Tom èchùŋ kè kə Lûk tè nyaʼ 22:19 - Ŋwàʼlè ə̀ Fèzhə̀ Mkâyn Mə̂ Fèm

¹⁹ È və njiə kəpiə àpayn ə kwaŋke ə fo àzɔ̀ŋnè sê Zhə̀fè ə pɨalə ə fo sê ghənə ə piə nə, “Ə̀ vɨ̂nə nyi ewiyn vɨm (kə m fo sê ghàyn. Ghàyn nə nə̂ zɨnə mə se kwaʼtə mi.”

Tom èchùŋ kè kə Lûk tè nyaʼ 22:19 ပူးပေါင်းရင်းမြစ်များ

Matyò 14:19

Kə chùmtè èpàm sə vəynse pə̂yn è səyne epɨanə ətəynve è mbwɔ̀vè È və pìə sê ghɨ ghɛ nə ghənə tsɨsə ndu ewə̀yn. È ve njìə èsene epɨayn ətəynve etwɔ̂yn è mbwɔ̀ vɛ è pɨ̀a ə naynə̂ kɔʼsə̂ è Kwùtwəyn ə fo àzɔ̀ŋnè sê Zhə̀fè. È və pɨaʼlə̂ vəynve ə fo nə chùmtè èpàm sə vəynse chyate sê nɔ̂yn ətəynve.

Matyò 15:36

È və njìə èsene epɨayn vɛ, èsɛ̀mbɛ, è mbwɔ̀tə̀m, ə fo àzɔ̀ŋnè sê Zhə̀fè, ə pɨaʼlə̂ fo sê chùmtè èpàm sə vəynse, ghənə pɔŋɔ chyâtə̀ ndûə se nɔ̂yn əghɨ vɛ.

Tom èchùŋ kè kə Lûk tè nyaʼ 22:17

È və njiə wà ə fo àzɔ̀ŋnè sê Zhə̀fè ə piə nə, “Ghàyn ko lɨ̀ mɨ̂yn, ə ghàyn chyàte mɨə.

Tom èchùŋ kè kə Lûk tè nyaʼ 22:20

È və fɨnə nə kəpiə zamə è wà mlɨ̂ kə ghənə zhi mɨ̂sè e piə nə, “wà zɨ̂yn nyi wà mkàyn me fɛ̂m kə Zhə̀fè kɨl endəm mə̂m mɛ ə m sɨs sê ghàyn.)

Tom èchùŋ kè kə Lûk tè nyaʼ 24:30

Ə te nyi ashìŋə̀ ə zhiəke, è və njiə apayn ə kwaŋke ə pɔsə̂ ə chàtə̀ fo sê ghənə.

Njɔyn 6:23

Ngwùʼ seghaʼâ sə mɔ̀ʼɔse mə se ndo ə Tìpelùs ə pə̀ ə ngwùŋ ènjwì etipì elùʼ vɛ nɔ̂ynkè tè zhi payn ə kwaŋke mə Pɛ̂pɛ fo tsoke àzɔ̀ŋnè.

Njɔyn 6:51

M nyi apayn ə kwaŋ kɛ ə ke fo ndam zɛ ə ze ndô pə̂yn ekwùtwəyn. Mə ə ò zhi payn ə kwaŋ ə ətəynke, ə ò tə ndam faŋ. Payn ə kwaŋ kɛ m tə fo sê ghàyn nyi ewiyn vɨmve, kə m fo sê mbi kə è zə kyi èndam.”

1 Kɔlìŋ 10:16

Wà zɛ ə ghâsènì nə̂ mɨə ezhoghɛ ə zhiə wiynə Pɛ̂pɛve, mə ə̀ nyi zə̂ynzè ə ghâsènì fo zɔ̀ŋnèkè ətəyn se Zhə̀fè, ashìŋə̀ kɛ ə ghâsènì mɨə ətəyn, ze nyi nə ghâsènì chyàtə̀ eghɛ zɛ ə Klâys tè nəyn sê ghâsènì ə sɨ̀sə̀ m̀ndəm mə Və̂ynmè. Mə payn ə kwaŋ kɛ ə ghâsènì zhiə, shîŋə̀ kɛ ə ghâsènì zhiə kəynke, ze nyi nə ghâsènì chyàtə̀ ezə ə ngəʼ zɛ ə Klâys tè zɨ awâmnè.

1 Kɔlìŋ 10:4

ə mɨə kəpî m̀mo mə Sèzuʼ mè m̀mɔ̀ʼ mə m̀ ndò awulə. Ghənə tè mɨ mmo mə təynmè mə m̀ fɨ anayn mə ke ndo awulə, nayn ətəynke ə ndùə yî ghə̀ ghənə mə nayn ətəynke tè nyî Klâys è ngɨŋə̂ Vəyn.

Ngàleshyà 1:4

Klâys ə tə fo ngɨŋ ə vəyn ə kwuə kûmə̀ sèpi sə ghasènìse se sɔza ghâsènì fa ə mbi èpi, se nə̀yn eghɛ zɛ ə Zhə̀fè pɨ̀a ə̀ ghâsènì tè kyiŋə.

Ngàleshyà 4:25

Angà vɛ ə è nyi kə pfɨ̀ynə̀ Sinày endaʼ ə Àlapyà, njìə èluʼə Njèlusalɛ̀m zɛ ə è nyì zôyn, zɛ ə è fɨaʼà kɔ̂skè yî ghə̀ ghɨə vəyn ghəkɨ̂m.

Ɛfesùs 5:2

Ghàyn kyi sə̂ kɔ̂ŋɔ̀ ə̀ghɨ mɔʼɔ kè shîŋə̀ tekɨ̂m kè eghɨ kə Klâys tè kɔ̀ŋɔ̀ ghâsènì ə fo ngɨŋ ə vəyn sə efo, ze lɨ̂mtə̀ tsɔ̂fə̀ kə nyî sê Zhə̀fè ə ghâsènì elùʼ.

1 Tèsàlonikà 5:18

fo àzɔ̀ŋnè nâʼàpî eghɛ èkè zɛ ə ze kyâyn, kûmə̀ nə ə̀ zɨnə nyi eghɛ zɛ ə Zhə̀fè kyiŋə nə ghàyn ə nə̂ tɔynə̂ ə Klâys Njisə̀s.

Taytùs 2:14

È və tə fo ngɨŋ ə vəyn se sɔ̀sè ghâsènì ə sepi sekɨ̂m, se fɨnə nə̀yn nə ghâsènì zo kwəyne sə̂ nyi ə̀ghɨ vəyn ghə ngɨŋghe, mə ə fo ngɨŋ sə ghənə̂sè sə̂ nə̂ èfɨaʼ echûŋzè.

1 Pità 2:24

È və tə pɨàʼà pi sə ghasènìse ə ndùə è səynse awâmnè. È tè nəyn nyi kə ghâsènì ə pɨlə ndamə chichi, pi e fɨyn kyi va ghɛze se nə̀yn ə ghâsènì etsɨsə̂. Ə̀ nəyn tefiŋ tɛ ə è tè kyi nə ghàyn tɛ,