Tom èchùŋ kè kə Lûk tè nyaʼ 23:5 - Ŋwàʼlè ə̀ Fèzhə̀ Mkâyn Mə̂ Fèm

⁵ Ghənə e sè kayntə̂ kə əghɛ piə nə, “Zaʼlə ə vəynze pə̂ eno zə əfètəyn endaʼ ə ghɨə Njûszè ke ekɨ̂m, È tè zhə̀te ə Ngalìlî, sè nyi zôyn mə è və pə̀yn fayn.

Tom èchùŋ kè kə Lûk tè nyaʼ 23:5 ပူးပေါင်းရင်းမြစ်များ

Matyò 11:1

Kə Njisə̀s tè zaʼle mɨ̂sè chùmtè èpàm sə vəynse njò sepɛ̀, è və ndò fumə elùʼ sè ndàʼà sè fɨnə zaʼlə̂ èghɛ ə Fezhə̀zè ə setɔ̂ŋ sɛ ə se tè nyì paʼsê fumə.

Matyò 2:1

Ə tè piə Njisə̀s ə tɔ̂ŋ ə̀ Petlɛ̀ghêm apàs endaʼ ə Njòndyâkè, ə shɨŋ zɛ ə Ɛlɔ̀t tè nyi fɔ̀yn. Ghɨ yîghe mə tè naynə mlî tɔŋə kê èghɛ zɛ lì mə təm pìə, ə pə̂ Njèlusalɛ̀m, mə ndo apàs kɛ ə zhwize sa ətəyn,

Matyò 27:24

Kə Paylɛ̀t tè fe nə ə̀ nyi e njìsè ashìŋə̀zè sə pfɨftə̂ ə̀ghɛ se ghənə fânə̀ nə ghɨ ətə kaʼa ghɨ pəyn ènôzè, è və njìə eluʼ mmòve ə shùə ə̀gho ə vəynghe ə nɔ̂ynkè əshi, ə pìə nə, “M kyi va ghɛze kûmə̀ èkwu ə wùə vɨ̂ynəze. Ə̀ ke ke ghàyn.”

Matyò 4:23

Njisə̀s ə ndò kwîə ka tè ndaʼà tèkɨ̂m endaʼa Ngalìlîzè zaʼlə̂ èghɛ ə Fezhə̀zè ə se ndɛ sə atsɨ̀yntese, kɛsə̂ ndâʼà tom èchùŋ kûmə̀ èfɔ̂yn nə Fezhə̀vè. È tè tsuʼə əghɨ ezafə əkɨ̂m è kɨsè kyì tə tezaf tɛ ə te tè nyi ə ghənə fètəyn.

Ŋwàʼlè ə̀ Mâk 1:14

Ə tè nyi ə shɨŋ nə zɛ mə ə fâ Njɔyn ə ndɛ ə̀ chaʼ. Njisə̀s ə kɛsə̂ njiə ndûə apàs endaʼ ə Ngalìlîkè, ndàʼà tom èchùŋ ə Fezhə̀,

Tom èchùŋ kè kə Lûk tè nyaʼ 11:53

Ə tè se nyi kə Njisə̀s ndò fɨ fuə ndɛ, tyə̀ynsè sə alàŋsè yî ghɨə Falàsîə ə zhə̀tə̀ se tsəfsê vəyn, pfɨftə̂ əghɛ e tsɨə,

Tom èchùŋ kè kə Lûk tè nyaʼ 23:23

Ghɨ ghɛ ə fɨnə pɨaytə ndùə kə əsi nə, ə paynte və awâmnè. Zə ghaʼə Paylɛ̀t,

Tom èchùŋ kè kə Lûk tè nyaʼ 23:6

Paylɛ̀t ə zɨtə əghɛ nə ghɨyn ə pfɨfə nə, e nyi za mə nyi wùə Ngalìlî ə?

Njɔyn 1:43

Ə fetuʼ fə mɔ̀ʼɔfe, Njisə̀s ə chɔʼnə̂ se ndù apàs endaʼ ə Ngalìlîkè. È və fe Filìp ə pìə sê vəyn nə, “chùmte Mi!”

Njɔyn 19:15

Pîza ghənə ə pɨa pîə kə nə, “Zhwi Vəyn! Zhwi Vəyn! Paynte Vəyn awâmnè!” Paylɛ̀t ə pfɨfə sê ghənə nə, “Ghàyn kyiŋə nə m paynte fɔ̀yn vâyn və awâmnè ə?” Ghɨkɔʼsə nə eshyə̀ ə ngaŋtəghe ə pìə nə, “Ghàs kyi va fɔ̀yn vîvè, ə̀ tsɛ̂ kə va Kaysà.”

Njɔyn 2:11

Njisə̀s tè nə̀yn eghɛ e kaynte ə vəyn zə shi nə zɨ̂nə̀ endaʼ ə Kanà apàs endaʼ ə Ngalìlîkè. Ə̀ nyì fumə kə è tè tyə̀yn paynsê èpomsê ə vəynze, chùmtè èpàm sə vəynse ə pomə̂ sê vəyn.

Njɔyn 7:41

Yîghe pîə nə, “È nyi vɛ ə chɔʼ ndə̂m.” Pîza Yîghe pîə nə, “Vɛ ə chɔʼ ndə̂m vayn kaʼa è pəyn ə Ngalìlî!

Njɔyn 7:52

Ghənə ə pìə se vəyn nə, “Ò ndò kepî ə Ngalìlî ə̀? Fɛte zaʼle Ŋwàʼlè ə̀ Fèzhə̀ ə ò fe nə fɨ̀aʼtè pâʼà tyəmə̂ fɨ ə Ngalìlî.”

Ətefɨ̂aʼ 10:37

Ghàyn ke ndò ghɛ ghɛ ə ghe tè kyayn əkɨ̂m tɔynə̂ apàs endaʼ ə Njòndyâkè akɨ̂m kè se zhə̀tə̀ ə Ngalìlî. Zɨnə mə tè kyayn mə Njɔyn ə kàynè tsayn se ghɨghe kûmə̀ èfi mmòze.

Ətefɨ̂aʼ 23:10

Saʼnê ətəynze ə kɔʼɔ fɨə andiŋ kyîke, tuə sesôkə̀ʼ e ghaʼâkè e sè fanə̀ nə ə kaʼa payte Pɔ̂l mnjya, mnjya. È vɛ tsɛ̀sə̀ sə àlaŋ nə sokə̀ʼ sə vəynse tso ndu fu anɔ̀yn ə nji tsɨsè Pɔ̂l ə ghənə fètəyn, ə nji è vəyn apɨəyn ə sesokə̀ʼke.

Ətefɨ̂aʼ 5:33

Ə tè pə̀yn kə ghɨə saʼa zɨ ghɛ nə ghɨ̂yn, ghe ə zafə ghənə nâʼà sə ŋaŋ, ghənə e sè kyiŋə se zhwi əghɨtom ə Njisə̀sghè.

Ətefɨ̂aʼ 7:54

Ə tè nyi kə ghɨə sesaʼ nə ghɛ zɨ ghɛ ghɛ ə Shìtifɨ̀yn wàmnè, ghənə ə nyɔ̀ʼsə̀ ètɔŋ nâʼà sə ŋaŋ, kwulə ə̀sɔŋ.

Ətefɨ̂aʼ 7:57

Ghənə ə zɨə zâ, ə pɨa chîə nâʼà è kyə̀ è tɛ, ə fìyntə̀ ètûŋne əghənəvè, ə shɨŋə ndùə kə ə̀kɨ̂m ə vəyn ewìyn.