Tom èchùŋ kè kə Lûk tè nyaʼ 23:54 - Ŋwàʼlè ə̀ Fèzhə̀ Mkâyn Mə̂ Fèm

⁵⁴ Ə pfɨ̀mə̀ Njisə̀s zâ, e nə̂ èpɨaʼtê nə tuʼ e zo ə zhi tuʼ endaʼve.

Tom èchùŋ kè kə Lûk tè nyaʼ 23:54 ပူးပေါင်းရင်းမြစ်များ

Matyò 27:62

Tuʼfe komtəfe ə zo pə mə tè nyi etuʼ endaʼ, ghɨə kɔʼsə nə eshyə̀ è ghɨ Falàsîə ə ndùə kwəynə̂ yîghə̀ Paylɛ̀t

Ŋwàʼlè ə̀ Mâk 15:42

Wùə vîvè tè nyì e tɔŋtə̂ nə Njosɛ̀f. E tè ndò pə̂yn ə tə̀ʼ ə̀ Àlimàtiyà. Vəyn Njosɛ̀f tè nyi wùtwɔ əfètə̂ atsɨ̀ynte əghɨ̀ eghaʼâkè endaʼ. È tè ndamə lɨmtə̂ kə àshîŋə̀ kɛ ə fɔ̀yn ə Fezhə̀vè tə pə̂ ətəyn. Kə ə̀ tè se nyi fètuʼ fe pɨaʼtəfe (etuʼ endaʼ), e və kolə ə̀təm ə ndùə fe Paylɛ̀t ezhwikwɨlə nə è fo pfɨnə Njisə̀svè sê zhi.

Tom èchùŋ kè kə Lûk tè nyaʼ 23:53

Paylɛ̀t ə pomə. È və ndùə tsosə̂ awâmnè ə koytə̂ e mbɛlaŋa, ə ndùə pfɨ̂mə̀ eshyə̀ eghaʼâ zhîze mə ə tsɨ anayn, shyə̂ ətəynze nyi mə ə pâʼà tyəm pfɨ̂mə̀ wùə ətəyn.

Njɔyn 19:14

Ə̀ tè se kâynè nyi ə tɛ ə̀chwì etuʼ vɛ ə tè pɨaʼtə se zhiə mtuʼ me zaʼatsɛ̂mè ətəyn. Paylɛ̀t ə pìə se ghɨə ə təynghe nə, “Ə̀ nyi fɔ̀yn vâyn nyi!”

Njɔyn 19:31

Ghɨə ghaʼa ə Njûsghè ə pìə sê Paylɛ̀t nə è zàmaʼà ə ghənə kəmte fɨəyntə ghɨ̀ ghɛ ə tè paynte awâmnè, ə nji tsosê tèpfɨyn tə ghənə̂tè awâmnè. Ghənə tè pi zɨnə mə kûmə̀ nə ə̀ tè nyi etuʼ sê pɨaʼtê se tuʼ endaʼve, ghənə e kɔ̂ŋɔ̀ va nə pfɨyn tə ghənə̂tè faŋ ewâmnè etuʼ endaʼ, kûmə̀ nə tuʼ endaʼ vɛ ə ve tè kɔʼɔ pə̂ tè nyîə kyi m̀kɔʼnè sə nɨŋ.

Njɔyn 19:42

Kə tè se nyi etuʼ vɛ ə ghɨ Njûsə̀ tè pɨaʼtə sê tuʼ endaʼve, shyə̂ eghaʼâ zɛ e nyi paʼsê kepî fu, ghənə ə ndə̀mə̀ èpfɨyn ə Njisə̀svè ətəyn.