨŋə̂ vəyn, ə è njise zə̂ynzè; ə njìsə̀ pîndè ngɨŋə̂ vəyn kûmə̀ Mi, ə è tə kyî èndam zɛ ə ze tə mîə va.

Tom èchùŋ kè kə Lûk tè nyaʼ 20:15

Ghənə piə za ə kyiə fɨə è vəyn ə afûʼ fu ə ndùə zhwiə.” Njisə̀s ə ke pfɨf sê ghənə nə, “E za kyàyn nyi, pɛ̀ àfùʼ nə vɨ̂yn kàʼa è nə̀yn nâʼà ghè sê ghɨ nə ghɨyn ə?

Tom èchùŋ kè kə Lûk tè nyaʼ 21:17

Nâʼà ghɨ əkɨ̂m tə panə̀ ghàyn ke kûmə̀ mi.

Tom èchùŋ kè kə Lûk tè nyaʼ 6:21

Chùŋ nyi sê ghàyn ghɛ ə chɨŋse zafə zôyn kûmə̀ nə ghàyn tə zhiə kolə kə kə ghàyn kɔ̀ŋɔ̀. Chùŋ nyi sê ghɨ ghɛ ə ghe chîə zôyn kûmə̀ nə ghàyn tə nə̂ ə ghàyn ə chaʼa.

Njɔyn 12:42

Nâʼà pîza, ghɨ ə chisə è ghɨ Njûs yîghe ə pomə sê Njisə̀s, tsɨ̀ə kə nyi, pîza ə tàʼa fɨ ə ndayn kûmə̀ nə ghənə tè fànə nə ə fɨ, ə ghɨə Falàsîə chum ghənə ə ndɛ̂ atsɨ̀ynte.

Njɔyn 16:2

Ə tə chûmə̀ fɨsə ghàyn ə sendɛ sə atsɨ̀yntese, mə shîŋə̀kè tə pə̂ ə ghɨ ghɛ ə zhwitə ghàyn ə kwàʼtə̀ kə nə ghənə fɨaʼà sê Zhə̀fè.

Njɔyn 17:14

Mə tə tsàyn tom Zɛ sê ghənə, ghɨ ə mbighe e sè panə̀ ghənə kûmə̀ nə ghənə va kə ghɨ mbiə, kèpî eghɨ kə M va kə wùə mbi.

Njɔyn 7:7

Ghɨə mbighe vayn kaʼa payn ghàyn, pîza panə̀ Mi kûmə̀ nə M tyə̀nə̀ paynsə̂ tèndom tə ghɛ ə pi ə ghənə̂tè.

Njɔyn 9:34

Ghɨ ətəyn ghe ə pə̀ynsə̀ sə̂ vəyn nə, “Ə tè piə ghô ə pi ə njìə kɔʼsə̂ kə ghò ə fètə̂ təyn, ô sè kyiŋə se zaʼlə ghàs zo?” Ghənə ə ke chùmə fɨsə vəyn ə ndɛ atsɨ̀ynte.

Ətefɨ̂aʼ 22:22

Nɔ̂yn ətəynke ə zɨtə̂ se Pɔ̂l se kɔʼɔ zaʼâ andiŋ kyîke, ghənə e puʼə m̀pɔ̂ŋ è kyə̀ se tɛse pîə nə, “Ghàyn ndo è vəyn! Ghàyn zhwi vəyn! È kwəynə̂ va se ndam.”

Ətefɨ̂aʼ 24:5

Ghàs ə tè fe nə wùə vɨ̀nə nyi wùə ə̀ ngəʼ, səʼə̀ ngəʼ əghɨə Njûs ghə fètəyn kè mbi èkɨ̂m. Ə̀ nyi vəyn ètuke se nɔ̂yn əghɨ̀ ə Nazalɛ̀tkè

Ətefɨ̂aʼ 9:16

Mə nâʼà Mi è ngɨŋ zɨ̂m nə̀ tyə̂nə̀ se vəyn kyì ə ngəʼ zɛ ə è kyi se zɨ kûmə̀ Mi.”

Njə̂m 1:12

Saŋnêzè nyì sê ghɨ ghɛ ə ghe wəynsə wiynve ə ghənə epomə̂ etyə̂ èmɔ̀m, kûmə̀ nə ghənə tsɨ̂yn mə ə tsɛ̀ mɔ̂m ətəynze, ə ghənə fi mâʼteze mə nyi endam zɛ ə ze tə mîə va ə Zhə̀fè tè tsɨ̀nè sê ghɨ ghɛ ə ghe kɔ̂ŋə̀ vəyn.

1 Pità 3:14

Pîza ə ghàyn fe ngəʼ kûmə̀ nə ghàyn nə̀ ə̀ghɛ chichi, ə Zhə̀fè pɔse ghàyn. Ə nyàʼ ə Ŋwàʼlè ə̀ Fèzhə̀ nə, “Kə ghàyn ə fânə̀ ə̀ghɨ ghɛ ə ghe nə̂ ghɛghe se nə̀yn nə ghàyn ə fânə̀ èghɛ zɛ ə ghənə kaʼa nəyn sê ghàyn. Kə ndɨmke ə tsɛ̂ ghàyn.”