Tom èchùŋ kè kə Lûk tè nyaʼ 4:40 - Ŋwàʼlè ə̀ Fèzhə̀ Mkâyn Mə̂ Fèm

⁴⁰ Choe zhwie tè piə e sâŋà ndò, naʼapi ndè vɛ è tè kyi wùə èzafə, kɨ̀sə ə tè nyi naʼapi èkyî ezaf èkè, è njiə pə̀ kə è vəyn sê Njisə̀s. È ve ndə̀mə̀ əgho ə ghənə ətu, ghənə etɛ kə ndò, ə tɛ kə əkɨ̂m.

Tom èchùŋ kè kə Lûk tè nyaʼ 4:40 ပူးပေါင်းရင်းမြစ်များ

Matyò 11:5

Tsàyn sê vəyn nə, fòfvè kàʼa ve fe, m̀ngə̂s e kwîə, ghɨ akwùsghè e tɛ. Ghɨ ghɛ ə tè nyi mə ə kwùʼ e zɨə ə̀ghɛ, ghɨ ghɛ ə tè nyi mə ə kwutê è kɛsə̂ ndwîə, e ndàʼà tom èchùŋ sê ghɨ afɨfə.

Matyò 14:13

Kə Njisə̀s zɨ ghɛ zɛ ə ze kyâyn sê Njɔyn, È və njiə ə ngwùʼ ə ndò fumə, ə ndùə elùʼ mə è nyì ke və̂yn nɨŋ. Pîza kə nɔ̂ynkè tè zɨ nə Njisə̀s ə kàynè ndo əfètə̂ ngwùʼ èghaʼâ, ghənə ndò ə tɔ̂ŋ ə chùmtə̀ ndûə vəyn fumə è gholghe.

Ŋwàʼlè ə̀ Mâk 3:10

È tè nyi mə è və kàynè tsuʼ ghɨ ghe tsɨ̂ə kə nyî, kûmə̀ zamə nâʼàpî ndè vɛ ə è tè zafə, e kyiŋə kə èndom se pə kûmə̀ vəyn kə zhi tɛ.

Ŋwàʼlè ə̀ Mâk 5:23

Ə chyatə̂ vəyn nâʼà sə ŋaŋ ə pìə nə, “Vayn vɨ̂m ve zəyn nyîə zafə, kyaʼà se kwu. M chyatə̂ ndò ghò pə ndə̀m gho kɛke ə vəyn ətu ə è tɛ ə è və nyi.”

Ŋwàʼlè ə̀ Mâk 6:5

Njisə̀s paʼà tiəmə̂ fɨnə kyîə èndom se nə̀yn eghɛ ekayntəze fu, ə tsɛ̂ kə va nə è ndəm gho əghɨ zafəghe ewìyn ə shyàʼ nyi, ghe ə tɛ.

Ətefɨ̂aʼ 19:12

Ghɨ tè njiə sendzɨs se fɨaʼa sə Pɔ̂lsè è pɨ̂aŋ efɨa vɛ ə è tè zə̀sə zuʼseke ətəyn, ndùə è vəyn sê ghɨ zafə, fɨa nə vɨ̂yn e nə̂ ghɨ ətəynghe e tɛ, zuʼse epise e fɨnə fɨə ə ghənə ewìyn.

Ətefɨ̂aʼ 5:15

Ghɨghe ə fe ə̀ghɛ ə kayntə nə ghɛ ə ghɨətomə Njisə̀sghè tè nə, ze ə nə̀ ghənə e sè pɨaʼà ə̀ghɨ zafə mkwì è ghàmə̀m, fɨə ndə̂mə̀ kə ə tetitepì tendomte. Ghənə tè nə za è kwâʼtèzè nə Pità nə̂ piə è tsɛ̀ ndò, ə nyɨ̂ŋsè ə vəynke kom ghɨ ətəynghe.