Tom èchùŋ kè kə Lûk tè nyaʼ 3:11 - Ŋwàʼlè ə̀ Fèzhə̀ Mkâyn Mə̂ Fèm

¹¹ È və pi sê ghənə nə, “Ə̂ kyi naʼapi ndè ndzɨse sepɛ̀, è və fo sèmɔ̀ʼ sê wùə vɛ è kyi pîva səkɔs, ə̂ kyi pî ndè Fɨazhiəu, è və pɔŋɔ chyàtə̀ fo əghɨ mɔ̀ʼɔ̂.”

Tom èchùŋ kè kə Lûk tè nyaʼ 3:11 ပူးပေါင်းရင်းမြစ်များ

Matyò 25:40

Ə fɔ̀yn pəynse nə, ‹M pîə sê ghàyn səmɔʼ nə, nâʼàpî ghè vɛ ə ghàyn tè nə̀yn sê wùə èmɔ̀ʼ vɛ è chùmtə̀ mi mə è kɔʼnə̂ va, ghàyn tè nə̀yn sê Mi.›

Tom èchùŋ kè kə Lûk tè nyaʼ 11:41

Ghàyn pɨlə fo fɨsə efɨa vayn vɛ ə ghàyn kyi sê ghɨafɨfə è təm e chûŋə̀, kə naʼapi ghè ə nyi è zoe sê ghàyn.

Tom èchùŋ kè kə Lûk tè nyaʼ 18:22

Njisə̀s ə zɨə zâ ə piə sê vəyn nə, “Ò pa kyi eghɛ èmɔ̀ʼ se nə̀yn, ndùə pəʼle nâʼà fɨave ekɨ̂m kə ò kyi ə fo ekɛ ətəyn sê ghɨafɨfə, kə ò kyi eghaʼ ekwùtwəynze. Ə ò nə̀yn nyi, o pə̀ chûmtə̀ mi.”

Tom èchùŋ kè kə Lûk tè nyaʼ 19:8

Sàkyə̂ ə nə̀ ə ndwìə tyəmə̂ ə pìə sê Pɛ̂pɛ nə, “Fekə, Pɛ̂pɛ, m chyâtə̀ èfɨa vɛ ə m kyi ghasè ghɨafɨfə kè eghɨ, ə̀ fɨyn nyi mə mə lesê wùə ə fiə àfɨa ə vəynke amɔ̀ʼ, ə m kɛse fo ekwàʼ.”

Njɔyn 13:29

Kə ə̀ tè se ndə̂mə̀ Njondàs èkɛve, chùmtè epàm sə Njisə̀s shîse e sè kwâʼtə̀ kə nə è pìə nə Njondàs zhɔyn fɨa vɛ kə tuʼve zo, ə zhi etuʼ azhi ezaʼa tsɛve ətəyn, ə̀ va zâ ə è və pîə nə è fo kɛve sê ghɨ afɨfghe.

Ətefɨ̂aʼ 10:2

Kɔ̀nilùs tè nyi wùə chumtə̀ ə̀ghɛ ə Fezhə̀ghè epàm. Vəyn è sas ə ndɛ vəynze ekɨ̂m tè nyîə nə̂ èfɨaʼa Fezhə̀zè. Kɔ̀nilùs tè fo ètsâmtè sê ghɨ afɨfə Njûsghè, fɨnə tsə̂mə̀ sê Zhə̀fè shîŋə̀ tekɨ̂m.

Ətefɨ̂aʼ 10:31

ə pìə sê mi nə, ‘Kɔ̀nilùs, Zhə̀fè ə zɨ tsə̂m zɛze ə fɨnə fe ètsâmtè zɛ ə ò fo sê ghɨ afɨfə.

