Tom èchùŋ kè kə Lûk tè nyaʼ 3:8 - Ŋwàʼlè ə̀ Fèzhə̀ Mkâyn Mə̂ Fèm

⁸ Ghàyn muə ètwɔm ə ghàyn etsɨsə̂ se tyə̀yn nə ghàyn ə kwiyne təm ghayn ghe pighe. Kə ghàyn ə kwàʼtə̀ kə nə ghàyn kàʼa ə ghàyn tə ngəʼ ə̀ Fèzhə̀ nə zɛ kè kûmə̀ nə ghàyn piə nə, ghàyn nyi əghɔ ghɔnə sê Aplàghâm. M tsâ sê ghàyn nə Zhə̀fè kàʼa ə fe nə̀yn, ə chi ghɨnə kɛse sə əghɔyn, ə è fo sê Aplàghâm.

Tom èchùŋ kè kə Lûk tè nyaʼ 3:8 ပူးပေါင်းရင်းမြစ်များ

Matyò 21:43

Njisə̀s ə kwəynsə̂ nə, “Ə tə fiə tsɨsə̀ eluʼ vayn sê ghàyn ghɛ ə ghàyn saʼa fɔ̂yn ə Fezhə̀vè ə fo sê ghɨ ghɛ ə ghe nyi chichi.”

Matyò 3:8

Ghàyn nəyn ghɛ ghɛ ə ghe nə̀ chwîtə̀ nə ghàyn ə kə̀mnè ə ghànə sepi.

Matyò 3:9

Kə ghàyn ə kwâʼtə̀ nə ghàyn kàʼa ə ghàyn tə pɔynsə̂ ə Fezhə̀zè kûmə̀ nə ghàyn pìə nə ghàyn nyi əghɔ ghɔnə sê Aplàghâm. M tsâ sê ghàyn nə Zhə̀fè kàʼa ə fe nəyn ə chi ghɨnə kɛse sə ghɔyn sê Aplàghâm.

Tom èchùŋ kè kə Lûk tè nyaʼ 13:25

Shîŋə̀kè tə kwənə, ə pɛ̀ ndɛ ndwi ə è fa cho ə ndɛve, ə ghàyn tyəm faŋ əpɨəyn ə ngɔʼtə̂, piə nə, ‘Pɛ̂pɛ, chɔʼ cho ndɛu sê ghàs,’ ə è pəynse ke sê ghàyn nə, ‘M ke va nə ghàyn ndò ghayn zə.’

Tom èchùŋ kè kə Lûk tè nyaʼ 13:26

Ə ghàyn se zhə̀tə̀ sə̂ piə nə, ‘Ghâsènì ə tə zhi əmɔʼ ə fɨnə mɨə əmɔʼ, o fɨnə zaʼlə̂ ə ghàs ə setɔ̂ŋ.’

Tom èchùŋ kè kə Lûk tè nyaʼ 14:9

Ə wùə vɛ ə è ndàm ghàyn əkɨ̂m pə̀yn pi sê ghò nə, ‘Ndwi fo luʼve sê wùə vɨ̀yn.’ Nyi, ə tu kɛke ə sè tɨ̂lə̀ se ndùə tsɨsə əfekyə̀ fe tətə̂fè.

Tom èchùŋ kè kə Lûk tè nyaʼ 19:40

È və piə sê ghənə nə, “Ə ghənə kɨme pi ndò, ə nâʼà əchi ə kɔʼsə̂ kə Fèzhə̀ nyi.”

Tom èchùŋ kè kə Lûk tè nyaʼ 19:9

Njisə̀s ə piə sê vəyn nə, “Ghɨə ndɛ fâ ə zhi fɨ ndàyn. Ə̀ vɨ̀nə nyi kepî va Aplàghâm.

Tom èchùŋ kè kə Lûk tè nyaʼ 5:21

Tyə̀ynsè sə alàŋsè è ghɨə Falàsîə e sè pfɨfə se ngɨŋ sə ghənə̂sè nə, “Ə̀ vɨ̂nə nyi nde ə è sòylə̀ Zhə̀fè nyi ə? Ə̀ nyi kaʼa ə lɛse fo ndè pi sə wùəsè, ə tsɛ̂ kəva Zhə̀fè ə?”

Njɔyn 8:33

Ghənə ə pə̀ynsə̀ nə, “Ghàs nyi fe ghâŋfə Aplàghâmfè mə ghàs paʼà tyəm pəyn nyi àkɔs sê wùə vîvè. E tyə̂nə̀ nə ghe kə Ò pì nə, ‹Ə tə zhə̂nə̀ za ghàyn ə?›”

Njɔyn 8:39

Ghənə ə pə̀ynsə̀ nə, “Aplàghâm nyi pɨ̀a vâsvè.” Njisə̀s ə pìə sê ghənə nə, “Ə ghàyn tè lote nyi ə̀ghɔyn Aplàghâmə̀, mə ghàyn nə̂ kə ə̀ghɛ ghɛ ə Aplàghâm tè nə̂.

Ətefɨ̂aʼ 26:20

Se ndò famə, mə nyaʼâ se ndàʼà ə tom èchùŋ, se zhə̀tè endaʼ ə Ndàmaskùsè se nduə fɨ ə Njèlusalɛ̀m, ə fɨnə kəmnə̀ ndûə apàs endaʼ ə Isìlâykè akɨ̂m è pâs endaʼ ə ghɨ̀ gha ə̀ tè vachi ə̀ghɨ ə Njûsghè nâʼà àkɨ̂m.

Ŋwàʼlè ə̀ Pɔ̂l sê ghɨə Lûmghè 4:16

Ə̀ nyi kûmə̀ nə ghɨə pomə̂ ndò se Zhə̀fè, ə ze tə nə̂ nə ghənə kyi fɨa vɛ è nyi mə è və tsɨnè. È və nə̀yn nyiəmə kə ze tyəyn nə ə̀ nyi ətəm ə vəynghe chûŋghè ə ghe nə̂yn nə È tsayn mɨsè shîŋə̀ zemɔ̀ʼ sê ghâŋ fə Aplàghâmfè nə È tə fo ndò fɨa kɛ ə è tè tsɨ̀ne sê ghənə. È tè paʼà fo ke tsɨ̂nèzè se ghɨ ghɛ ə ghe tè ndə̀mə lâŋkè, È tè fo kepî sê ghɨ ghəkɨ̂m ghɛ ə tè pomə Zhə̀fè kə Aplàghâm tè pomə. Aplàghâm nyi pɨ̀a sê ghâsènì əkɨ̂m.

Ŋwàʼlè ə̀ Pɔ̂l sê ghɨə Lûmghè 9:7

Ə̀ va pî əghɔ Aplàghâm ghə kɨ̂m ə ghe nyi əghɔ Fezhə̀. Zhə̀fè tè pì sê Aplàghâm nə, “Ə̀ nyì tɔynê ə feghàŋ fə Azɨ̀kfè ə ò tə kyiə ghɔ ghɔyn ghɛ ə m tè tsɨ̀ne sê gho.”

Filìpây 1:11

Ə ze se nyi nyî ə Njisə̀s Klâys nəyn, ə ghàyn ə ndamə èndam ə chichize, kə ghɨ fe ə fo èpomsê sê Zhə̀fè, fɨnə tsîtə̀ fəynfe.