Tom èchùŋ kè kə Lûk tè nyaʼ 20:16 - Ŋwàʼlè ə̀ Fèzhə̀ Mkâyn Mə̂ Fèm

¹⁶ E nyi za, ə è pə̀yn zhwite əghɨ efɨaʼa nə ghɨyn ə è kɛse nji afûʼ ətəynke ə fo sê ghɨə ndô ghè.” Njisə̀s ə mɨ̀sè ngàyn nə zɨ̀yn, ghɨ ghɛ ə zɨtə̂ nyi ə piə nə kə Zhə̀fè tə pomə nə wùə mɔm kyi eghɛ zɛ ə ghɨə efɨaʼa nə ghɛ tè mɔ̀mə̀.

Tom èchùŋ kè kə Lûk tè nyaʼ 20:16 ပူးပေါင်းရင်းမြစ်များ

Matyò 21:34

Shîŋə̀ ə kwiə ke ə kwəynə, è və tomə ə̀ghɨ vəyn ghe fɨaʼa nə ghənə ndu pi sê ghɨ fɨaʼa ghɛ ə è tè fo fûʼ nə kɛ sê ghənə nə ghe fo və vəyn nə etwɔm.

Matyò 21:41

Ghənə ə pìə sê vəyn nə, ə ze kyâyn nyî ə pɛ̀ àfùʼ ə̀təyn zhwite ghɨ piə nə ghɨ̂yn ə è fo fɨsê afûʼ ətəynke sê ghɨ ndôghè, ə ghənə ə fə̂, fo və vəynve nə efɨa ashìŋə̀ ə kwiəke.

Matyò 22:7

Fɔ̀yn ə zɨə eghɛ ətəyn, ə zafsə̂ èndwɔ̂ nâʼà sə ŋaŋ ə tomə sèsokə̀ʼ sə vəynse. Kə ghənə ndû tâyn pî zɨyn, ə zhwitə̂ ə̀ghɨ ghɛ ə tè zhwi ghɨ ə fɨaʼa ghɛ ə nyɔ̀ʼɔ̀ èndaʼa ə ghənə̂zè.

Ŋwàʼlè ə̀ Mâk 12:9

Njisə̀s ə pfɨfə sê ghənə nə, “Ə ze kyâyn nyî, ə pɛ̀ àfùʼ pi zayn? Ə è pəyn zhwitê ə̀ghɨ efɨaʼa ətəynghe, ə è fo fûʼ nə kɛ sê ghɨ ndôghè.

Tom èchùŋ kè kə Lûk tè nyaʼ 19:27

Sê pàyn sɨmse sɛ ə se kyîə tə nə kə ə fo tyaʼa nə mə saʼa ghənə zâ, ghàyn nji pə̀yn è ghənə, ə zhwite ke ə mìə shi fayn.›”

Tom èchùŋ kè kə Lûk tè nyaʼ 20:15

Ghənə piə za ə kyiə fɨə è vəyn ə afûʼ fu ə ndùə zhwiə.” Njisə̀s ə ke pfɨf sê ghənə nə, “E za kyàyn nyi, pɛ̀ àfùʼ nə vɨ̂yn kàʼa è nə̀yn nâʼà ghè sê ghɨ nə ghɨyn ə?

Ətefɨ̂aʼ 13:46

Pîza Pɔ̂l yî Pànapàs ə pɨlə wàmnə̀ ndùə kə èshike fanə̀ va ghɛ zhîze. Ghənə tè piə nə, “Ghàyn ghɨ Njûsə̀, e tè tsɔ̀fə nə ghàs tsayn chi èghɛ ə Fezhə̀zè sê ghàyn sə shi. Pîza kə ghàyn kwiynse zəynze, ə tàʼa njiə sengɨŋ saynse kə əghɨ ghɛ ə ghe nyi kwəynê se kyi endam zɛ ə ze tə mîə va, e za nyi nə, ghàs nə̀ zâ ghàyn ə ghàs ndu sê ghɨ ghɛ ə̀ vachi ə̀ghɨ ə Njûsghè.

Ŋwàʼlè ə̀ Pɔ̂l sê ghɨə Lûmghè 11:1

Pfɨf zɨme zôyn nyi nə: Zhə̀fè tè tə ndô ghə vəynghe nə əghɨ mə? E vachi za! Ə mi èngɨŋ zɨ̂mè nyi wùə Isìlây, ə feghâŋ fə Aplàghâmfè, ə wùə ètàŋ ə Penjamə̀ynzè.

Ŋwàʼlè ə̀ Pɔ̂l sê ghɨə Lûmghè 11:11

M pfɨfə kəpî nə, shîŋə̀ kɛ ə ghɨə Njûsghè tè tɨm ghol ə ghənə̂ghè ə pfɨ̀ə, ghənə tè pfɨ̀ faŋ ke ndò mə? E va za nâʼà səkɔs! Ə̀ tè nyi kə ghənə nə̂yn pi, Zhə̀fè ə kwàʼtə̀ ə̀ghɨ ghɛ ə̀ vachi ə̀ghɨ Njûsghè ə fo esɔzaze sê ghənə. Fe tè nəyn nyî kə ghɨ Njûsə̀ kɛse ə ghəʼə̀ ə̀ghɨ ghɛ ə̀ va əghɨ ə Njûsə̀.

Ŋwàʼlè ə̀ Pɔ̂l sê ghɨə Lûmghè 3:31

Ghâsènì nə̀ piə nə ghɛ zoə? E za nyi nə ghâsènì pî kə Zhə̀fè nyi mə Fe ə njì ghɨə kə ghɨə chichighe ə və shi, è kə ghənə nyi mə ə pomə̂ se Njisə̀s Klâys, e tyə̂ ndò nə kə ghɨ kɛse chûmtè àlâŋ mə? Ngaŋ e vachi za. Pîza ghɛ zɛ ə lâŋkè pìə, ə̀ nyi zəynze ə nâʼà ghàs tɔ̀ʼɔ̀.

