Tom èchùŋ kè kə Lûk tè nyaʼ 6:13 - Ŋwàʼlè ə̀ Fèzhə̀ Mkâyn Mə̂ Fèm

¹³ Tuʼve ə kwənə, è və tɔŋɔ sechùmtè èpàm sə vəynse ə chɔʼtə̂ ghɨ njò sepɛ̀ ə ndə̀mə̀ kəpi ghənə sə ghɨətom ə vəynghe.

Tom èchùŋ kè kə Lûk tè nyaʼ 6:13 ပူးပေါင်းရင်းမြစ်များ

Matyò 10:2

Ə̀ ghɨnə nyi əzə əghɨ̀tomə njò sepɛ̀: Wùə shi tè nyi Shimùyn vɛ ə tè tɔŋtə kəpî nə Pità, è ànyìə vəyn Andɨ̀lò. È Njə̂m yî ànyìə vəyn Njɔyn, ə ghɔ Zepɛ̀ndîə;

Matyò 19:28

Njisə̀s ə pìə sê ghənə nə, “M pîə sê ghàyn səmɔʼ nə, nyì se tə pə̀yn, kə Va Wùə tə nə̂ ə è və tsɨs əfekyə̀ fə efɔ̀ynfè ə Vəyn mkɔʼnè, ə ghàyn njòse pɛ̀ ghɛ ə ghàyn chûmtə̀ mi pɔŋ tsɨsə ə mkyə̀ mə̂ efɔ̀ynə̀m ə saʼa tètâŋ tə Isìlây tɨ̂nə̀ njòse pɛ̀.

Matyò 9:36

Kə è tè fe nɔ̂yn ə ghɨ̀kè, təm ə vəynghe ə lwinə è kosê esəyn sê ghənə. Təmə vəynghe tè lwiyn èkosê esəyn kûmə̀ nə ghənə tè nyiə kyi èfɨmsê, kyi va tsâmtèzè. Ghənə tè nyi kə sendzè ə se kyi va ngyəyn.

Ŋwàʼlè ə̀ Mâk 6:30

Ghɨətom ghɛ ə Njisə̀s tè tom ə kɛsə̂ pə̂ sê vəyn ə tsâ ə̀ghɛ ə̀kɨ̂m ghɛ ə ghənə kwîə nə̂, fɨnə zaʼlə̂.

Ŋwàʼlè ə̀ Mâk 6:7

È və tɔŋɔ chùmtè èpàm sə vəynse njòse pɛ̀ ə tomə ghənə, kè ə pɛ̀ ə pɛ̀, ə fɨnə fo àtyaʼ sê ghənə nə ghənə ə chumə̀ fɨsə̂ sèzuʼ sepise ə ghɨghə mwìyn.

Tom èchùŋ kè kə Lûk tè nyaʼ 11:49

Kûmə̀ nyi, zɛ ə tɔŋtə nə, ‹Tɔf eghaʼâ ə Fezhə̀zè› pi nə, ‹M nə̀ tomə sèfɨ̀aʼtè seghaʼâsè è ndùətomse sê ghənə, ə ghənə zhwite ghəmɔ̀ʼɔ, ə fo ngəʼ sê ghəmɔ̀ʼɔ.›

Tom èchùŋ kè kə Lûk tè nyaʼ 22:30

kə ghàyn nə zhi ə fɨyn mɨ ə mi elùʼ e zhiə etuʼ vɛ m saʼa fɔ̂yn ə vɨm. Ghàyn tə nə̂ ə tsɨs kepî ə mkyə̀ mə tèfɔ̀ynə̀m njò sepɛ̀, saʼa tètâŋ tə Isìlây tɨ̂nə̀ njò sepɛ̀.” (Matyò 26.31-35; Mâk 14.27-31; Njɔyn 13.36-38.)

Tom èchùŋ kè kə Lûk tè nyaʼ 6:14

Ə̀ tè nyi Shimùyn vɛ è tè fo kwəynsê ezə sè vəyn nə Pità, ə nyi ànyìə Pità vɛ ə tè tɔŋtə nə Andɨ̀lò, è Njə̂m è Njɔyn è Filìp è Pàtòlòmiyà

Njɔyn 4:33

Chùmtè èpàm sə vəynse ə ke zhə̀tè se pfɨf sê ngɨŋsə̂ ghənə̂sè nə, “Ə̀ kaʼa ə nyi mə wùə ə pə̀yn è fɨazhiəve sê Vəyn mə?”

