Tom èchùŋ kè kə Lûk tè nyaʼ 20:17 - Ŋwàʼlè ə̀ Fèzhə̀ Mkâyn Mə̂ Fèm

¹⁷ Njisə̀s ə naynə̂ kə ghənə nyi ə pfɨfə nə, “Luʼ ə Ŋwàʼlè ə̀ Fèzhə̀ vɨnə tyə̀nə̀ nə ghe, ə ke pi nə:

Tom èchùŋ kè kə Lûk tè nyaʼ 20:17 ပူးပေါင်းရင်းမြစ်များ

Matyò 21:42

Njisə̀s ə pìə sê ghənə nə, “E za nyi nə ghàyn pâʼà tyəmə̂ tɔŋɔ zɨə eluʼ ə Ŋwàʼlè ə̀ Fèzhə̀ vɨnə ə ve pîə nyiə nə: ‘Chi zɛ ə ghɨ fɨaʼa tè tə ə kɛsê sə echi epòlə̀ ə ndɛze. Ə̀ nəyn Pɛ̂pɛ nyî Ə̀ nyi eghɛ ekayntəze sê ghâsènì.”

Ŋwàʼlè ə̀ Mâk 10:23

Njisə̀s ə naynə̂ ka ə ghɨ ə və ə ngwùŋ nyî ə ke pì sê chùmtè èpàm sə vəynse nə, “E tə nə̂ ə ze ə tɛ nâʼà sə ŋaŋ kə ghɨ ghaʼâghè nji endaʼ efɔ̂yn ə Fezhə̀zè!”

Ŋwàʼlè ə̀ Mâk 12:10

Ghàyn pâʼà tyə̂m tɔŋɔ ghɛ zɨ̂nə̀ ə Ŋwàʼlè ə̀ Fèzhə̀ nə: ‘Chi zɛ ə ghɨfɨaʼa tè tə ə kɛsê sə echi epòlə̀ ə ndɛze.

Ŋwàʼlè ə̀ Mâk 3:5

Njisə̀s ə naynə̂ ka ndûə ghənə nyî mə tɔŋ ə̀ vəyn və zaf È ve sè fɨnə kosə̂ èsəyn kûmə̀ ə̀təm ə ghənə ghe tɛ, ə ke pì sê wùə nə vɛ nə, “Nɛ̀se kɔyn kɛke.” È və nɛ̀sə̀ kè sə ashìŋə̀, gho ətəynke ə tɛ kə ndò.

Tom èchùŋ kè kə Lûk tè nyaʼ 19:41

È və nə̀ ndùə sè paʼsə̂ mɨ̂sə̀ ndùə ə tə̀ʼ ə̀ Njèlusalɛ̀m ə naynə̂ ndùə tə̀ʼ ətəyn, səynze ə ko vəyn, è və chîə pə̀ kə ndò,

Tom èchùŋ kè kə Lûk tè nyaʼ 22:37

M piə se ghàyn nə, zɛ e kyi sə nyi kɨ kə ə nyi mə nyaʼ ə Ŋwàʼlè ə Fèzhə̀ nə zɛ kyi se kyàyn se mi ə tè nyàʼ nə, ‘ə taŋ vəyn kə wùə èmɔ̀ʼ əfètə̂ ə ghɨghe ə ghɨ kəm saʼe.’ Ze nyi nyî kûmə̀ nə naʼapi ghè vɛ ə nyi mə nyaʼ kûmə̀ mi ze kyi se kyàyn.”

Tom èchùŋ kè kə Lûk tè nyaʼ 22:61

Ke sa ashìŋə̀, Pɛ̂pɛ kə̀mnə̀ naynə̂ ndùə Pità ke ekyàʼ, è və kɛse kwaʼtə eghɛ zɛ è fe pi sè vəyn nə, “Ndomə̀mbvɨ nə piə e tɔŋə ndàyn mə gho mɛ mi shiŋə teta.”

Tom èchùŋ kè kə Lûk tè nyaʼ 24:44

Epam ətəyn, è və piə sê ghənə nə, “Ghɛ ghɨnə ə ghàyn fe nyi ə nyi əghɛ ghɨm ghɛ ə m tè tsàyn sê ghàyn kə ghâsènì te pa nyi əmɔʼ nə, naʼapi ghè kə nyi mə nyaʼ kûmə̀ mi ə ŋwàʼlè esaʼ ə Mosîsè e ŋwàʼlè sə fɨ̀aʼtè sè ghaʼasè e ŋwàʼlè se Njàŋ kyi sè nə kwəyn nâʼà ə kɨm.”

Njɔyn 15:25

Zɨnə tè kyi se kyàyn endom kə ghɛ zɛ ə tè nyàʼ ə ghənə alàŋ pəyn səmɔʼ nə, ‘Ə tè pàyn kê Mi sə ndô.

Ətefɨ̂aʼ 4:11

Njisə̀s nə vɨ̂yn tè nyi wùə vɛ ə Ŋwàʼlè ə̀ Fèzhə̀ tè pìə ghɛ ghɨnə kûmə̀ Vəyn nə: ‹Chi zɛ ə ghɨ pomə tè làŋ mâʼà, zə kɛse sə èchi epòlə̀ ə ndɛze.›

Ɛfesùs 2:20

Ghàyn nyi ndɛ mə ə ndɔm achiə ətəynke è zaʼlê zɛ ə ghɨətom ə Njisə̀sghè è fɨ̀aʼtèsè tè zaʼlə kûmə̀, èchi epòlə̀ ə ndɛ nə zɨ̂yn nyi ke nâʼà Klâys Njisə̀s è ngɨŋ ə̂ vəyn.

1 Pità 2:6

Kûmə̀ nə ə nyàʼ ə Ŋwàʼlè ə̀ Fèzhə̀ nə: “Ghàyn fe! M ndə̂mə̀ echi ə Zayɔ̀n, ə̀ nyi èchi epòlə̀ ə ndɛze kə m chɔʼ, ze tsɔ̂fə̀ nâʼà sə ŋaŋ. Ə̂ pomə pîndè sê vəyn, ə è tə tàʼa kyî eghomə̂.”