Tom èchùŋ kè kə Lûk tè nyaʼ 5:8 - Ŋwàʼlè ə̀ Fèzhə̀ Mkâyn Mə̂ Fèm

⁸ Ə̂ pə̀ kə Shimuyn Pità fe ghɛ zɛ ə ze kyàyn, è və tɨmə əngwuʼ ə Njisə̀s əshi ə piə sê vəyn nə, “Ndò ə mìə ngwùŋ ə Pɛ̂pɛ. M nyi wùə èpi!”

Tom èchùŋ kè kə Lûk tè nyaʼ 5:8 ပူးပေါင်းရင်းမြစ်များ

Matyò 17:6

Kə chùmtè èpàm sə Njisə̀sè tè zɨə kyə̀ nə zɛ, fâyn zə ko ghənə, ghənə ə pfɨ̀lə̀ ə chi è kyaʼtè.

Matyò 2:11

Ghənə ə njiə ndûə ə ndɛ. Kə ghənə nji, ə fe vayn yî nyìə vəyn Mèli. Ghənə ə tɨmə ə̀ndzɨs ə və shi ə ngɨmnə̂ vəyn. Ghənə zhə̀nə̀ sèshəyn sə ghənə̂sè ə fo èmâʼte, ə ngôlè, è ngwɨl mê lɨ̀mtə̂ mê chùŋə̀m e tɔŋtə̂ nə flaŋkyiŋsèyn, è mâyl, sê vəyn.

Matyò 8:8

Tuə sesokə̀ʼ nə kɛ ə fɨnə pə̀ynsə̀ kə nə, “Pɛ̂pɛ, m kwəynə̂ va kə ò nji ə mìə ndɛ. Pîza piə kə ghɛze, ə̀ wùə èfɨ̀aʼa vɨ̂mè tɛ.

Tom èchùŋ kè kə Lûk tè nyaʼ 5:7

Ghənə ə nə̀ʼsə̀ àgho sê soynse ə ghənə̂sè nə se pəyn tsàmte ghənə, ghənə pə̀ è ngwùʼ èghaʼâ ə̀mɔ̀ʼɔ̂ ə lwiynsə̂ sèngwùʼ seghaʼâ nə sɨ̂nə̀ mə sepɛ̀ è mbwɔ̀vè, se sè kyiŋə se mɨlə̂.

Tom èchùŋ kè kə Lûk tè nyaʼ 5:9

È tè wàmne za kûmə̀ nə è tè nyi è kayn yî ghɨ ghɛ è tè nyi yî ghə̀ ghənə kûmə̀ embwɔ̀e tsɨə vɛ ə ghənə ko.

Njɔyn 11:32

È və ndùə tâynə̀ elùʼ vɛ ə Njisə̀s tè nyi ətəyn, kè kə è tè fe vəyn ə tɨmə ə̀ ndzɨs ə və shi, ə pìə nə, “Pɛ̂, ə ò tè nyi fâyn, mə ànyì vɨ̂m paʼà kwu.”

1 Kɔlìŋ 13:12

Ghɛ ghɛ ə ghâsènì fe zôyn nyì ke kə ghe nyi anâynè mə ke tɔ̂ʼɔ̀ panə va, pîza ghâsènì tə fe shwi m̀shwi awulə. Ghɛ zɛ m ke zɔ̂yn nyì ke àpɨaʼ, mə awulə, m tə kê nâʼàpî ghè, kepî kə Zhə̀fè ke nâʼàpî ghè kûmə̀ mi.

Etyə̂yn ə paynsêzè 1:17

Shɨ̂ŋə̀ kɛ ə m tè fe vəyn, ə pfɨ̀ə ə və shi nyi ke kə m kwu ndô, pîza è və ndə̀mə̀ àgho ekɔyn e twɔ ə vəynke ə mìə atu ə pìə sê mi nə, “Kə ò fayn, ə̀ nyi mi nyi zhə̀te fɨyn nyi kwùŋse,