Tom èchùŋ kè kə Lûk tè nyaʼ 4:34 - Ŋwàʼlè ə̀ Fèzhə̀ Mkâyn Mə̂ Fèm

³⁴ “Wə̂e! Ò kyiŋə ghè ə ghàs əfètəyn ə Njisə̀s, va wùə Nazalɛ̀t vɨ̀yn, ò pə̀yn se pofsə̂ ghàs mə? M kendô fɨa kɛ ə ò nyi kəynke. Ə̀ nyi ke nâʼà ghò wùə è Ŋwaʼa Fèzhə̀.”

Tom èchùŋ kè kə Lûk tè nyaʼ 4:34 ပူးပေါင်းရင်းမြစ်များ

Matyò 8:29

Kè sə ashìŋə̀, kə ghənə fe Njisə̀s, ə zhə̀tə̀ se pɨa nə, “Ò kyiŋə ghè sê ghàs ə Vâ Fèzhə̀? Ò pə̂ se pɔynsê ə ghàs tsɔ̀fə kə shîŋə̀ ətəynke kwəyn mə?”

Ŋwàʼlè ə̀ Mâk 1:24

piə nə, “Ò kyiŋə ghè sê ghàs ə Njisə̀s və Nazalɛ̀t, ò pə̀yn se pofsə̂ ghàs mə? M ke ndô ghò nâʼà àchûŋ. Ə̀ nyì ghò wùə vɛ ə Zhə̀fè tom ò nyi èŋwaʼze.”

Ŋwàʼlè ə̀ Mâk 1:34

Njisə̀s ə tsuʼə əghɨ ghe tsɨ̀ə kə nyi, ghe kyi tèzaf kə ə tekyì ə tekyì, ə chûmə̀ fɨsə̂ tèpamə̂ tə satàyntè te tsɨ̀ə kə nyî ə ghɨghe mwìyn, chûmə̀ za, pomə̂ va nə se pi ghɛze kûmə̀ nə pamə̂ tə satàyn tə təynte tè ke ndô vəyn.

Ŋwàʼlè ə̀ Mâk 5:7

ə pɨa nâʼà è kyə̀ ètɛ ə pìə nə, “Ghasè ghò kyi kɨŋnê ghè ə Njisə̀s, Va Fèzhə̀ fɛ ə fe ngaŋtə kwəynə? M chyatə̂ ghò ezə ə Fezhə̀zè nə kə ò poynse mi!”

Tom èchùŋ kè kə Lûk tè nyaʼ 1:35

Tsì ə̀təyn ə pə̀ynsə̀ pìə sê vəyn nə, “Zuʼ se ə Ŋwaʼase nə̀ tso ə gho tu, ə tyaʼ ə Fèzhə̀ fɛ fe ngaŋte kwəyn kɨyte gho. E za tyə̀nə̀ nə vayn nə vɨ̂nə tə ndô pə̂ kə nâʼà sê Zhə̀fè. Ə tə nə̀ ə tɔŋtə̂ vəyn nə Va Fèzhə̀.

Tom èchùŋ kè kə Lûk tè nyaʼ 4:33

Ə̀ tè nyi ə ndɛ̂ atsɨ̀ynte ə̀ ghənə nə̂ zɛ, wùə vîvè e nyi ətəyn, kyi èpamə̂ ə satàynzè. È və pɨa nâʼà è kyə̀ etɛ ə piə nə,

Tom èchùŋ kè kə Lûk tè nyaʼ 4:41

Pamə̂ tə satàyntè e fɨə ə tsɨ̀tsɨ̂ ewìyn, pɨa piə nə, “Ò nyi Vâ Fèzhə̀!” Pîza è və kàyntə̀ nə kə̂ ghənə fɨyn pi eghɛ kûmə̀ nə ghənə tè ke ndo nə è nyi wùə vɛ ə Zhə̀fè chɔʼ ndə̂m.

Tom èchùŋ kè kə Lûk tè nyaʼ 8:28

È tè fe pə̀yn Njisə̀s nyi ə fo kyə̀ echiə ə pfɨ̀ə ə və shi ə pɨa nâʼà èkyə̀ etɛ ə piə nə, “Ò kyiŋə ghè sê mi ə Njisə̀s, Va Fèzhə̀ fɛ ə fe ngaŋte kwəyn? M chyatə̂ ndò ghò. Kə ò fo ngəʼ sê mi.”

