Tom èchùŋ kè kə Lûk tè nyaʼ 5:1 - Ŋwàʼlè ə̀ Fèzhə̀ Mkâyn Mə̂ Fèm

¹ Ə̀ tè nyi tuʼfîfe, Njisə̀s ə ndùə tyəmə etipìə enjwì vɛ ə ve tè nyi ə Njɛ̀nɛsalɛ̀t, nɔ̂yn ə ghɨ̀kè ə pə̀ sè fɛsə̂ njiə pə̀ kə ə vəyn ekyàʼ se zɨ eghɛ ə Fezhə̀zè.

Tom èchùŋ kè kə Lûk tè nyaʼ 5:1 ပူးပေါင်းရင်းမြစ်များ

Matyò 11:12

Se zhə̀tè etuʼ vɛ ə Njɔyn Foə M̀mò tè zhə̀te se ndàʼa tomə̀ Fèzhə̀ se kɔʼɔ zaʼâ fa fetuʼ, fɔ̂yn ə Fezhə̀vè ə zɨ tsôsè sə ŋaŋ ə gho ə ghɨə noghe, ghɨə eno ətəynghe è nô se kyiə fi efɔ̂yn ə Fezhə̀ nə vɨ̂yn.

Matyò 14:34

Ghənə ə tyàŋà mɨ̂sə̀ ènjwî ə zaʼâ apàs endaʼa Njɛ̀nɛsalɛ̀tkè.

Ŋwàʼlè ə̀ Mâk 3:9

Ghɨ ə tə tè tsɨ̀ə tsɛ̂sə̀ ndò. Njisə̀s ə ke pì sê chùmtè èpàm sə vəynse nə se chise ghɛ ngwùʼ èghaʼâzè, kə ndɔ̀ʼɔ chiynə vəyn.

Ŋwàʼlè ə̀ Mâk 4:1

Njisə̀s ə nə̀ fɨnə zhə̀tə̀ se zaʼlê əghɨ etipì enjwì ə Ngalìlîvè, nɔ̂yn ə ghɨ̀kè ə pə̀, ə kyìŋə̀ ka vəyn, è və fe zâ ə njiə tsɨsə̂ ə ngwùʼ èghaʼâ əfètə̂ tsò, ghɨghe ə tyəmə̂ ka ə etipìə tsô.

Ŋwàʼlè ə̀ Mâk 5:24

Njisə̀s ə ndùə yî vəyn. Nɔ̂nə ghɨ̀ kyîke e ndûə kə ə Njisə̀s epàm mə kyɨ̀ŋ ka vəyn.

Ŋwàʼlè ə̀ Mâk 6:53

Kə ghənə tyâŋ mɨ̂sè njwîvè ə zaʼâ ə tə̀ʼ ə̀ Njɛ̀nɛsalɛ̀t, ghənə shìnə̀ ndûə sèngwùʼ etipìə tsò ə faŋə̂,

Tom èchùŋ kè kə Lûk tè nyaʼ 12:1

Ə̂ pə̀ kə Njisə̀s tè wàmnè ghɛ nə ghɨ̂nə̀, ghɨghe e zûŋtə̀ pə̀ kə setsɨ̀ setsɨ̀, e sè nyi kə ə kàʼa ə nyayle yiə, è və zhə̀tə̀ sè wàmnə̀ sê chùmtè èpàm sə vəynse piə nə, “Ghàyn tɔ̂ʼnə̀ kûmə̀ ghɨə Falàsîə ghɨ̂yn ə kaŋkaŋa nə̂ ghɛ nyi, ndam tə ghənə̂tè njiə əfètə̂ ə̀ ghɨ kè kə fèsə̀ʼ njiə əfètə̂ àpayn ə kwaŋa.

Tom èchùŋ kè kə Lûk tè nyaʼ 5:2

È və fe sèngwùʼ seghaʼâ sèpɛ̀ fu etipìə tsô, mə ghɨ ghɛ ghe tè ko mbwɔ̀vè ətəyn ə fɨ ndu epàm sè shuə m̀làm mə ghənə̂m.

Tom èchùŋ kè kə Lûk tè nyaʼ 8:22

Ə tè nyi tuʼfîfe, Njisə̀s ə njiə ə ngwùʼ èghaʼâ yî chùmtè èpàm sə vəynse ə piə sê ghənə nə, “Ə ghâsènì tyaŋ ndu engyinə̂ enjwì vîə.” Ghənə ndò sè ndùə.

Tom èchùŋ kè kə Lûk tè nyaʼ 8:23

Kə ghənə sè tyâŋà ndùə, Njisə̀s e sè pɨənə. Fofa tɛa ə zhə̀tə̀ se tsɛ̀ sè nə̂ʼsə̀ m̀mo, m̀ mə njiə ə ngwùʼ. Ngwùʼ èghaʼâ ə̀təyn e sè kyiŋə se mɨlə̂.

Tom èchùŋ kè kə Lûk tè nyaʼ 8:33

Zuʼ sə ətəyn ə fɨə ə wùə nə vɛ ewiyn ə ndùə njiə əfètə̂ è Kwùnduŋ nə vɛ, ve ə shiŋə nyɨŋə ə ndùə tânə̀ ə sepɛ shise ə etipì enjwì ə tânə̀ ə tsô ə kwutə̂.

Tom èchùŋ kè kə Lûk tè nyaʼ 8:45

Njisə̀s ə shiŋə pfɨfə nə, “Ə̀ kom nde mi ə?” Naʼapi ndè e kwiynsə̂ nə ə̀ pâʼà kòm zhi. Pità ə ke pi sè vəyn nə, “Pɛ̀ apɨəyn, piə ghɨghe ə kyɨ̀ŋ ngɨa gho e sè kwuʼlə̀ njiə pə̀ kə ə gho ewiyn?”

Njɔyn 1:40

Wùə èmɔ̀ʼ əfètə̂ ə̀ghɨ nə ghɛ tè nyi Andɨ̀lò, ə ànyìə Shimuyn Pità.

Njɔyn 6:1

Epàm ətəyn, Njisə̀s è chùmtè èpàm sə Vəynse ə ndò tyâŋà ndûə engyinə̂ enjwì ə Ngalìlîvè, e tɔŋtə̂ kəpî nə njwîə Tìpelùsvè.

Ipilù 13:7

Ghàyn e kwâʼtə̀ ètu vayn vɛ ə ve tè ndàʼa ghɛ ə Fezhə̀zè sê ghàyn sə shi. Ghàyn e kwâʼtə̀ tèndam tɛ ə ghənə tè ndamə è ndom vɛ ə ghənə tè kwuə ətəyn. Ghàyn səyne kyî epomə̂ zɛ ə ghənə tè kyi.