Tom èchùŋ kè kə Lûk tè nyaʼ 4:41 - Ŋwàʼlè ə̀ Fèzhə̀ Mkâyn Mə̂ Fèm

⁴¹ Pamə̂ tə satàyntè e fɨə ə tsɨ̀tsɨ̂ ewìyn, pɨa piə nə, “Ò nyi Vâ Fèzhə̀!” Pîza è və kàyntə̀ nə kə̂ ghənə fɨyn pi eghɛ kûmə̀ nə ghənə tè ke ndo nə è nyi wùə vɛ ə Zhə̀fè chɔʼ ndə̂m.

Tom èchùŋ kè kə Lûk tè nyaʼ 4:41 ပူးပေါင်းရင်းမြစ်များ

Matyò 26:63

Pîza, Njisə̀s ə kɨmə̂ kə mɔŋ. Wùə èkɔʼsə nə èshyə̀ èngaŋtə kwəynə ə wàmnə̀ kwəynsə̂ se vəyn nə, “Ezə Fezhə̀ fɛ ə fe ndamə, m pîə sê ghò tsàyn səmɔʼ sê ghàs nə ò nyi vɛ ə chɔʼ ndə̂m ə, ə Vâ Fèzhə̀ ə?”

Matyò 4:3

Ndə̂plè ə pə̀ sê Vəyn ə pìə nə, “Ə ò nyi vâ Fèzhə̀, O tsâ sê chi ghɨnə nə ghe kəmne sə apayn ə kwaŋke.”

Matyò 8:16

Kə zhwikwɨləve tè kwəyn, ghɨghe ə pə̀ è ghɨə sê Njisə̀s, ghe tsɨ̀ə kə nyi, kyi tèpamə̂ tə satàyntè. Njisə̀s ə chûmə̀ fɨsə̂ sè zuʼse pisə təynse mə È pì ke èghɛ ə tsuʼə nâʼà ə̀ghɨ ghɛ ə tè zafə əkɨ̂m.

Matyò 8:29

Kè sə ashìŋə̀, kə ghənə fe Njisə̀s, ə zhə̀tə̀ se pɨa nə, “Ò kyiŋə ghè sê ghàs ə Vâ Fèzhə̀? Ò pə̂ se pɔynsê ə ghàs tsɔ̀fə kə shîŋə̀ ətəynke kwəyn mə?”

Matyò 8:4

Njisə̀s ə ke pi sê vəyn nə, “Zɨte kə! kə ò nə tsayn èghɛ zɛ e kyàyn sê wùə vîvè, Pîza nduə chwìte wiyn vɛ ve sê wùə èkɔʼsə nə̂ èshyə̀ kə è fɛte kyaʼtè ghò. Ə fo kə pî èfo kè kə lâŋə Mosîskè kyiŋə se chwìtè sê ghɨ nə o zo.”

Ŋwàʼlè ə̀ Mâk 1:25

Njisə̀s ə kàyntə̀ ə̀ghɛ sê zuʼse pi nə sɛ̂ ə pìə nə, “Kɨm mɔŋ ə tsɛ̀ fɨə ə wùə vɨ̀nə ewiyn!”

Ŋwàʼlè ə̀ Mâk 1:32

Ə pə̀ ashìŋə̀ ezhwikwɨləke, ghɨghe ə pə̀ è ghɨə zafə sê Njisə̀s nâʼà ə̀kɨ̂m, è ghɛ ghe tè kyi pamə̂ tə satàyntè.

Ŋwàʼlè ə̀ Mâk 1:34

Njisə̀s ə tsuʼə əghɨ ghe tsɨ̀ə kə nyi, ghe kyi tèzaf kə ə tekyì ə tekyì, ə chûmə̀ fɨsə̂ tèpamə̂ tə satàyntè te tsɨ̀ə kə nyî ə ghɨghe mwìyn, chûmə̀ za, pomə̂ va nə se pi ghɛze kûmə̀ nə pamə̂ tə satàyn tə təynte tè ke ndô vəyn.

Ŋwàʼlè ə̀ Mâk 3:11

Zuʼse pi sɛ ə se tè nyi ə ghɨ ghəm mwìyn e fe ndûə Njisə̀s nâʼàpî ashìŋə̀ àkè, sə nə̀ ghɨ ətəynghe ə pfɨ̀ə ə chi, sè pɨa chîə pîə nə, “Ò nyi Va Fèzhə̀!”

Tom èchùŋ kè kə Lûk tè nyaʼ 4:39

È və ndùə tyəmə ə vəyn echo èkwî ə kàyntə̀ əghɛ sê wiyn kasə ətəynve ve ə mìə kə sə ashìŋə̀. Kè sə ashìŋə̀, è və ndwìə ə tsɛ̀sə̀ efɨa e zhiu, ghənə ə zhiə.

Njɔyn 20:31

Pîza ə tè nyàʼ ghɨ̂nə̀ kə ò pomə nə Njisə̀s nyi vɛ ə chɔʼ ndə̂m, ə Vâ Fèzhə̀. Ə ghàyn pomə sê Vəyn, ə ghàyn tə kyî èndam zɛ ə ze tə mîə va ə Vəyn ezə.

Njə̂m 2:19

E tsɔ̂fə̀ kə ò pomə nə Zhə̀fè nyì ke fèmɔ̀ʼ! Nâʼàpî tèpamə̂ tə Satàyntè nyîə pomə̂ kə pîza fɨnə tsɨŋtə̂ è fâynzè.