Tom èchùŋ kè kə Lûk tè nyaʼ 22:29 - Ŋwàʼlè ə̀ Fèzhə̀ Mkâyn Mə̂ Fèm

²⁹ m fo èfɔ̂yn sê ghàyn kèpî kə pɨ̀a vɨ̂m fo sê mi

Tom èchùŋ kè kə Lûk tè nyaʼ 22:29 ပူးပေါင်းရင်းမြစ်များ

Matyò 24:47

M pîə sê ghàyn səmɔʼ nə, ə ze kyâyn nyi, ə pɛ̀ efɨaʼ nə vɛ ndəm vəyn nə è və tɔ̂ʼnə̀ è fɨa ə vəyn nâʼà èkɨ̂m.

Matyò 25:21

Pɛ̀ efɨaʼ ə̀ vəyn ə piə sê vəyn nə, ‹Ò nə̀yn àchûŋ. Ò nyi ke nâʼà wùə èfɨ̀aʼa èchùŋ, fɨyn nyi səmɔʼ. Ò vâ nyîə nyi səmɔʼ sə̂ tɔ̂ʼnə̀ èkɛ etətə̂vè, M nə̀ fo ghò èkɛ e tsɨəve nə ò tɔʼne è vəynve. Nji pə ə chyàtə̀ ə mì esaŋnê.›

Matyò 25:34

Ə Fɔ̀yn ke pì sê ghɨ chichighe ə vəyn ekɔyn twɔve nə, ‘Ghàyn pəyn, ə ghàyn ghɨnə ə Pɨ̀a vɨm pɔse nyi! ghàyn nji pəyn ə kyi pɔsə efɔ̀yn ə Fezhə̀ vɛ ə nyi mə ə pɨaʼtê se ghàyn nâʼà kə tè pom mbi.

Matyò 28:18

Njisə̀s ə kɨŋtə̂ paʼsə̂ ndûə sê ghənə ə pìə nə, “Zhə̀fè ə fo tyaʼke akɨ̂m sê mi ekwùtwəyn è kɨsè ə chi.

Matyò 5:10

Pɔsê nyì sê ghɨ ghɛ ə chɔʼɔ gholə ghənə̂ghè kûmə̀ nə ghənə nə̂ èghɛ zɛ ə Zhə̀fè kyiŋə, Fɔ̂ynə̂ Fezhə̀zè nyì sê ghənə.

Matyò 5:3

Pɔsê nyì sê ghɨ ghɛ ə fɨfə ə sezuʼ, kûmə̀ nə fɔ̂yn ekwùtwəynve nyi sê ghənə.

Tom èchùŋ kè kə Lûk tè nyaʼ 12:32

Kə ghàyn ə fânə̀, nâʼàpî kə nɔ̂nə̀ faynfe tətə, kûmə̀ nə Pɨ̀a vâynvè ə kɔ̀ŋ se fo eluʼ əfètə̂ èfɔ̀yn ə vəynve sê ghàyn.

Tom èchùŋ kè kə Lûk tè nyaʼ 19:17

È və piə sê wufɨ̀aʼa ətəyn nə, ‹Ò nə̀yn kè nâʼà àchûŋ! Ò nyi ke nâʼà wufɨ̀aʼa ə èchùŋ! Ò tə nə̂ ə ò saʼa sètə̀ʼ seghɨm zôyn kûmə̀ nə mə fe nə ò nə̂ ke se tɔ̀ʼnə̀ è fɨ̂atə̀ mə ètətə̂m.›

1 Kɔlìŋ 9:25

Wùə ènyɨŋə vɛ ə è nə̀ fɨ̂aʼ ə vəynze kyi sə̂ chûmtə̀ elwɔ̂ŋ enyɨŋəve. Ghənə nə̂ e nə̂ za se kyi emaʼte, ve va se ndamə faŋ, pîza ghâsènì nə̀ e nyi se kyî emaʼte vɛ ə ve tə ndamə faŋə.

2 Kolìŋ 1:7

Kwaʼtè zasze se ghàyn nə ghàyn nə̀ pfɨ̂ va ə ghàyn epomə̂ tɛ kə nyi, ghàs ke ndô nə kè kə ghàyn chyàtə̀ ə ghàs ezə ngəʼze, ghàyn chyàtə̀ kəpi ndò etsàmtè zɛ ə ghàs tè fi.

2 Timotì 2:12

Ə ghâsènì ndù ke eshike sə̂ kolə ə̀təm, ə ghâsènì ghə̀ vəyn tə nəyn ə saʼə mbi. Ə ghâsènì kwiynse nə ghâsènì ke va vəyn, ə è tə pɔŋ kwiynsê nə zhi ke va ghâsènì.

Njə̂m 2:5

Ghàyn zɨte ə ghɔnyì ghɨm ghe chûŋə̀! Piə ghàyn ke ndô nə Zhə̀fè ə tə chɔʼ ghɨ ghɛ ə ghɨ ə mbighe njîə nə nyi əghɨ afɨfə, ə nə̀ nə ghənə ə kyi èkyî èpomə̂ eghaʼâzè, ə ghənə kyi luʼ efɔ̀yn vɛ ə Zhə̀fè tè tsɨ̀nè sê ghɨ ghɛ ə ghe kɔ̂ŋə̀ vəyn.

1 Pità 5:4

Ə ghàyn nəyn nyi, ə wùə vɛ ə è nyi tu ə sengyəynke tə kɛse pəyn pi etuʼ èkwə̀, ə è ndaʼ ghàyn è fɔ ə tefɔ̀yn ə kayntəke mə ke tə ndamə faŋə.

Etyə̂yn ə paynsêzè 21:14

Mbàyn ə̀ tɔ̂ŋ èghaʼâ ə̀təyn tè nyi mə ə pɛ etûə ə̀chi ə ghaʼlə̂ echi ə ndɛve njò sepɛ̀. Zə əghɨ̀ ə tom ə Vâ Ndzèghè tè nyi mə ə nyàʼ etûə ə̀chi nə ghɛ, nâʼàpî èchi èkè è kyi ezə emɔ̀ʼ.