Tom èchùŋ kè kə Lûk tè nyaʼ 5:17 - Ŋwàʼlè ə̀ Fèzhə̀ Mkâyn Mə̂ Fèm

¹⁷ Ə̀ tè nyi tuʼfîfe kèpi əshɨŋ nə ghɛ, Njisə̀s e zaʼlə̂ elùʼ, ghɨ Falàsîə è tyə̀ynsè sə alàŋsè e tsɨs kepî fu, mə fɨ pə̀yn ke tɔ̂ŋ sekɨ̂m ə Ngalìlî è Njòndyâ naʼapi è Njèlusalɛ̀m. Ə tè nyi za, tyaʼ ə Pɛ̂kè e nyi sê Njisə̀s, è tsuʼə tèzaf.

Tom èchùŋ kè kə Lûk tè nyaʼ 5:17 ပူးပေါင်းရင်းမြစ်များ

Matyò 11:5

Tsàyn sê vəyn nə, fòfvè kàʼa ve fe, m̀ngə̂s e kwîə, ghɨ akwùsghè e tɛ. Ghɨ ghɛ ə tè nyi mə ə kwùʼ e zɨə ə̀ghɛ, ghɨ ghɛ ə tè nyi mə ə kwutê è kɛsə̂ ndwîə, e ndàʼà tom èchùŋ sê ghɨ afɨfə.

Matyò 15:1

Ghɨə Falàsî əmɔ̀ʼɔ̂, è tyə̀ynsè sə alàŋsè ə ndò ə Njèlusalɛ̀m ə pə̀ fe Njisə̀s ə pfɨfə sê vəyn nə,

Ŋwàʼlè ə̀ Mâk 1:45

Pîza è və fɨə sè kotə̂ pîndè tsâ kə ndò ghɛ ətəyn, saʼghe ə̀təyn ə waŋə kə luʼte tekɨ̂m, zə nə̀ Njisə̀s e fɨmə sə̂ njiə əfètə̂ tɔ̂ŋ ə ndayn, e ve sè kwîə ndùə kə epɨ̀as ə sembvɨ̂nə̀vè pîza ghɨghe ə pa fɨə kə luʼ tekɨ̂m ndûə fe vəyn fu.

Ŋwàʼlè ə̀ Mâk 16:18

Ə ghənə kyi pî mbam è ghoke ə è tàʼa nə̂ ghənə è ghɛ zhîze. Ə ghənə zhi pî lɨf ə è tàʼa nə̂ ghənə è ghɛ zhîze. Ghənə tə ndə̂mə̀ ə̀gho ə ghənə ə ghɨ zafəghe ətu, ghe tɛ kə ndò.”

Ŋwàʼlè ə̀ Mâk 3:22

Tyə̀ynsè sə alàŋ shîse mə se ndo pə̂yn ə Njèlusalɛ̀m tè piə nə, “Peelzepùl nyi ə vəyn ewìyn. È nyi fɔ̀yn ə̀ tèpamə̂ tə satàyn tɛ è fo tyaʼa sê Njisə̀s nə è və chûmə̀ fɨsə̂ tèpamə̂ tə satàyntè.”

Ŋwàʼlè ə̀ Mâk 5:30

Njisə̀s ə zɨə kə tyaʼa fɨ ə vəyn ewìyn, ə shɨŋə kə̀mnə̀ əfètə̂ ànɔ̀yn ətəynke ə ke pfɨf nə, “Ə̀ kom nde ndzɨs sɨmse ə?”

Ŋwàʼlè ə̀ Mâk 7:1

Ghɨə Falàsî yîghe è tyə̀ynsè sə alàŋ shîse ə ndò ə Njèlusalɛ̀m ə pə̀ zùŋtə̀ ka ə Njisə̀s ə ngwùŋ se zɨtê sê vəyn,

Tom èchùŋ kè kə Lûk tè nyaʼ 15:2

Ghɨ Falàsî yîghe yî ghə̀ tyə̀ynsè sə alàŋsè ə fe za sè tɨmnə̂ zô, piə nə, “Wùə vɨ̀nə pomə̂ nə naʼapi əghɨ pighe ə pə̂ ə və ngwùŋ, fɨnə zhiə nâʼà yî ghə̀ ghənə.”

