Tom èchùŋ kè kə Lûk tè nyaʼ 3:1 - Ŋwàʼlè ə̀ Fèzhə̀ Mkâyn Mə̂ Fèm

^1-2 Ə̀ tè nyi kə̂ Tìpelùs saʼa kə̂ fɔ̀yn èghaʼâ ə endaʼ ə Lûm, mə sè kɔʼɔ ndùə sèpiŋ njòse tâyn, tom ə Fèzhə̀ ə pə̀ sê Njɔyn, va Sàkàlyâ, endaʼ ashəshəe. Ə̀ tè nyi za mə ə ndə̀m Pontus Paylɛ̀t nə è və saʼa apàs endaʼ kɛ ə tè tɔŋtə nə Njòndyâ, Ɛlɔ̀t e saʼa ə Ngalìlî, ànyìə vəyn Filìp e saʼa epɨ̀as endaʼ vɛ ə tè tɔŋtə nə Ètolyà è Tɨ̀làkɔnitis, Lisanyàs e saʼa ə Apɨ̀lɛ̀n, ghɨkɔʼsə nə eshyə̀ engaŋtə kwəynəghe è ghɨə Njûsə̀ mə nyi Anàs yî Kayfàs e nyi kepî etuʼ nə vɛ.

Tom èchùŋ kè kə Lûk tè nyaʼ 3:1 ပူးပေါင်းရင်းမြစ်များ

Matyò 14:1

Fumə ashìŋə̀, Ɛlɔ̀t vɛ è tè saʼa ndaʼa ə Ngalìlîzè ə zɨə ə̀ghɛ ghɛ Njisə̀s tè nə̂.

Matyò 14:3

Ɛlɔ̀t tè pi nyî kûmə̀ nə è tè nyi mə è və tom ghɨə nə ko Njɔyn fo m̀mò, ghənə ə kolə̂ vəyn, ə ndə̀mə̀ vəyn ə ndɛ ə̀ chaʼ. È tè nəyn zɨnə mə kûmə̀ Ɛ̀londyàs, kə ànyìə vəyn Filìp tè malə sə shi.

Matyò 14:6

Pîza Ɛlɔ̀t ə pa zhwiə Njɔyn. Zɨnə tè kyayn ə fetuʼ fɛ Ɛlɔ̀t tè pɨaʼte zhize se kwàʼtə fetuʼ fɛ ə tè piə vəyn ətəyn. Fumə fetuʼ, vayn zhɔyn ə̀ Ɛ̀londyàs ə pə̀ pɨnə əghɨə ətəynghe əshi ə̀kɨ̂m. Zɨnə mə ə nə̀ Ɛlɔ̀t è saŋnə̂ nâʼà sə ŋaŋ.

Matyò 22:17

Tsàyn sê ghàs nə ə ghò ekwâʼtè lâŋkè pomə̂ ndò nə ə maʼà tâks sê fɔ̀yn èghaʼâ ə Lûm mə, mə ke pomə̂ va ə?”

Matyò 27:2

Ghənə ə ndzɨsə vəyn ə sechaʼ, ə pàʼlə̀ ndûə fo tsɛsə̀ vəyn ə Paylɛ̀t əgho ə wùə vɛ ə wùə eghaʼâ endaʼa Lûmzè tè ndəm nə è və chisə̂ ə̀ghɨ apàs endaʼa Njòndyâkè fumə ashìŋə̀.

Ŋwàʼlè ə̀ Mâk 6:17

Ə nyi za, mə ə tè tom vəyn ghɨə nə kyi Njɔyn Fo M̀mò ə kol vəyn ə fa ə ndɛ ə̀chaʼ. È tè nəyn za kûmə̀ nə è tè nyi mə è və njì Ɛ̀londyàs zhwîə ànyìə vəyn Filìp, sə və zhwi

Ŋwàʼlè ə̀ Mâk 6:21

Tukə tsɔ̀fə fetuʼ fife, Ɛ̀londyàs ə kyîə èndom. Ə̀ tè nyi əfetuʼ fɛ Ɛlɔ̀t tè zhiə tuʼ vɛ ə tè piə və ətəyn. Ə fetuʼ nə fɛ mə, Ɛlɔ̀t ə ndàmnə̀ ə̀ghɨ vəynghe ghaʼlə̂ ghə ngômnànə è tuə sesokə̀ʼve è ghɨə ghaʼlə̂ əmɔ̀ʼɔ apàs endaʼ ə Ngalìlîkè.

