Tom èchùŋ kè kə Lûk tè nyaʼ 5:30 - Ŋwàʼlè ə̀ Fèzhə̀ Mkâyn Mə̂ Fèm

³⁰ Ghɨə Falàsî əmɔ̀ʼɔ è tyə̀ynsè sə alàŋ sə ghənə̂sè e sè zɔ̂, pfɨfə sê chùmtè èpàm sə Njisə̀sè nə, “Kûmə̀ ghè ə ghàyn zhiə fɨnə mɨə ghayn ghə̀ ghɨ ghɛ ə ghe tənə tâksè è ghɨ piə mɔ̀ʼɔ ghə?”

Tom èchùŋ kè kə Lûk tè nyaʼ 5:30 ပူးပေါင်းရင်းမြစ်များ

Matyò 5:46

Zhə̀fè nə̀ maʼtə̀ ghàyn sə ghɛ ə ghàyn kɔ̀ŋə̀ kə ghɨ ghɛ ə kɔ̂ŋə̀ ghàyn ə? Piə ə̀ghɨ ghɛ ə tənə tâksè nə̀ kəpî zâ.

Matyò 9:11

Kə ghɨ Falàsî əmɔʼɔ fe kə Njisə̀s tsɨsə yîghə̀ kyì ghɨ̀ ghɛ, ə pfɨf sê chùmtè epàm sə Njisə̀sè nə, “Kûmə̀ ghè ə tyə̀ynsè vâyn zhiə yî ghɨ ghɛ ə ghe tənə tâksè è ghɨ epi ghə?”

Ŋwàʼlè ə̀ Mâk 2:16

Kə tyə̀ynsè sə alàŋ shise mə ə̀ tè nyi əghɨə Falàsîə ə fe kə Njisə̀s zhiə yî ghɨə piə ghɛ, è ghɨ ghɛ ə tənə tâksè ə ke pfɨf sê chùmtè èpàm sə vəynse nə, “Kûmə̀ ghè ə è zhiə yî ghɨ ghɛ ə tənə tâks è ghɨ piə mɔ̀ʼɔghe ə?”

Ŋwàʼlè ə̀ Mâk 7:3

Ghɨə Falàsî, è ghɨə Njûsə̀ əkɨ̂m tè chùmtə endam zɛ ə pɨ̀a ə ghənə̂ghè tè zaʼle ghənə ətəyn. Ə ghənə kwɨlə̂ elùʼ e pəʼləve, ə tàʼa zhi afɨa ndɔʼɔ shu wiynve kə ndam endaʼze tè tyə̀ynə, zhiə va nâʼàpî àfɨa kyîke ndɔ̀ʼɔ shu gho endom nə vɨ̂yn, fɨnə ndə̂mə̀ tèsaʼ tɛ ə te piə nə ə nə shùə sèwà, shuə sètɔ̀yn, shûə èkwaŋ, è keyntɨ̀lə̀sè kè kə ndam endaʼze tè tyə̀ynə.

Ŋwàʼlè ə̀ Mâk 9:16

Njisə̀s ə pfɨfə sê chùmtè èpàm sə vəynse nə, “Ghàyn saʼnə̂ ghè ghâyn ghɨ ghɨyn ə?”

Tom èchùŋ kè kə Lûk tè nyaʼ 18:11

Wùə ə̀ Falàsî vɛ ə ndùə tyəmə sə nɨŋ sè tsə̂mə̀, piə nə, ‘M fo àzɔ̀ŋnè kɛke ə Zhə̀fè kûmə̀ nə m va chi kə ghɨə mɔ̀ʼɔ̂ ghɛ ə ghe zâŋsə̀ fiə fɨa ghɨ̀u səndô, vachi kə ghɛghe kəmə saʼe, chûmtə̀ va zəyn ə ghɨ̀ə. M va chi pi kə wùə ə vɨ̀nə ə è tənə tâksè nyi.

Tom èchùŋ kè kə Lûk tè nyaʼ 19:7

Ghɨghe ə fe sè tɨmnə̂ zɔ̂, piə nə, “È kotə̂ pìə wùə əghɛ piə, səʼə kə èmô ə və ndɛ.”

Tom èchùŋ kè kə Lûk tè nyaʼ 5:17

Ə̀ tè nyi tuʼfîfe kèpi əshɨŋ nə ghɛ, Njisə̀s e zaʼlə̂ elùʼ, ghɨ Falàsîə è tyə̀ynsè sə alàŋsè e tsɨs kepî fu, mə fɨ pə̀yn ke tɔ̂ŋ sekɨ̂m ə Ngalìlî è Njòndyâ naʼapi è Njèlusalɛ̀m. Ə tè nyi za, tyaʼ ə Pɛ̂kè e nyi sê Njisə̀s, è tsuʼə tèzaf.

Tom èchùŋ kè kə Lûk tè nyaʼ 5:21

Tyə̀ynsè sə alàŋsè è ghɨə Falàsîə e sè pfɨfə se ngɨŋ sə ghənə̂sè nə, “Ə̀ vɨ̂nə nyi nde ə è sòylə̀ Zhə̀fè nyi ə? Ə̀ nyi kaʼa ə lɛse fo ndè pi sə wùəsè, ə tsɛ̂ kəva Zhə̀fè ə?”

Tom èchùŋ kè kə Lûk tè nyaʼ 7:34

Va Wùə vɛ è pə̀yn zhiə, fɨnə mɨə, ghàyn ghɛ ə pì nə, ‘È zhiə tsɛ̂sə̀ndò fɨyn nyi è soyn yî ghə̀ ghɨ ghɛ ə ghe tənə tâks è ghɨ piə mɔ̀ʼɔ!’

Tom èchùŋ kè kə Lûk tè nyaʼ 7:39

Wùə Falàsî nə vɛ ə è ndàm Njisə̀s ə fe eghɛ nə zɨ̂yn sè piə kə sê ngɨŋ ə̂ vəyn nə, “Ə wùə vɨ̀nə fè nyi ke nâʼà fɨ̀aʼtè èghaʼâ, mə è və kê kyiə wùzhɔyn vɛ ə è kə̀mnə̀ vəyn nyi, nə è nyi nyî, nyi ke nâʼà wùə əghɛ piə.”

Ətefɨ̂aʼ 23:9

Puʼ m̀pɔ̂ŋ ətəynze ə pɨlə kɔʼɔ mɨ̂sə̀ ndûə kə ekwùtwəyn, tyə̀ynsè sə alàŋ shîse ə se tè nyì anɔ̀yn əghɨ Falàsîkè ə ndwìə tyəmə̂ ə zɔ̀ nâʼà sə ŋaŋ pîə nə, “Ghàs paʼà fe ghɛ epi zhîze kûmə̀ wùə vɨnə̀! Zə kaʼa ə zə nyi zàyn ezhoghɛ ə̀ nyi mə ə̀ wàmne sezuʼ sê vəyn kɨ̀sə tsì.”