Tom èchùŋ kè kə Lûk tè nyaʼ 22:52 - Ŋwàʼlè ə̀ Fèzhə̀ Mkâyn Mə̂ Fèm

⁵² Ə nyi za mə ghɨkɔʼsə nə eshyə̀ ə ndɛ ètsə̀mə è tuə əghɨ̀ ghɛ ə ghe tè tsɨ̀ŋnə Ndɛ Ètsə̀mə è chəʼse endaʼse ə fɨə pə̂ se kyiə vəyn. Njisə̀s ə pfɨfə se ghənə nə, “Ghàyn fɨ pəyn e nyi meghɔ̀ŋə̂m e mbàŋsè kəpiə ghàyn nyiŋə əwùchɔŋə epàm kûmə̀ ghe?

Tom èchùŋ kè kə Lûk tè nyaʼ 22:52 ပူးပေါင်းရင်းမြစ်များ

Matyò 26:47

Njisə̀s e sè pa wàmnə̀ kə ndò, Njondàs vɛ ə è tè nyì kepî wùə èmɔ̀ʼ əfètə̂ sèchùmtè èpàm sə vəynse njò sepɛ̀, ə kɔʼɔ pə̂ yî nɔ̂yn ə ghɨ̀kè, ke tsɨ̀ə kə nyi, kyi tefɛ̂ è mbàŋsè. Ə̀ ghənə tè tom ə ghɨ kɔʼsə nə eshyə̀ engaŋtə è chəʼse ndaʼse,

Matyò 26:55

Njisə̀s ə kɛsə̂ pfɨfə sê nɔ̂yn kɛ nə, “Ghàyn nyiə fɨ pə̂yn è fɛ̂tè è mbàŋsè nyiə kə ə nyiŋə ə wùə èchɔŋɔ epàm kɨ̀se kyîə miə? Tuʼmè m̀kɨ̂m m tè nyì ə Ndɛ Ètsə̀mə zaʼlə̂ ə̀ghɨ pîza ghàyn ə tàʼa kyiə mi.

Tom èchùŋ kè kə Lûk tè nyaʼ 22:37

M piə se ghàyn nə, zɛ e kyi sə nyi kɨ kə ə nyi mə nyaʼ ə Ŋwàʼlè ə Fèzhə̀ nə zɛ kyi se kyàyn se mi ə tè nyàʼ nə, ‘ə taŋ vəyn kə wùə èmɔ̀ʼ əfètə̂ ə ghɨghe ə ghɨ kəm saʼe.’ Ze nyi nyî kûmə̀ nə naʼapi ghè vɛ ə nyi mə nyaʼ kûmə̀ mi ze kyi se kyàyn.”

Tom èchùŋ kè kə Lûk tè nyaʼ 22:4

È və ndò ə ndùə fe ghɨkɔʼsə nə eshyə̀ Ndɛ Ètsə̀məghe, ə chisə èndom vɛ ə è kaʼa è pəʼle vəyn ətəyn sê ghənə.

Tom èchùŋ kè kə Lûk tè nyaʼ 22:51

Pîza Njisə̀s ə pìə nə, “Kə ghàyn fɨyn mom!”, kè sə ashìŋə̀ kə è kòm tuŋne ətəynke, ke ə tɛ kə ndò.

Tom èchùŋ kè kə Lûk tè nyaʼ 22:53

Piə ma zɨsə kə ghâsènì tuʼ mə m̀kɨ̂m ə Ndɛ Ètsə̀mə, ghàyn kyiə va mə? Naʼapi sə kàyn, ə kwəyn ashìŋə̀ kaynke, mə nyi ashìŋə̀ kɛ ə Pɛ̀ atyaʼa lɨma saʼa ətəyn.”

Njɔyn 17:12

Kə M tè pa nyi ghasè ghənə, M tè nyîə tɔ̂ʼnə̀ è ghənə atyaʼ ezə kɛ Ò tè fo sê Mi. Mə tə tɔ̀ʼnè è ghənə nâʼà wùə èmɔ̀ʼ ə ghənə fètəyn ə tàʼa njìsè ə̀ tsɛ̂ kə va vɛ ə è tè kyi ke se njìsè kə ghɛ zɛ ə tè nyàʼ ə ŋwàʼlè Fèzhə̀ pəyn səmɔʼ.

Ətefɨ̂aʼ 5:26

Tuə sesokə̀ʼ kɛ ə ke tè fɨ̀aʼa ndɛ̂ Fèzhə̀ ə zɨə zâ, yî ghɨ vəynghe ə ndùə njìə ə̀ghɨtom nə ghɛ. Ghənə tè paʼà ko ghənə sə atyaʼ kûmə̀ nə ghənə tè fànə nə ghɨ kaʼa ə ghe tɨmnə̂ ghənə è chighe.