Tom èchùŋ kè kə Lûk tè nyaʼ 13:31

Kè ashìŋə̀ nə kɛ, ghɨ Falàsîə əmɔ̀ʼɔghe ə pə̀ fe Njisə̀s ə piə sê vəyn nə, “Ò kyi se ndò fayn kûmə̀ nə fɔ̀yn Ɛlɔ̀t kyiŋə se zhwiə ghò.”

Tom èchùŋ kè kə Lûk tè nyaʼ 2:1

Ə̀ tè nyi kepî mtuʼ nə mɛ, Àngostòs fɔ̀yn ə̀ endaʼ ə Lûmzè ə fɨsə̂ alâŋ kyîke nə ə nyaʼ nâʼàpî ezə ə ndeze.

Tom èchùŋ kè kə Lûk tè nyaʼ 23:24

è və tənə saʼ ə pomə nə ə paynte Njisə̀s ə za wùə vɛ ə tè ndɔm ə chaʼ kə e səʼ noe endaʼ ə fɨnə zhwiə wùə za, mə e tè kɛ ndo ghɛ zɛ ə ghənə tè kyiŋə.

Tom èchùŋ kè kə Lûk tè nyaʼ 3:19

Ə̀ tè nyi za mə Njɔyn ə tè zɔ̂ sê Ɛlɔ̀t vɛ è tè saʼa apâs endaʼ kyîke, kûmə̀ nə è kyi fi Ɛ̀londyàs, ə zhwiə ànyìə vəyn ə fɨnə nə̂ kəpi əghɛ pi yiə.

Tom èchùŋ kè kə Lûk tè nyaʼ 9:7

Ɛlɔ̀t Anti pàs vɛ è tè saʼa pâs ə Ngalìlî kyia tè zɨ nâʼà əghɛ ə̀kɨ̂m ghɛ ə ghe kyâyn, ghɛ ətəynze e fɨmsə̂ vəyn, kûmə̀ nə ghɨə mɔ̀ʼɔghe tè piə sê vəyn nə Njɔyn Foə M̀mò ə kɛse zômə̀,

Ətefɨ̂aʼ 23:26

Ə̀ nyâʼ mi Klondiyùs Lìsiyàs è ŋwàʼlè zɨ̀nə sê ghò tu apàs endaʼke Felès. M tomə ètɔŋtê sê ghò.

Ətefɨ̂aʼ 24:27

Ə pə̀ kə Pìŋsè tsɛ̀ sepɛ̀, Posiyùs Festùs ə pə̀ njiə eluʼ ə Felèsvè kə atu apàs endaʼke. Pîza Felès ə ndò ndɔ̀ʼɔ è fɨse Pɔ̂l ə ndɛ ə̀ chaʼ kûmə̀ nə è tè kyiŋə nə ghɨə Njûs ghə kɔ̂ŋɔ̀ vəyn.”

Ətefɨ̂aʼ 26:30

Fɔ̀yn, è tu apàs endaʼke, è ànyì ə̀ vəyn fɔ̀yn Pènîs è ghɨghe əkɨ̂m ə ndwì tyəmə̂ se ndò.

Ətefɨ̂aʼ 4:27

Ə̀ za nyi eghɛ zɛ ə ze tè kyayn. Fɔ̀yn Ɛlɔ̀t yî Pontus Paylɛ̀t, è ghɨ atum əmɔ̀ʼɔ yî ghɨə chisə Isìlâyghè ə zùŋtə̀ ə pɨaʼtə se tam ə Njisə̀s, ə wùə èfɨ̀aʼa vê vɛ ə è nyi èŋwaʼe, ə vɛ ə Ò tè chɔʼ.