Tom èchùŋ kè kə Lûk tè nyaʼ 24:30 - Ŋwàʼlè ə̀ Fèzhə̀ Mkâyn Mə̂ Fèm

³⁰ Ə te nyi ashìŋə̀ ə zhiəke, è və njiə apayn ə kwaŋke ə pɔsə̂ ə chàtə̀ fo sê ghənə.

Tom èchùŋ kè kə Lûk tè nyaʼ 24:30 ပူးပေါင်းရင်းမြစ်များ

Matyò 14:19

Kə chùmtè èpàm sə vəynse pə̂yn è səyne epɨanə ətəynve è mbwɔ̀vè È və pìə sê ghɨ ghɛ nə ghənə tsɨsə ndu ewə̀yn. È ve njìə èsene epɨayn ətəynve etwɔ̂yn è mbwɔ̀ vɛ è pɨ̀a ə naynə̂ kɔʼsə̂ è Kwùtwəyn ə fo àzɔ̀ŋnè sê Zhə̀fè. È və pɨaʼlə̂ vəynve ə fo nə chùmtè èpàm sə vəynse chyate sê nɔ̂yn ətəynve.

Matyò 15:36

È və njìə èsene epɨayn vɛ, èsɛ̀mbɛ, è mbwɔ̀tə̀m, ə fo àzɔ̀ŋnè sê Zhə̀fè, ə pɨaʼlə̂ fo sê chùmtè èpàm sə vəynse, ghənə pɔŋɔ chyâtə̀ ndûə se nɔ̂yn əghɨ vɛ.

Matyò 26:26

Kə ghənə tè zhiə, Njisə̀s ə njìə àpayn ə kwaŋke ə fo àzɔ̀ŋnè sê Zhə̀fè ə pɨaʼlə̂ ə fo sê chùmtè èpàm sə vəynse ə pìə nə, “Ghàyn ko zhi. Ə̀ vɨ̂nə nyi ewiyn vɨmve.”

Ŋwàʼlè ə̀ Mâk 14:22

Kə ghənə tè zhiə, Njisə̀s ə njìə àpayn ə kwaŋke, ə fo àzɔ̀ŋnè sê Zhə̀fè, ə pɨaʼlə̂ kəynke, ə fo kəynke sê chùmtè èpàm sə vəynse ə pìə nə, “Ghàyn ko kəynke. Ə̀ vɨ̂nə nyi ewiyn vɨmve.”

Ŋwàʼlè ə̀ Mâk 6:41

Njisə̀s ə fiə esene e pɨayn vɛ ètwɔ̂yn è mbwɔ̀ vɛ, èpɨ̀a, ə naynə̂ kɔʼsə̂ ekwùtwəyn, ə fo àzɔ̀ŋnè sê Zhə̀fè, ə pɨaʼlə̂ èpɨayn ətəyn ə fo nə chùmtè èpàm sə vəynse chyate sê ghɨ ətəynghe. È və fɨnə njîə embwɔ̀ vɛ èpɨ̀a ə chyatə̂ sê ghɨ ghe ə̀kɨ̂m.

Ŋwàʼlè ə̀ Mâk 8:6

È və pìə sê nɔ̂yn ə ghɨ nə kɛ nə ke tsɨsə ə chi, è və fiə èsəyne epɨayn vɛ èsɛ̀mbɛ̂, ə fo àzɔ̀ŋnè sê Zhə̀fè ə pɨaʼlə̂ fo, chùmtè èpàm sə vəynse nə ghənə chyate sê ghɨ nə ghɛ.

Tom èchùŋ kè kə Lûk tè nyaʼ 22:19

È və njiə kəpiə àpayn ə kwaŋke ə fo àzɔ̀ŋnè sê Zhə̀fè ə pɨalə ə fo sê ghənə ə piə nə, “Ə̀ vɨ̂nə nyi ewiyn vɨm (kə m fo sê ghàyn. Ghàyn nə nə̂ zɨnə mə se kwaʼtə mi.”

Tom èchùŋ kè kə Lûk tè nyaʼ 24:29

Ghənə kitə vəyn ə piə nə è pɨəyn yîghə̀ ghənə kûmə̀ nə shîŋə̀ kə tsɛ̂, tuʼve fɨyn nyi mə ve ə chi. È və njiə sè pɨ̂əyn yî ghənə.

Tom èchùŋ kè kə Lûk tè nyaʼ 24:35

Ghɨ, ghɛ ə pɛ̀ ə tsà eghɛ zɛ ze kyàyn sê ghənə endom ə fɨnə tsâ kə ghənə fə fe kê vəyn ashìŋə̀ kɛ ə è fə pɨaʼ payn ə kwaŋke.

Tom èchùŋ kè kə Lûk tè nyaʼ 9:16

Njisə̀s ə fiə èsene epɨayn nə vɛ è mbwɔ̀ vɛ èpɨ̀a ə naynə̂ kɔʼsə̂ ekwùtwəyn ə fo àzɔ̀ŋnè sê Zhə̀fè ə pɨaʼlə̂ fo sê chùmtè èpàm sə vəynse nə se chyàtə̀ sê ghɨ nə ghɛ.

Njɔyn 6:11

Njisə̀s ə fiə àpayn əkwaŋ ətəynke ə fo àzɔ̀ŋnè sê Zhə̀fè ə fo nə chùmtè èpàm sə Vəynse chyate sê ghɨ ghɛ ə tè tsɨs fumə. Njisə̀s ə nə̀ kə pî zamə è mbwɔ̀ vɛ, nâʼà ghənə əkɨ̂m ə zhiə kolə.

Ətefɨ̂aʼ 2:42

Ghənə ə fɨnə fo sèngɨŋ sə ghənə̂sè sə̂ zɨtə̂ ə̀ghɛ ghɛ ə ghɨətom ə Njisə̀sghè tè zaʼlə. Ghənə tè nyì sə eghɛ èmɔ̀ʼ yîghə̀ ghɨ pomə ə Klâysghè. Ghənə əkɨ̂m tè tsə̂mə̀ fɨnə zhiə kɨŋnə̂ luʼve mɔ̀ʼ.

Ətefɨ̂aʼ 2:46

Ghənə tè pə̂ zûŋtə̀ ə Ndɛ Ètsə̀mə tuʼ mè m̀kɨ̂m se tsə̀m, fɨə kwiə zhiə kə ə ndɛ ə ndɛ, nyi ke sə eghɛ èmɔ̀ʼ, saŋnə kə ndò.

Ətefɨ̂aʼ 27:35

Kə Pɔ̂l wàmnè zâ ə njiə àpayn ə kwaŋke ə fo àzɔ̀ŋnè sê Zhə̀fè kè ə ghənə əshi ə pɨaʼtə ə zhə̀tə̀ se zhi.