Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Tom èchùŋ kè kə Lûk tè nyaʼ 6:20 - Ŋwàʼlè ə̀ Fèzhə̀ Mkâyn Mə̂ Fèm

20 È və naynə̂ ndùə sèchùmtè èpàm sə vəynse ə piə sê ghənə nə: “chùŋ nyì sê ghàyn ghɛ ə pɔylə kûmə̀ nə chùŋ ə̀ èfɔ̂yn ə Fezhə̀e kyi ghàyn.

အခန်းကိုကြည့်ပါ။ ကော်ပီ




Tom èchùŋ kè kə Lûk tè nyaʼ 6:20
35 ပူးပေါင်းရင်းမြစ်များ  

Tsàyn sê vəyn nə, fòfvè kàʼa ve fe, m̀ngə̂s e kwîə, ghɨ akwùsghè e tɛ. Ghɨ ghɛ ə tè nyi mə ə kwùʼ e zɨə ə̀ghɛ, ghɨ ghɛ ə tè nyi mə ə kwutê è kɛsə̂ ndwîə, e ndàʼà tom èchùŋ sê ghɨ afɨfə.


Ə Fɔ̀yn ke pì sê ghɨ chichighe ə vəyn ekɔyn twɔve nə, ‘Ghàyn pəyn, ə ghàyn ghɨnə ə Pɨ̀a vɨm pɔse nyi! ghàyn nji pəyn ə kyi pɔsə efɔ̀yn ə Fezhə̀ vɛ ə nyi mə ə pɨaʼtê se ghàyn nâʼà kə tè pom mbi.


Kə Njisə̀s tè fe nɔ̂yn ə ghɨ̀ vɛ, ə kɔʼɔ ə pfɨ̀yn ə tsɨsə̂ fumə. Chùmtè epàm sə vəynse ə zùŋtə̀ ə və ngwùŋ.


Kə ghàyn ə fânə̀, nâʼàpî kə nɔ̂nə̀ faynfe tətə, kûmə̀ nə Pɨ̀a vâynvè ə kɔ̀ŋ se fo eluʼ əfètə̂ èfɔ̀yn ə vəynve sê ghàyn.


Ghàyn tə fe Aplàghâm è Azɨ̀k è Njàkɔ̂p è fɨ̀aʼtè seghaʼâsè sekɨ̂m elùʼ efɔ̀yn ə Fezhə̀e ə ghàyn ə nuŋnə̂ chîə, mə ə fà za ghàyn əpɨəyn.


Ə pə̀ kə wùə viu fumə əfètə̂ ànɔ̀yn nə kɛ zɨ ghɛ nə zɨ̂yn, è və pìə sê Njisə̀s nə, “Saŋnêzè tə nə̂ ə ze ə nyi sê ghɨ ghɛ ə ghe tè zhiə elùʼ efɔ̀yn ə Fezhə̀u!”


Aplàghâm ə piə sê vəyn nə, ‘Vayn, kə ò lɛse nə ò tə zhi chùŋ zɛ kə ò pa ndamə ə chi, Lazalùs e pɔŋɔ fe ngəʼ ə̀ vəyn. Ə̀ zô se nyi, è zhiə ewiyn ə vəyn fayn, ò pɨlə zɨə etɨ̂m.


“Zuʼ sə Pɛsè nyi ə mìə tu kûmə̀ nə è chɔʼ mi nə mə tsâ tom èchùŋ sê ghɨ ghɛ ə nyi mə pɔ. È və tom mi nə m tɔŋɔ ndâʼà sê ghɨ ghɛ ə tè nyi mə kyitê, nə tuʼve ə kwəyn kə za ghənə, ə fɨnə tomə mi nə m ndaʼa sê ghɨ fofə nə tuʼve ə kwəyn kə ghənə fe luʼte, se fɨnə fɨsê əghɨ ghɛ ə nyâplə̀ ə̀ ghənə ə ngəʼ,


Nâʼà pi elùʼ èkè vɛ ə ghənə tè nduə fɨə, ghənə ə nə̀ nə ghɨ poməghe tɔʼ kyî èpomə̂ ə ghənə̂zè ə fɨyn ndəm ətəm ə ghənə̂ eghɛ zɛ ə ghənə pomə. Ghənə tè zaʼlə nə, “Ghâsènì kyi se tsɛ tɔynê əfètəyn tètsòs te tsɨ̂ə kə nyi tsɔ̀fə ə se nji elùʼ efɔ̀yn ə Fezhə̀vè.”