Ŋwàʼlè ə̀ Pɔ̂l sê ghɨə Lûmghè 3:4

E va zâ! Zhə̀fè nyîə zâŋsə̀ nə̂ èghɛ zɛ ə Fe nyi mə fə tsɨ̀nè, pi kə ghɨ msɔ̀ŋghe əkɨ̂m nyi əghɨ akaŋə. Ə nyàʼ ə ŋwàʼlè ə Fèzhə̀ nə, “Ə ò pì ghɛze, ghɨə kyi ndô se fe nə ghɛ zɛ ə ò pì nyì səmɔʼ. Ezhoghɛ ə saʼa gho, o saʼa endom vɛ ə ve nyi chichi.”

Ŋwàʼlè ə̀ Pɔ̂l sê ghɨə Lûmghè 3:6

E vachi zamə. Ə fe nyi nə Zhə̀fè nə̀ tsasə ndò ashìŋə̀ kɛ ə È saʼa, ə Fə sè nyi mə Fe kàʼa Fe saʼ zayn mbiə?

Ŋwàʼlè ə̀ Pɔ̂l sê ghɨə Lûmghè 6:15

Ghâsènì nə̀ pîə nə ghe zo ə? Kə ghâsènì nyi etyə̂ àfùʼ ə Fezhə̀kè, ghâsènì kyi ndô sə nə̂ nduə kə pi kûmə̀ nə ghâsènì fɨyn va etyə̂ àlâŋ ə? Ngaŋngaŋ e vachi za.

Ŋwàʼlè ə̀ Pɔ̂l sê ghɨə Lûmghè 6:2

E vachi zâ. Ghâsènì ə kwu fɨyn kiva ghɛ zhîze se nə̀yn è pi. Ghâsènì kàʼa faŋ zayn sə nə̂ nduə kə pi èshike ə?

Ŋwàʼlè ə̀ Pɔ̂l sê ghɨə Lûmghè 7:13

Pîza, zɨnə mə tyə̂ ndò nə fɨa kɛ ə ke pɨlə tsɔ̂fə̀ ə pə̀yn mi èkwuze mə? Ngaŋngaŋ, e vachi zamə. Ə̀ vachi àlâŋ ə ke pə̂ mi èkwuze, ə̀ tsɛ pi epàmə̂ àlâŋ, mə ə̀ nyi afɨa ə chûŋkè, ə pə̀ mi ekwuze. Zɨnə mə tè kyayn kə ghɨghe fe kə pi nyi. Nyiəmə, Lâŋ ə Fezhə̀kè ə nə̀yn, pi e chwîtə̀ àtyaʼ ə vəynke nâʼà sə ŋaŋ.

Ŋwàʼlè ə̀ Pɔ̂l sê ghɨə Lûmghè 7:7

Ghâsènì nə̀ piə nə ghe zo? E tyə̂ nə lâŋkè pofə ndò mə? Ngaŋngaŋ! Lâŋkè pofə chîəva, pîza ə̀ nəyn alâŋ kə m mə ke èghɛ zɛ ə ze nyi eghɛ epize. Ə lâŋkè tè tàʼa pì nə kə wùə ndəm shize ə wùə afɨa, mə m keva nə ze pofə ndò se ndə̀m eshi ə wùə afɨa.

Ŋwàʼlè ə̀ Pɔ̂l sê ghɨə Lûmghè 9:14

Ghâsènì nə̀ pìə nə ghe zôyn ə? E za nyi nə Zhə̀fè tɔ̀ʼə̀ ndò ghɨə mɔ̀ʼɔghe mə? E va za nâʼà səkɔs!

1 Kɔlìŋ 6:15

Pîə e za nyi nə ghàyn keva nə wiyn vaynve nyi èpɨ̂as ewìyn ə Klaysvè mə? Ə nyiə pi nə m kaʼa ə m nji pâs awìyn ə Klayskè se nə̀yn nə ə nyi apâs ewìyn ə akwàlə̀kè ə? Ze vayn kaʼa ə zə nyi zâ!

Ngàleshyà 2:17

Pîza ə̀ ghâsènì mɔ̀msə̀ sə̂ nyi chichi ə Zhə̀fè shi mə ghâsènì nyì sə eghɛ èmɔ̀ʼ ghasènyìə ghə̀ Klâys, fɨnə nə̂ pi kèpi kə əghɨ ghɛ ə ghe vachi ə̀ghɨ Njûsghè, ə zə tyə̂nə̀ nə Klâys tɔ̀ʼɔ̀ pi mə? E va za nâʼà səkɔs!

Ngàleshyà 3:21

E za tyə̀nə̀ nə Lâŋà kwiynsə̂ ndò tsɨ̂nè tɛ ə Zhə̀fè tè tsɨ̀ne mə? E va za nâʼà səkɔs. Ə tè nyi nə ghɨə fi lâŋkè mə ke kaʼa ə ke fo ndamze, mə ghɨə tè kàʼa ə ghə nyi chichi ə Zhə̀fè əshi tɔynə̂ fumə alàŋ.

Ngàleshyà 6:14

Pîza sê mi, m nə̀ wâmnə̀ ə ndayn kûmə̀ Pɛ̂pɛ ə̀ ghâsènì Njisə̀s Klâys vɛ ə è tè kwu awâmnè, kûmə̀ nə tɔynə̂ ə vəyn awâmnè, fɨa mbive nyi ke kə efɨa ekwutəve, m nyi ke kə afɨa ə kwuəke se fɨa ə mbive.