Ətefɨ̂aʼ 1:13

Ghənə pə̀ tâ ə Njèlusalɛ̀m ə njiə kɔʼɔ ndùə ə lûm ə̀ ndɛ èkwùtwəyn zɛ ə ghənə tè ndamə ətəyn. Ghɨ ə tom nə ghɨnə tè nyi Pità, è Njɔyn, è Njə̂m, è Andɨ̀lò, ə nyi Filìp, è Tɔ̀mɔ̂s, ə nyi Pàtòlòmiyà, è Matyò è Njə̂m ə va Àfeyùs, è Shimùyn vɛ ə è tè kàʼa è kwu kûmə̀ èndaʼ ə vəynze, ə̀ fɨyn nyi Njondàs ə va Njə̂m.

Ɛfesùs 2:20

Ghàyn nyi ndɛ mə ə ndɔm achiə ətəynke è zaʼlê zɛ ə ghɨətom ə Njisə̀sghè è fɨ̀aʼtèsè tè zaʼlə kûmə̀, èchi epòlə̀ ə ndɛ nə zɨ̂yn nyi ke nâʼà Klâys Njisə̀s è ngɨŋ ə̂ vəyn.

Ɛfesùs 4:11

Ə̀ nyi vəyn vɛ ə è tè chɔʼ ghɨ mɔʼɔghe ə ndə̀mə̀ sə ghɨətomə, ə chɔʼɔ ghəmɔ̀ʼɔ ə ndə̀mə̀ sə sèfɨ̀aʼtè se ghaʼâsè, ə chɔʼɔ ghəmɔ̀ʼɔ ə ndə̀mə̀ nə ə nə ndâʼà èghɛ ə Fezhə̀ ətelùʼ ətelùʼ ə fɨnə chɔʼɔ ghəmɔ̀ʼɔ nə nə nyi sèfɨ̀aʼtè, ə chɔʼɔ ghəmɔ̀ʼɔ sə setyə̀ynsè.

Ipilù 3:1

E za nyi nə ghàyn kyi se fɛtə̂ ndə̀mə ekwâʼtè zaynze sê Njisə̀s ə ghɔnyìə ghɨm ghe Ŋwaʼa ghɛ ə Zhə̀fè pɔŋ tɔŋɔ nə ghàyn ə nyi ə̀ghɨ vəynghe. Ə̀ nyi vəyn vɛ ə ghâsènì njì kə wùətom ə̀ ghâsènì è wùə èkɔʼsə nə èshyə̀ èngaŋtə kwəynə.

2 Pità 3:2

M kyiŋə nə ghàyn kɛse kwâʼtè ə̀ghɛ ghɛ ə fɨ̀aʼtè sə eŋwaʼase tè pì nâʼà sə mɨ, è ghɛ zɛ ə Pɛ̂pɛ sɔ̀zà tè pi sê ghàyn tɔynə̂ əghɨtom ghaynghe.

Etyə̂yn ə paynsêzè 12:1

Chwìə èkayntə zhizè ə fɨə awulə, ə̀ nyi wùzhɔyn mə è və màʼ zhwize sə sendzɨs, njɔŋ e nyi ə vəyn etyə̂ ə̀ghòl, fɔ əte fɔ̀ynkè e nyi ə vəyn atu kyi m̀lî m̀ghɨm njò sepɛ̀.

Etyə̂yn ə paynsêzè 18:20

“Ghàyn ghɛ ə ghàyn ndamə ekwùtwəyn, ghàyn e saŋnə̂. Ghàyn e saŋnə̂ ə ghɨə Fezhə̀ è ghɨətomə, è fɨ̀aʼtèsè kûmə̀ nə Zhə̀fè ə kà saʼ ə̀ Papilɔ̀yn pɔynsə̂ vəyn əghɛ ghɛ ə è tè nə̀yn sê ghàyn!”

Etyə̂yn ə paynsêzè 21:14

Mbàyn ə̀ tɔ̂ŋ èghaʼâ ə̀təyn tè nyi mə ə pɛ etûə ə̀chi ə ghaʼlə̂ echi ə ndɛve njò sepɛ̀. Zə əghɨ̀ ə tom ə Vâ Ndzèghè tè nyi mə ə nyàʼ etûə ə̀chi nə ghɛ, nâʼàpî èchi èkè è kyi ezə emɔ̀ʼ.