Tom èchùŋ kè kə Lûk tè nyaʼ 3:16 - Ŋwàʼlè ə̀ Fèzhə̀ Mkâyn Mə̂ Fèm

¹⁶ Njɔyn ə piə kə sê ghənə əkɨ̂m nə, “M fo m̀mo sê ghàyn kè nâʼà è mômə tsòm, pîza wùə pə̂ ndò ə mi epàm tsɛ̂ mi, m kwənə pi va se zhə̂nə̀ se kwɨ̀l sə sepfɨ sə ghòl sə vəynse, è tə nə̀ ə è və fo m̀mo sê ghàyn è Zuʼse Ŋwaʼase è kɨ̂sè èwuse.

Tom èchùŋ kè kə Lûk tè nyaʼ 3:16 ပူးပေါင်းရင်းမြစ်များ

Matyò 3:11

M fo m̀mo sê ghàyn è môm mə tsòm se tyə̀yn nə ghàyn ə kwiynê ə ghànə sepi. Pîza vɛ ə è pə̀ ə mì epàm nə̀ fo m̀mo sê ghàyn è Zuʼse Ŋwaʼase è wusve. È tsɛ̂ ndò mi. M kwənə pî va se pɨ̀aʼà sepfɨ sə vəynse.

Matyò 3:12

È kyi ke àshə̀ʼ ə vəynke ə və gho lɨmtə̂ se foptê əsesɔ̀f. Shɨ̂ŋə̀ kɛ ə è shə̀ʼ mɨ̂sè, ə è nji sɔ̀fsè ə è ndəm ə vəyn etwəyn. Pîza nyi se nyɔ̀ʼɔ epfɨ̂ŋ ewùs, mə ve pɛ̂ ndɨmə̂ va.”

Njɔyn 1:26

Njɔyn ə pìə nə, “M fo m̀mo sê ghàyn è môm, pîza ə ghàyn ə fètəyn, ə̀ tyəm wùə mə ghàyn keva. È pə̀ ə mì epàm, pîza m tsɔ̂fə̀ kwəynə̂ va se zhə̀nə sekwɨ̀l sə sepfɨ sə vəyn sə ghòlse.”

Njɔyn 1:33

Pî kə m tè nyìəm ke va nə ə̀ nyi Vəyn. Pîza, Zhə̀fè kə Fe tè tom mi nə m fo môm è môm, tè nyi mə È və pì sê mi nə, ‹O tə fe ə Zuʼsə Fezhə̀sè tso pəyn ə se masə̂ ə wùə ətu, ə̀ nyi Vəyn vɛ ə È fo môm è Zuʼse ŋwaʼase.›”

Njɔyn 7:38

‘Ə pomə pîndè sê Mi, ŋwàʼlè ə̀ Fèzhə̀ pi nə, ‘Ə tso sɛ ə se fo ndamze ə sɨ̂sə̀ fɨə ə və fètəyn.’”

Ətefɨ̂aʼ 1:5

Njɔyn tè fo mmo sê ghɨ è môm mə̂ tsòm pîza zôyn e sè nyi mə ə̀ faŋ ke m̀tuʼ m shyàʼ nyi kə ə tə fo m̀mo sê ghàyn è Zuʼ se Ŋwaʼase.”

Ətefɨ̂aʼ 10:44

Kə Pità tè pa wâmnə̀, Zuʼse Ŋwaʼase ə tso pə ə nâʼà pî ndè ətu vɛ ə è tè zɨtə wâmnè ə vəyn.

Ətefɨ̂aʼ 2:33

Zhə̀fè ə njì Vəyn elùʼ ekɔʼnəve, ə Vəyn ekɔyntwɔve. È və fo Vəyn è Zuʼse Ŋwaʼa sɛ ə È tè tsɨ̀ne nə È tə fo sê vəyn. Njisə̀s ə pɔŋ fo Zuʼse Ŋwaʼa nə sɛ se ghàs, ə̀ nyi səynse ə se nə̂ ghàyn e fe fɨnə zɨə nâʼàpî èghɛ èkè zɛ ə ze kyânə̀ ndâyn.

1 Kɔlìŋ 12:13

Kèpi famə endom, ghâsènì əkɨ̂m, kɨ̀sə əghɨ ə Njûsə̀, kɨ̀sə əghɨ ghɛ ə va əghɨ Njûsghè, kɨ̀sə ekɔ̂s, kɨ̀sə ghɛ ə va ekɔ̂s, Zuʼ sɨ̂nə̀ semɔ̀ʼ ə tə fo ghâsènì môm kə ghâsènì ə nyi èwiyn emɔ̀ʼ, Zhə̀fè ə ndə̀mə̀ Sèzuʼ nə sɨ̂nə̀ semɔ̀ʼ ə ghâsènì əkɨ̂m ətəm.