Tom èchùŋ kè kə Lûk tè nyaʼ 5:22 - Ŋwàʼlè ə̀ Fèzhə̀ Mkâyn Mə̂ Fèm

²² Njisə̀s ə kê eghɛ zɛ ghənə kwâʼtə̀ ə se pfɨf sê ghənə nə, “Ghàyn kayntə̂ nâʼà əghɛ nə ghɨnəmə nyi kûmə̀ ghè?

Tom èchùŋ kè kə Lûk tè nyaʼ 5:22 ပူးပေါင်းရင်းမြစ်များ

Matyò 12:15

Kə Njisə̀s tè zɨ nə ə pɨaʼtə̂ se zhwiə vəyn, È və ndò fumə elùʼ. Kə È tè ndò fumə elùʼ nɔ̂yn ə ghɨ̀kè e chûmtə̀ vəyn. È və tsuʼə ə̀ghɨ zafə ghəkɨ̂m

Matyò 12:25

Njisə̀s tè nyîə ke èghɛ zɛ ə ghənə tè kwàʼtə, ə pìə se ghənə nə, “Pî èndaʼ èkè zɛ ə ze chyâsə̀ ngɨŋə̂ ghənə m nɔ̀ynə̀ m nɔ̀ynə̀ nâʼà pî zɨ̂yn zə e nô zə mɔ̀ʼe tə ndamə va sə aghaf etyâkè. Ə̀ nyi pî tɔ̂ŋ èkè kɨ̀sə esas ə ndɛ zɛ ze chyâsè ngɨŋə̂ ghənə̂ m nɔ̀ynə̀ m nɔ̀ynə̀ nâʼà pî zɨ̂yn ze nô zə mɔ̀ʼe tə tyəmə̂ va.

Matyò 9:4

Njisə̀s ə kê èghɛ zɛ ə ghənə kwâʼtə̀, ə pìə sê ghənə nə, “Kûmə̀ ghè ə ghàyn kwàʼtə̀ ghɛ epiə nyiə.?

Ŋwàʼlè ə̀ Mâk 8:17

Njisə̀s ə kê èghɛ zɛ ə ghənə kâtə̀ ə pfɨfə sê ghənə nə, “Kûmə̀ ghè ə ghàyn wàmnə̀ kûmə̀ àpayn ə kwaŋ kɛ ə ghàyn kyi va ə? Piə e za nyi nə se zaʼâ zôyn ghàyn paʼà nyìəm kê ghɛzə, pa zɨə kê va ə? Kûmə̀ ghè ə ghàyn tɛ ètəmə nyiə?

Tom èchùŋ kè kə Lûk tè nyaʼ 24:38

Njisə̀s ə pfɨfə sê ghənə nə, “Kûmə̀ ghɛ ə ghɛ nə ghɨynə mə fo ngəʼ se ghàyn ə, e kɨsè nə ghɛ ə tsɨə ghə nyi ə ghànə ə tekwaʼtə ə?

Tom èchùŋ kè kə Lûk tè nyaʼ 5:21

Tyə̀ynsè sə alàŋsè è ghɨə Falàsîə e sè pfɨfə se ngɨŋ sə ghənə̂sè nə, “Ə̀ vɨ̂nə nyi nde ə è sòylə̀ Zhə̀fè nyi ə? Ə̀ nyi kaʼa ə lɛse fo ndè pi sə wùəsè, ə tsɛ̂ kəva Zhə̀fè ə?”

Tom èchùŋ kè kə Lûk tè nyaʼ 5:23

Ə̀ pɔynə̂ zɨynzə, se pi nə, ‘Ə lɛ̀sè fo pi sɛse’ mə̂, se pi nə, ‘Ndwi ə ò kwi ə?’

Ətefɨ̂aʼ 5:3

Pità ə pfɨfə nə, “Ànàniyàs, ò za nə Satàyn nji ə ghò ətəm kûmə̀ ghè? Zôyn satàyn ə nə̀yn nə ò wam sê Zuʼse Ŋwaʼase ə ò ndətə pɨaʼa kɛ kɛ ə ò pəʼle fɨa vɛ ve ətəyn.

Ipilù 4:12

Ghɛ zɛ ə Zhə̀fè pì nyi kə ze nyîə ndamə, kyi àtyaʼ, tɔfə tsɛ̂ efɛ̂ eghɔ̀ŋ zɛ ə ze tɔfə pɨ̂asvè èpɨ̀a. E nyîə se njiə ndûə nâʼà ə fètəyn, se nduə tàyn elùʼ vɛ ə təmə yî zuʼse kə̂mnə̀ fɨnə ndûə tânə̀ elùʼ vɛ ə fɔmze yî zhûŋəke pə̂ kə̂mnə̀. Ze ke ndô ghɛ ghɛ ə ghɨ kwâʼtə̀, è ghɛ ə ghənə kyiŋə.

Etyə̂yn ə paynsêzè 2:23

M nə̀ zhwiə kəpî əghɔ vəynghe, ə ndɛ sə Fezhə̀ sekɨ̂m ke nə m nyi wùə vɛ ə m ke kwâʼtè tə ghɨ̀ tekɨ̂m è kɨsè ghɛ zɛ ə ghənə kyiŋə. M nə̀ ndaʼà nâʼàpî ndè kè eghɨ endom vɛ ə è tè fɨ̀aʼa.