Tom èchùŋ kè kə Lûk tè nyaʼ 3:22 - Ŋwàʼlè ə̀ Fèzhə̀ Mkâyn Mə̂ Fèm

²² Zuʼse Ŋwaʼase ə tso pə̂ ə və tu, kyàʼà kə kə akwɨ̀l, kyə̀ ə fɨə ekwùtwəyn piə nə, “Ə̀ nyi ke nâʼà ghò Vayn èkɔ̀ŋ vɨ̂m, m saŋnə̂ kûmə̀ ghò sə nɨŋ.”

Tom èchùŋ kè kə Lûk tè nyaʼ 3:22 ပူးပေါင်းရင်းမြစ်များ

Matyò 12:18

“Nayne kə, ə̀ vɨ̀nə nyi wùə èfɨ̀aʼa vɨ̂m vɛ ə m chɔʼ, M kɔŋə̀ ndò vəyn kɛsə̂ saŋnə̂ ghasè vəyn. M tə tomə Sèzuʼ sɨmse ə sə nyi yîghə̀ vəyn, ə è tsɛse saʼə səmɔʼe sê ghɨatumə.

Matyò 17:5

Kə è tè pa wâmnə̀, mbàʼ sefɨfə nyaynəse ə tso ə ghənə ətu ə kɨyte ghənə, Kyə̀ ə fɨə fu ə fètə̂ sèmbàʼ pîə nə, “Ə̀ vɨ̂nə nyi Vayn vɛ M kɔ̂ŋə̀, È nə̀ M saŋnə̂. Ghàyn zɨə sê vəyn.”

Matyò 27:43

È samsə̂ sê Zhə̀fè pîə nə è nyi va Fèzhə̀. Ngəʼ va, ə ghâsènì fe ke ndò ezhoghɛ Zhə̀fè sɔsè vəyn zôyn.”

Matyò 3:13

Ə̀ tè nyì fumə ashìŋə̀, Njisə̀s ə ndò apàs endaʼa Ngalìlîkè ə pə̀ sê Njɔyn ə tsò Njondàyn nə Njɔyn fo môm sê Vəyn.

Matyò 3:16

Njisə̀s tè fi mɨsè m̀mo, ə fɨə pə̂ ə tsô. Kwutwəynve ə chwìə, È və fe Sèzuʼ sə Fezhə̀sè se tso pə̂ nyi ke kə akwɨ̀l ə masə̂ ə və atu.

Matyò 3:17

Kè sə ashìŋə̀, kyə̀ ə fɨ pə̀ ekwùtwəyn ə piə nə, “Ə̀ vɨ̀nə nyi Va èkɔ̀ŋ vɨ̂m, È nə̀ Mi M saŋnə̂ tsɛ̂sə̀.”

Ŋwàʼlè ə̀ Mâk 1:11

Kyə̀ ə fɨnə fɨə kəpî awulə, pîə nə, “Ə̀ nyi ke nâʼà ghò Vayn èkɔ̀ŋ vɨ̂mè, m saŋnə̂ sê ghò sə nɨŋ.”

Ŋwàʼlè ə̀ Mâk 1:9

Ə tè nyi kepî mtuʼ nə mɛmə, Njisə̀s ə ndò ə Nazalɛ̀t apàs endaʼa Ngalìlîkè ə ndùə, Njɔyn ə fo m̀mo sê vəyn ə tsô Njondàyn.

Ŋwàʼlè ə̀ Mâk 9:7

Kè nyi, mbàʼsè ə tso ə kɨytə̂ ghənə, kyə̀ ə fɨ ətəyn ə pìə nə, “Ə̀ vɨ̂nə nyi Vayn èkɔ̀ŋ vɨ̂mè. Ghàyn e zɨə sê vəyn.”

Tom èchùŋ kè kə Lûk tè nyaʼ 2:14

“Pomsêzè sê Zhə̀fè elùʼ engaŋtəve ekwùtwəyn, pɔ̂ynè e nyi ə chi sê ghɨ ghɛ ə È kɔ̀ŋɔ̀!”

Tom èchùŋ kè kə Lûk tè nyaʼ 4:21

È və ke pi sê ghənə nə, “Ghɛ nə ghɨnə ə ghàyn zɨ kə m tɔŋɔ nyi ə kwəyn ndàyn.”

Njɔyn 1:32

Njɔyn ə tsà èghɛ zɛ ə ze tè kyayn: “M fe Sèzuʼ sə Fezhə̀sè se tso pə̂ ekwùtwəyn kə akwɨ̀l, ə pə̀ masə̂ ə və atu nyi yî vəyn.

Njɔyn 12:28

Pɛ̂! tyə̀yn pomsêzè sê zə zɛze.” Kè nyi, kyə̀ ə fɨ ekwùtwəyn ə pìə nə, “M se nyi mə mə tyə̀n pomsê zɨmze, nyi se fɨnə tyə̀ynə kwəynsê.”

Njɔyn 5:37

Pɨ̀a vɨ̂m vɛ È tom Mi, wâmnə̀ kə pî ə Mì azhəm. Ghàyn paʼà tyəmə̂ zɨə kyə̀ ə̀ Vəyn, ghàyn paʼà tyə̂m fe Vəyn.

Ətefɨ̂aʼ 10:38

Ghàyn kyi sə̂ ke nə Zhə̀fè ə tə kɨmnê Njisə̀s, ə wùə Nazalɛ̀t, ə fo Sezuʼ se Ŋwaʼase sê Vəyn è tyaʼa. Njisə̀s tè kwiə ka kə luʼ tekɨ̂m, nə̂ əghɛ echûŋə̀. Kə Zhə̀fè tè nyì yî Vəyn, È tè tsuʼə nâʼà pîndè vɛ ə è tè nyi ə ndə̂plè etyə̂ àtyaʼ.

Kòlosè 1:13

È və fɨsê ghâsènì etyə̂ àtyaʼ ə alɨma, ə pə̀yn è ghâsènì əfètəyn efɔ̀yn ə Vâ vəyn vɛ ə è kɔ̀ŋə̀.

1 Pità 2:4

Ghàyn pə̀yn sê Pɛ̂pɛ Njisə̀s Klâys, È nyi echi zɛ ə ze ndamə mə ghɨghe ə tə làŋ mâʼà nə e tsɔ̂fə̀ va pîza Zhə̀fè ə fe nə e nyîə kɔʼnə̂ kwəynə̂, ə chɔʼɔ nə ze nyîə kwəynə̂.