Tom èchùŋ kè kə Lûk tè nyaʼ 21:12 - Ŋwàʼlè ə̀ Fèzhə̀ Mkâyn Mə̂ Fèm

¹² Ghɛ nə ghɨyn tə piə kyànə̀ mə ə kyitə̂ ghàyn, fo ngəʼ sê ghàyn, njiə ndùə è ghàyn ashi ə saʼa ə sendɛ sə atsɨ̀yntese, ə ndəm ghàyn ə chaʼ Ə tə njiə ndùə è ghàyn ə̂ fɔ̂yntè əshi è ghɨə saʼa əmɔ̀ʼɔ̂ kè kûmə̀ mi.

Tom èchùŋ kè kə Lûk tè nyaʼ 21:12 ပူးပေါင်းရင်းမြစ်များ

Matyò 22:6

Yîghe kyiə ə̀ghɨ fɨaʼa nə ghɛ ə pusə zhwiə ghənə.

Matyò 24:8

Ghɛ nə ghɨ̂yn tə nə̂ ə nyi kə etɨ̂m əshi zɛ ə wùzhɔyn zɨə ashîŋə̀ kɛ è kyiŋə se pîə.

Tom èchùŋ kè kə Lûk tè nyaʼ 21:11

Chi ə nəʼə kwəmnəke tə nə̂ ə ke ə nyi, ə chɨ̀ŋ fɨyn ko ke ətelùʼ ətelùʼ. Zafte tə tyaŋate tə fɨə, chwiəse kwəmnəse e fɨə ekwùtwəyn, fâynsə̀ ghɨ.

Njɔyn 15:20

Kə ghàyn tə lɛse èghɛ zɛ ə m tè zaʼle sê ghàyn nə, ‘Wùə èfɨ̀aʼa pâʼà tyəmə̂ tsɛ̂ pɛ̀ èfɨ̀aʼ ə̀ vəyn.’ Ə nyi mə ə tə tsə̀fsè mi, ə nə tsə̂fsè kepî ghàyn zâ. Ə nyi mə ə tè zɨte zaʼlê zɨmze, ə nə pɔŋ zɨte zaynze.

Njɔyn 15:21

Ə nə nə̂ ə̀ghɛ nə ghɨ̂yn sê ghàyn nâʼà ə̀kɨ̂m ə Mì ezə, kûmə̀ nə ghənə ke va wùə vɛ ə è tom Mi.

Ətefɨ̂aʼ 22:30

Tuʼfe komtəfe, kə tu ə sesokə̀ʼke tè kyiŋə se kote nə ghɨə Njûsə̀ fe ghâmə̀ Pɔ̂l sə ghe ə, è və zà Pɔ̂l, ə tsɛ̀sə̀ àlaŋ nə ghɨ kɔʼsə nə eshyə̀ ə ngaŋtəghe, è chəʼse kɨ̂m Zuŋte. È və njìə pə̂ è Pɔ̂l ə ghənə əshi.

Ətefɨ̂aʼ 5:40

ə tɔŋɔ ə̀ghɨtom ə Njisə̀sghè nə ghe kɛse nji ə ndɛ. Ə pusə ghənə, ə fɨnə kànə̀ nə kə ghɨətom nə ghɛ nə fɨyn tɔŋtê èzə Njisə̀szè. Ə ke zà ghənə, ghənə ə ndò.

Ətefɨ̂aʼ 8:3

Pîza, Sɔ̂l ə zhə̀tə̀ kyiŋə èndom nə ghɨə ndɛ ə̀ Fèzhə̀ghè mi, sè njiə kə ə ndɛ ə ndɛ, shînə̀ fɨsə̂ ə̀ ndômnè è zənə, ndə̂mə̀ ghənə ə ndɛ ə̀chaʼ.

Ətefɨ̂aʼ 9:4

È və pfɨə ə chi ə zɨə kə kyə̀ pì sê vəyn nə, “Sɔ̂l, Sɔ̂l, ò tsə̀fsə̀ mi nyi kûmə̀ghè?”

1 Pità 2:13

Ghàyn tsose ngɨŋ saynse ə chi ə zɨtə̂ se nâʼàpî ndè vɛ ə ghɨ ndəm nə è və saʼa ghàyn. Ghàyn e nə̂ nyiəmə se chùmtè eghɛ zɛ ə Pɛ̂pɛ tè nəyn. Ghàyn e zɨə fɔ̀yn è ghaʼa vɛ ə è saʼa ghɨghe əkɨ̂m,

Etyə̂yn ə paynsêzè 2:10

Fekə! Kə ò nə fayn ètsôs vɛ ə ò njiə ndùə ətəyn. Ndə̂plè nə̂ nə ə kyi ghàyn yîghe ə ndəm ə ndɛ̂ chaʼ, ə̀ nyì ke emɔ̂m kə ze pə̂ sê ghàyn. Ghàyn nə fe ètsôs fu sə mtuʼ mghɨm. Mə ə nyi pî se zhwi ə ghàyn, ghàyn e samsə̂ kə ndò mi, ə m tə fo èndam zɛ ə ze tə mîə va sê ghàyn, ə̀ nyi àfɔ kayn kə tefɔ̀ynkè ə ke tyə̂ynə̀ nə ghàyn ə nò ə zhiə.