Tom èchùŋ kè kə Lûk tè nyaʼ 24:52 - Ŋwàʼlè ə̀ Fèzhə̀ Mkâyn Mə̂ Fèm

⁵² Ghənə ə kɛsə̂ ndô ndûə ə Njèlusalɛ̀m mə ghənə lwiyn èsaŋne eghaʼè

Tom èchùŋ kè kə Lûk tè nyaʼ 24:52 ပူးပေါင်းရင်းမြစ်များ

Matyò 28:17

Kə ghənə fe vəyn, ə ngɨmnə̂ vəyn, pî kə yîghe tè mɛnə vəyn nə lote nyi tɛ̂ və.

Matyò 28:9

Kè nyi, Njisə̀s ə kwənə̂ yî ghənə ə pìə nə, “Pɔ̂ynè nyì sê ghàyn.” Ghənə ə pə̀ sê vəyn ə kyiə ə̀ghol əvəynghe sè ngɨmnə̂ vəyn.

Tom èchùŋ kè kə Lûk tè nyaʼ 24:51

Kə e te pa pɔsə̂ ghənə, ə njìə kɔʼsə̂ vəyn ekwùtwəyn. È və ndò zâ ghənə

Tom èchùŋ kè kə Lûk tè nyaʼ 24:53

ə ke nduə faŋə kə ə Ndɛ Ètsə̀mə sè zɨsə̂ fo kə àzɔ̀ŋnè se Zhə̀fè.

Njɔyn 14:28

Ghàyn ə zɨ kə m pî nə, ‘M ndô zâ ghàyn ə m ndu kɛse pəyn sê ghàyn.’ Ə ghàyn kɔ̀ŋɔ̀ Mi, ə ghàyn ə nyi èsaŋnêzè nə m ndùə se Pɨ̀a kûmə̀ nə Pɨ̀a nyîə ngaŋtə̂ tsɛ̂ Mi.

Njɔyn 16:22

Ə̀ nyi zamə kə ze nyi sê ghàyn, zôyn ghàyn nyîə nyi èkosê esəyn, pîza M nə fe kwəynsə̂ ghàyn, ə təm ghaynghe ə nyi mə ghə lwiyn èsaŋnêzè, e kyì esaŋnê zɛ ə wùə vayn kàʼa e fi tsɨ̂sè se ghàyn.

Njɔyn 16:7

Pîza, m pîə sê ghàyn səmɔʼ nə, ə̀ nyi chùŋ sê ghàyn kə m ndô. Ə M taʼa ndò, Tsàmtè vayn pə̀yn sê ghàyn. Pîza mə m ndô, ə m ndu tom vəyn sê ghàyn.

Njɔyn 20:28

Tɔ̀mɔ̂s ə pìə se Vəyn nə, “Pɛ̂pɛ Vɨm, Zhə̀ fɨmfe!”

Ətefɨ̂aʼ 1:12

Ghɨətom ə Njisə̀s ghè ə ndò ndûə ə pfɨ̀ynə̀ sè Olìf ə kɛse tso ə Njèlusalɛ̀m, ghaf ətəynke e tsɛ̂tə̀ kə apɨaʼ ə mâylkè se chə.

1 Pità 1:8

Ghàyn nyîə kɔ̂ŋɔ̀ vəyn pi kə ghàyn tàʼa tyəmə fe vəyn, ghàyn e fɨnə pomə sê vəyn, fe pî va vəyn zôyn. Ghàyn e saŋnə nâʼà sə ŋaŋ, endom e kayntə vîve mə wùə vayn kàʼa è tsayn.