Ghàs ndamə saŋnə̂ kə ndò nâʼàpî əfètəyn ètsôs. Ghàs kyàʼà kə əghɨ afɨfə pîza nə̂ nə ghɨghe ə kyi èghaʼ. Ghàs kyaʼà kə kə kyi va fɨake, pîza kyi èfɨa èkɨ̂m.


Ghənə tə kyi mɔ̂m te tsɨəte kûmə̀ tètsôs tɛ ə ghənə tè tsɛ̀ tɔynê ətəyn, pîza pa kyi ke ndò saŋnê eghaʼazè se fo nâʼà sə ŋaŋ se tɔ̀ʼ efɨ̂aʼ ə Fezhə̀zè pî kə ghənə tè nyi əghɨ afɨfə.


Ghàyn kendô fùʼ kɛ ə Pɛ̂pɛ ə̀ ghâsènì Njisə̀s Klâys tè tyə̀yn sê ghâsènì. È tè nyi wùə èkɛ, ə kɛsə fɨfə kûmə̀ ghàyn, kə fɨfə Vəynke nəyn, kə ghàyn ə nyi ə̀ghɨ kɛghe ə Zhə̀fè shi.


Ghàyn ə tə zaʼlê se ndam kə ghàs è kɨsè kə Pɛ̂pɛ, naʼapi kə ghàyn tè fe tsôsvè sə ŋaŋ, Zuʼse Ŋwaʼase ə nə̀ ghàyn ə fiə tom ə̀təyn è saŋnêzè.


Kol ə təm zayn nə zɨ̂nə̀ nyiə tyə̂nə̀ ə ndayn nə Zhə̀fè nyîə saʼa ə̀ghɨ chichi, nyi se nə̀yn nə ghàyn ə kwəynə̂ sə̂ nyi elùʼ efɔ̂yn ə Fezhə̀ fɛ ə ghàyn fe tsôsvè kûmə̀ vəynve.


Saŋnêzè nyì sê ghɨ ghɛ ə ghe wəynsə wiynve ə ghənə epomə̂ etyə̂ èmɔ̀m, kûmə̀ nə ghənə tsɨ̂yn mə ə tsɛ̀ mɔ̂m ətəynze, ə ghənə fi mâʼteze mə nyi endam zɛ ə ze tə mîə va ə Zhə̀fè tè tsɨ̀nè sê ghɨ ghɛ ə ghe kɔ̂ŋə̀ vəyn.


Ghàyn zɨte ə ghɔnyì ghɨm ghe chûŋə̀! Piə ghàyn ke ndô nə Zhə̀fè ə tə chɔʼ ghɨ ghɛ ə ghɨ ə mbighe njîə nə nyi əghɨ afɨfə, ə nə̀ nə ghənə ə kyi èkyî èpomə̂ eghaʼâzè, ə ghənə kyi luʼ efɔ̀yn vɛ ə Zhə̀fè tè tsɨ̀nè sê ghɨ ghɛ ə ghe kɔ̂ŋə̀ vəyn.


M nyiə ke tètsôs tɛ ə ò fe, m ke ndô nə ò nyîə fɨfə pîza səmɔʼ e nyi nə wùə eghaʼâ! M ke ndô ghɛ ə pi ghe ə ghɨ ghɨnə ə ghe kaŋa tyə̂nə̀ nə ghənə nyi ə ghɨ Njûsə̀ wâmnə̀ kûmə̀ ghàyn. Ghənə nyi əghɨ anɔ̀yn ə Satàynkè.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