Tom èchùŋ kè kə Lûk tè nyaʼ 2:46

Ə kyiŋə sə mtuʼ mta ə ndùə fè vəyn ə Ndɛ Ètsə̀mə, è tsɨs yighə̀ tyə̀ynsè, zɨtə̂ ə̀ghɛ ghɛ ə ghənə piə fɨnə pfɨftə̂ ghə mɔ̀ʼɔ̂.

Tom èchùŋ kè kə Lûk tè nyaʼ 5:21

Tyə̀ynsè sə alàŋsè è ghɨə Falàsîə e sè pfɨfə se ngɨŋ sə ghənə̂sè nə, “Ə̀ vɨ̂nə nyi nde ə è sòylə̀ Zhə̀fè nyi ə? Ə̀ nyi kaʼa ə lɛse fo ndè pi sə wùəsè, ə tsɛ̂ kəva Zhə̀fè ə?”

Tom èchùŋ kè kə Lûk tè nyaʼ 5:30

Ghɨə Falàsî əmɔ̀ʼɔ è tyə̀ynsè sə alàŋ sə ghənə̂sè e sè zɔ̂, pfɨfə sê chùmtè èpàm sə Njisə̀sè nə, “Kûmə̀ ghè ə ghàyn zhiə fɨnə mɨə ghayn ghə̀ ghɨ ghɛ ə ghe tənə tâksè è ghɨ piə mɔ̀ʼɔ ghə?”

Tom èchùŋ kè kə Lûk tè nyaʼ 6:19

Ə tè nyi za naʼapi ndè anɔ̀yn nə kɛ e nô kə se kòm əvəyn kûmə̀ nə tyaʼa tè fɨə ə vəyn ewiyn, tsuʼə kə əghɨ ə̀kɨ̂m.

Tom èchùŋ kè kə Lûk tè nyaʼ 7:30

Pîza, ghɨ Falàsîə è tyə̀ynsè sə alàŋsè ə kwiynsə̂ se kê ekwâʼtè zɛ ə Zhə̀fè tè kyi kûmə̀ ghənə kepî eghɨ kə ghənə tè kwiynse se fi mmo sê Njɔyn.

Tom èchùŋ kè kə Lûk tè nyaʼ 8:46

Pîza Njisə̀s ə piə nə, “Wùə ə kòm mi kûmə̀ nə mə zɨ kə tyaʼa fɨ ə mi ewiyn.”

Njɔyn 3:10

Njisə̀s ə pə̀ynsə̀ nə, “Ò nyi tyə̀ynsè èghaʼâ endaʼ ə Isìlâyzè, zɨə èghɛ zɨ̀yn kê va ə?

Njɔyn 3:21

Pîza ghɨ ghɛ ə nə̂ ghɛ ghɛ ghe nyi səmɔʼ pə̂ se payn ətəynze kə payn ətəynze chwite nə ghənə nyiə zɨə se Zhə̀fè.”

Ətefɨ̂aʼ 19:11

Ə̀ tè nyi kə Pɔ̂l pa nyi ke ə Ɛfesùs, Zhə̀fè e nə̂ ə̀ghɛ ə kayntə ghe tɔynə̂ ə Pɔ̂l.

Ətefɨ̂aʼ 4:30

Tyə̀yn tyaʼ kɛke ò tsuʼə ə̀ghɨ. Tsàmte ghàs nə ghàs ə nə̂ sèchwìə è ghɛ kayntəghe tɔynə̂ ezə Njisə̀szè, ə wùə èfɨ̀aʼa vɛ ve èŋwaʼa.”

Ətefɨ̂aʼ 5:34

Pîza wùə ə Falàsî vîvè, zə vəynze e nyi Ngàmàlyâ, ə tyə̀ynsè àlâŋ, ghɨghe əkɨ̂m e kɔʼsə vəyn, ə ndwìə tyəmə̂ ekwùtwəyn. Ə ke kàyn nə ə nji fɨ è ghɨətom nə ghɛ əpɨəyn sə fendîŋə̀ fə ashìŋə̀fè.