Tom èchùŋ kè kə Lûk tè nyaʼ 23:4 - Ŋwàʼlè ə̀ Fèzhə̀ Mkâyn Mə̂ Fèm

⁴ Paylɛ̀t ə ke pì se ghɨkɔʼsə nə eshyə̀ ndɛ ètsə̀mə è nɔ̂yn ə ghɨ vɛ ə ve tè nyi fu nə, “M fe va nâʼà eghɛ epi zhize ə wùə vɨ̂nə nəyn.”

Tom èchùŋ kè kə Lûk tè nyaʼ 23:4 ပူးပေါင်းရင်းမြစ်များ

Matyò 27:19

Kə Paylɛ̀t tè tsɨs ə fekyə̀ fɛ ə è tè saʼa ghɨghə ətəyn, zhwîə vəyn ə tomə tom sê vəyn ə pìə nə, “Kə ò nəyn nâʼà èghɛ zhîze sê wùə vî ə è tàʼa pofsê eghɛ za, kûmə̀ nə tsə̀m va kyiə mi ndâyn etuʼve kûmə̀ vəyn, ə fɨmsə̂ mi nâʼà sə ŋaŋ.”

Ŋwàʼlè ə̀ Mâk 15:14

Paylɛ̀t ə pfɨfə nə “Kûmə̀ ghè? È pofse ghe?” Ghənə ə kɛsə̂ pɨa pîə kə sə ŋaŋ nə, “Paynte vəyn awâmnè!”

Tom èchùŋ kè kə Lûk tè nyaʼ 23:22

È və fɨnə pfɨfə kùmtə̀, nə ə sè nyi teshìŋə̀ teta nə, “Ə nyi nâʼà kûmə̀ ghè? Ghàyn tsayn ghɛ epi zɛ ə wùə vɨ̂nə nəyn. M pâʼà fe ghɛ epi zɛ ə kaʼa ə zhwi vəyn sè təyn. M nə piə, ə pus kè ndò vəyn, ə za ndu.”

Njɔyn 18:38

Paylɛ̀t ə pfɨfə sê vəyn nə, “Səmɔʼ nyi nə ghe?” Kə Paylɛ̀t pfɨf zâ, ə kɛsə̂ fɨə ndûə ə pɨəyn ə pìə sê ghɨ Njûs ghɛ nə, “M pâʼà fe ghɛ zhîze ə wùə vɨ̀nə nə̀yn pofse.

Ətefɨ̂aʼ 25:25

Pîza mə tàʼa fe eghɛ zɛ ə è nyi mə è və nə̀yn pofsê kə kaʼa zhwi vəyn, pîza ə pə̀ kə è chyate è ngɨŋə̂ vəyn nə tom zhi sê Kaysà, mə saynə̂ se tom ə vəyn ə Lûm.

Ətefɨ̂aʼ 3:13

Zhə̀ fɛ ə Aplàghâmfè, è Azɨ̀k è Njàkɔ̂p kɔʼsə, mə za nyi Fezhə̀ fə pɨ̀a ghâsènì ghəshiə ə tyə̀yn pomsê ə wùə èfɨ̀aʼa ə Vəyn Njisə̀s. Ghàyn tè fo Vəyn əghɨ ghayn ghə sesaʼghə gho, ghàyn ə kwiynsə̂ Vəyn ə Paylɛ̀t əshi. Ə pə̀ pi kə Paylɛ̀t tè kyiŋə se zà ə Vəyn ghàyn ə kwiynsə̂ Vəyn

Ipilù 7:26

Ə̀ nyì ke Njisə̀s wùə kɔʼsə nə èshyə̀ èngaŋtə kwəynə vɛ ə è kwuəynə se tsàmtə ghâsènì. È nyiə nyi èŋwaʼze, kyi va tsasze, zo, ndɔ̀ʼɔ è tyəm nəyn pi mə Zhə̀fè ə fɨse vəyn əfètəyn ə̀ ghɨ̀ ə pighe ə njì kɔʼɔ è vəyn ekwùtwəyn.

1 Pità 1:19

Pîza Fe tè zhɔyn ghàyn è ndə̂m mə̂ Klâysə̀m, ə̀ nyi m̀ndəm kyi àtyaʼ. Klâys tè nyì ke kə vâ ndzè, kyi va ndi nâʼà səkɔs.

1 Pità 2:22

Ə nyàʼ ə Ŋwàʼlè ə̀ Fèzhə̀ nə, “È tè paʼà nə̀yn ghɛ epi zhîze, ə tàʼa tyəmə wam akaŋ nâʼà səkɔs.”

1 Pità 3:18

M pîə nyî kûmə̀ nə Klâys tè kwu ke shîŋə̀ze emɔ̀ʼ ətû ə̀ghɨ̀ ə pighe. È tè nyi wùə ə̀ chichi, ə kwuə kə è kàʼa è nji pəyn è ghâsènì sê Zhə̀fè. Ə̀ tè zhwi vəyn pîza Zuʼsə Fezhə̀sè ə nə̀ è və zòmə̀.