Tom èchùŋ kè kə Lûk tè nyaʼ 8:37

Nyi, nâʼà ghɨ əkɨ̂m ə etipì endaʼ ə Njɛ̀lɛsens ə piə sê Njisə̀s nə è ndò ə ghənə əfètə̂ kûmə̀ nə ghənə tè fànə nâʼà sə ŋaŋ. Njisə̀s ə njiə ə ngwùʼ èghaʼâ sè kyiŋə se ndò.

Ətefɨ̂aʼ 16:39

Ghənə ə ndùə fu ə fe Pɔ̂l yî Silàs ə chyatə̂ ghənə, ə fɨsə ghənə fu ndɛ̂ chaʼ, ə tsà nə ghənə ndu ə ghənə endaʼ.

Ətefɨ̂aʼ 2:27

Kûmə̀ nə ò tə zâ maʼà va mi endaʼ əghɨ kwuze. Ò tə zâ va pfɨyn ə wûə èfɨ̀aʼa vɛve èchùŋ nə ve fî eshyə̀.

Ətefɨ̂aʼ 3:14

Njisə̀s tè nyi wùə èŋwaʼa, fɨyn nyi wùə ə̀ chichi, pîza ghàyn ə kwiynsə̂ Vəyn ə chyatə̂ Paylɛ̀t nə è pɨl za wùə, mə è zhwiə ə̀ghɨ.

Ətefɨ̂aʼ 4:27

Ə̀ za nyi eghɛ zɛ ə ze tè kyayn. Fɔ̀yn Ɛlɔ̀t yî Pontus Paylɛ̀t, è ghɨ atum əmɔ̀ʼɔ yî ghɨə chisə Isìlâyghè ə zùŋtə̀ ə pɨaʼtə se tam ə Njisə̀s, ə wùə èfɨ̀aʼa vê vɛ ə è nyi èŋwaʼe, ə vɛ ə Ò tè chɔʼ.

Ipilù 2:14

Ghɔyn nə ghɨyn ə è tè pìə, nyi ke nâʼà ə̀ghɨ, kyi sènjyàse wìynse è ndə̂mə̀m. Ə̀ za nyi eghɛ zɛ ə ze tè nəyn, Njisə̀s è ngɨŋə̂ vəyn e sè nyi kepî wùə kə ghənə kə è kwu ə è pofse vəyn vɛ ə è nə̂ nə ghɨ ghə kwuə, mə za nyi ndə̂plè.

Njə̂m 2:19

E tsɔ̂fə̀ kə ò pomə nə Zhə̀fè nyì ke fèmɔ̀ʼ! Nâʼàpî tèpamə̂ tə Satàyntè nyîə pomə̂ kə pîza fɨnə tsɨŋtə̂ è fâynzè.

1 Njɔyn 3:8

Pîza, nâʼàpî ndè vɛ ə è nə̀yn pi nyi vayn sê ndə̂plè, kûmə̀ nə ndə̂plè tè zhə̀te se nə̀yn ə pi kè ə zhə̀te ə̀ mbi. Ghɛ zɛ ə ze tè nəyn kə Vâ Fèzhə̀ pəyn tè nyì se pofsê ə tefɨaʼ tə ndə̂plètè.

Etyə̂yn ə paynsêzè 20:2

È zə ko nyàm èkwə̀mnə zɛ ə tè tɔŋtə nə ndlangɔ̀yn ə è tè nyi mbam è mɨ za, e tɔŋtə̂ kəpî vəyn nə satàyn ə kolə zə̂yn sə sepìŋ kam.

Etyə̂yn ə paynsêzè 3:7

“Nyàʼ ŋwàʼlè sê tsì ə̀ ndɛ ə̀ Fèzhə̀ ə Fìlàndefìyà nə: Ə̀ zɨ̀nə nyi tom mə è ndòm pə̂yn se wùə vɛ ə è nyi èŋwaʼzè è səmɔʼ, kyi àchɔʼ ə Ndàfîtkè, shîŋə̀ kɛ ə è chɔʼ cho ndɛve, wùə e va se fɨnə fâ, fâ, wùə e va se fɨnə chɔʼ.