Ətefɨ̂aʼ 10:4

È və naynə̂ ndûə tsì ə̀təyn kè efàyn efàyn, ə pìə nə, “Pɛ̂pɛ ə̀ nyi ghe?” Tsì nə zɛ ə pə̀ynsə̀ nə, “Zhə̀fè ə zɨ tsə̂m zɛze ə fɨnə fe ètsâmtè zɛ ə ò fo sê ghɨ afɨfə, sè nyi èpɨaʼtêzè se pomə̂ ə etsə̂m zɛze.

Ɛfesùs 4:28

Ə nyi mə ə̀ chɔŋɔ pîndè, kə è fɨyn chɔŋ. È pɨl kyi sə̂ fɨ̂aʼà èghɛ è gho vəynghe, kyi àfɨa sə̂ tsâmtə̀ əghɨ mɔʼɔ ghɛ ə ghe kyi va.

1 Timotì 6:17

Tsɛ̀se sə alàŋ nə ghɨ ghɛ ə ghe kyi ghaʼze è fɨa ə mbive, nə kə ghənə ə kyi èghaŋsê ewìynze, ə pɨl ndəm èkwaʼtè ə ghənə̂zè e fɨa nə vɨnə mə, pîza ə pɨl ndəm se Zhə̀ Fɛ ə fe fo nâʼàpî àkè sê ghâsènì.

1 Timotì 6:18

Pì nə ghənə ə nə̂ ə̀ghɛ chûŋə̀ fɨyn nyi ə̀ghɨ ghaʼâghè tɔynə̂ əghɛ ghɛ ə ghənə nə̂, mɔ̂msə̀ sə fo fɨsə̂, fɨnə chyâtə̀ èfɨa vɛ ə ghənə kyi yî ghɨ mɔ̀ʼɔghe.

Ipilù 6:10

Zhə̀fè nə̀ va m̀nàŋ endom vɛ ə è saʼa ətəyn. Fe vayn kàʼa fe lɛse kɔ̂ŋ zɛ ə ghàyn tyə̀yn sê ghɨ vəynghe è fɨ̂aʼ zɛ ə ghàyn nə̀ se tsàmtè ə ghənə. Ə̀ nyi nâʼà pî zôyn, ghàyn pa fɨ̂aʼà kə za.

Njə̂m 1:27

Ghɛ zɛ ə Zhə̀fè mə nyi Pɨ̀a njìə nə ə̀ nyi endom vɛ ə ve zo, kwəynə̂ se chùmtè ə Fezhə̀ ətəyn nyi nə, ə tɔ̀ʼnə̀ è ghɔkwuə, è zhwiə kwughe ə ghənə ezə ngəʼze, fɨnə tɔ̂ʼnə̀ è ngɨŋə̂ vəyn nə kə ghɨ ə mbighe tə nəyn vəyn nə è və nə̂ ə̀ghɛ ə nyələ ghɛ ə ghənə nə̂.

Njə̂m 2:14

Ghɔnyì ghɨmə, ə wùə pìə nə zhi ə kyî kyì epomə̂zè se Zhə̀fè, tyə̂nə̀ va ə vəyn efɨaʼ, ə chùŋ ə̀təyn ə nyi nâʼà ghè? kyî epomə̂ nə zɨ̂nə̀ kàʼa ə ze sɔza vəyn ə?

1 Njɔyn 3:17

Ə wùə nyi wùə eghaʼâ, ə fe ànyìə vəyn è làʼà, kyi va təmə chûŋə̀ se tsàmtə vəyn, è kàʼa è pi zayn nə è nyi ə̀ kɔŋə̀ Fèzhə̀ ə?

1 Njɔyn 4:20

Ə ghâsènì pìə nə ə nyiə kɔ̂ŋə̀ Fèzhə̀, pîza pâynə̀ ə̀ghɨ mɔ̀ʼɔghe, ə ghâsènì ə nyi ə̀ghɨ akaŋə. Kûmə̀ nə ghâsènì vayn kaʼa kɔŋ Zhə̀fè mə ə paʼà fe Fəynfe, mə ghâsènì kɔ̀ŋə̀ va ghɨ ghɛ ə ghâsènì fe.