Tom èchùŋ kè kə Lûk tè nyaʼ 5:10 - Ŋwàʼlè ə̀ Fèzhə̀ Mkâyn Mə̂ Fèm

¹⁰ Ghɔ Zepɛndì ghɛ ə yî Shimùyn tè fɨ̀aʼa əmɔʼ, mə za nyi Njə̂m è Njɔyn, tè nyi kepî è kayn. Njisə̀s ə ke pi sê Shimùyn nə, “Kə ò fɨyn fayn, se zhə̀tè zôyn se ndù əshi, ò nə ko əghɨ.”

Tom èchùŋ kè kə Lûk tè nyaʼ 5:10 ပူးပေါင်းရင်းမြစ်များ

Matyò 13:47

Njisə̀s ə mɛ̀ kwəynsə̂ ngàyn ə̀mɔ̀ʼɔ̂ nə, “Fɔ̂yn ekwùtwəyn fɨyn nyi kepî kə fèlàm ezhoghɛ wùə màʼ ə tsô ə ko tèkyì tə embwɔ̀tè ətəyn kè tekɨ̂m.

Matyò 14:27

Pîza kè sə ashìŋə̀ Njisə̀s ə wàmnə̀ sê ghənə ə pìə nə, “Ghàyn kyi təmə, ə̀ nyi Mi; kə ghàyn fayn.”

Matyò 20:20

Epàm ətəyn, zhwìə Zepɛndì ə ke pə̀yn sê Njisə̀s è ghɔ vəyn ghendômə̀ ghəpɛ̀, ə pə̀ ə tɨmə ə̀ndzɨs ə vəyn əshi ə chyatə̂ vəyn nə, È nəyn zhi èghɛ echûŋzè.

Matyò 4:19

Njisə̀s ə pìə sê ghənə nə, “Ghàyn pəyn chumte mi, kè kə ghàyn ko mbwɔvè zôyn m nə̀ zaʼlê ghàyn kə ghayn kaʼa ə pɨlə kômə̀ ə̀təm əghɨ̀ghè nə ghe chumte mi.”

Matyò 4:21

Kə ghənə tè kɨŋte ndu se chə, Njisə̀s ə fe kwəynsə̂ ə̀ ndômnè ə̀ pɛ̀, ə Njə̂m yî Njɔyn mə nyi əghɔ Zepɛ̀ndîə. Ghənə tè nyi ə ngwùʼ èghaʼâ yîghə̀ pɨ̀a, pɨaʼtə̂ m̀làm mə ghənə̂m. Njisə̀s ə tɔŋɔ̂ ə̀ghɔ nyì ghɛ ə̀pɛ̀ nə ghənə chumte Vəyn.

Ŋwàʼlè ə̀ Mâk 1:17

È və pîə sê ghənə nə, “Ghàyn pəyn chûmtè mi. Kè kə ghàyn ko mbwɔ̀vè zôyn m nə̀ zaʼlə̂ ghàyn kə ghayn kaʼa ə pɨlə kûmə̀ ə̀təm əghɨ̀ nə ghe chumte mi.”

Tom èchùŋ kè kə Lûk tè nyaʼ 5:7

Ghənə ə nə̀ʼsə̀ àgho sê soynse ə ghənə̂sè nə se pəyn tsàmte ghənə, ghənə pə̀ è ngwùʼ èghaʼâ ə̀mɔ̀ʼɔ̂ ə lwiynsə̂ sèngwùʼ seghaʼâ nə sɨ̂nə̀ mə sepɛ̀ è mbwɔ̀vè, se sè kyiŋə se mɨlə̂.

Tom èchùŋ kè kə Lûk tè nyaʼ 5:9

È tè wàmne za kûmə̀ nə è tè nyi è kayn yî ghɨ ghɛ è tè nyi yî ghə̀ ghənə kûmə̀ embwɔ̀e tsɨə vɛ ə ghənə ko.

Tom èchùŋ kè kə Lûk tè nyaʼ 6:14

Ə̀ tè nyi Shimùyn vɛ è tè fo kwəynsê ezə sè vəyn nə Pità, ə nyi ànyìə Pità vɛ ə tè tɔŋtə nə Andɨ̀lò, è Njə̂m è Njɔyn è Filìp è Pàtòlòmiyà

Njɔyn 21:2

Tuʼ fîfe, Shimuyn Pità, Tɔ̀mɔ̂s vɛ ə tè tɔŋtə̂ nə, (Apɨaʼsè), è Nàtanyèl (ə vɛ ə è tè ndô ə Kanà apàs endaʼ ə Ngalìlîkè), è ghɔ ə Zepɛ̀ndîə, è chùmtè èpàm sə Njisə̀s shîse sepɛ̀, ə zùŋtə̀ luʼve emɔ̀ʼ.

Ətefɨ̂aʼ 2:4

Zuʼse Ŋwaʼase ə pə̀ njiə ə nâʼà piə ndè əfètəyn fu ə nə̀, ghənə zhə̀tə̀ sè wàmnə̀ ə tewâmnè tə tendaʼ tə ndôtè. Ə̀ tè nyi Sezuʼ sɛ ə se tè nəyn nə ghənə ə wâmnə̀ ə̀ghɛ ghɛ ə ghənə tè wàmnə̀.

2 Kolìŋ 8:23

Sê Taytùs, ə̀ nyi wùə vɛ ə ghasè vəyn fɨaʼà əmɔʼ se tsàmtè ə ghàyn. Sê ghɔnyì əmɔ̀ʼɔ ghɛ ə ndûə yighə̀ vəyn, ghənə nyi ə ghɨ ghɛ ə chɔʼte ə sendɛ sə Fezhə̀sè. Ghənə nyîə pə̂ èpomsêzè sê Klâys.

2 Timotì 2:26

Ə ghənə ke kɛsə pə̀yn ə ghənə etɔf, ə tə fɨ atam kɛ ə ndə̂plè nyi mə è və ko ghənə ətəyn, ə nə̀ nə ghənə ə nə̂ èghɛ zɛ ə è kɔ̀ŋə̀.