Tom èchùŋ kè kə Lûk tè nyaʼ 20:14 - Ŋwàʼlè ə̀ Fèzhə̀ Mkâyn Mə̂ Fèm

¹⁴ Va vəyn nə vɛ ə ndùə, ghənə ə fe vəyn ə pìə nə, ‘Ə̀ vɨ̀nə nyi ke nâʼà zhîndɛ̂ ə̀ pɛ̀ àfùʼ nə vɨ̂yn nyi. Ə ghâsènì kyi zhwi vəyn kə ə kyi fɨa vɛ ə è tè nyi se nə kyî.’

Tom èchùŋ kè kə Lûk tè nyaʼ 20:14 ပူးပေါင်းရင်းမြစ်များ

Matyò 16:7

Chùmtè epàm sə vəynse ə ke zhə̀tə̀ se kàtè əghɛ è ngɨŋ sə ghənə̂sè pîə nə, “È wàmne nyi kûmə̀ nə ghâsènì pâʼà pə̀yn è payn əkwaŋ kyîke.”

Matyò 21:25

Njɔyn tè fo mmo mə è njì ghayn tyaʼke ə? Ə̀ tè fo Fèzhə̀ sê vəyn mə, mə əghɨ ə?” Ghənə zhə̀tə̀ se saʼnê è ngɨŋ sə ghənə̂sè pîə nə, “Ə ghâsènì pì nə, ‘Ə fo Fèzhə̀ tyaʼa sê vəyn,’ ə è pfɨf nə, ‘Kûmə̀ ghè ə ghàyn tè tàʼa pomə̂ se Njɔyn ə?’

Matyò 21:34

Shîŋə̀ ə kwiə ke ə kwəynə, è və tomə ə̀ghɨ vəyn ghe fɨaʼa nə ghənə ndu pi sê ghɨ fɨaʼa ghɛ ə è tè fo fûʼ nə kɛ sê ghənə nə ghe fo və vəyn nə etwɔm.

Tom èchùŋ kè kə Lûk tè nyaʼ 19:47

Njisə̀s ə zhə̀tə̀ sè zɨsə̂ zaʼlə̂ ə Ndɛ Ètsə̀mə kè tuʼmè m̀kɨ̂m. Ngàŋ sə ndɛ Fèzhə̀ seghaʼâsè yî tyə̀ynsè sə esaʼse è chəʼ sə endaʼse e sè kyiŋə endom se zhwiə vəyn,

Tom èchùŋ kè kə Lûk tè nyaʼ 20:13

Pɛ̀ àfùʼ ə kwàʼtə̀ nâʼà eghɛ zɛ ə è kàʼa ə è nə̀yn ə piə kə sə və ə ngɨŋ nə, ‘M nə̀ tomə nâʼà vayn èkɔ̀ŋ vɨ̂mè, zho fife ə ghənə ndù fayn vəyn.’

Tom èchùŋ kè kə Lûk tè nyaʼ 20:15

Ghənə piə za ə kyiə fɨə è vəyn ə afûʼ fu ə ndùə zhwiə.” Njisə̀s ə ke pfɨf sê ghənə nə, “E za kyàyn nyi, pɛ̀ àfùʼ nə vɨ̂yn kàʼa è nə̀yn nâʼà ghè sê ghɨ nə ghɨyn ə?

Tom èchùŋ kè kə Lûk tè nyaʼ 20:19

Njisə̀s ə mɛ̀ mɨ̀sə̀ ngàyn nə̂ zɨ̂yn, tyə̀ynsè sə esaʼse yî ghə̀ ghɨ ekɔʼsə nə eshyə̀ ə ngaŋtəghe ə ke kyiə kə ndò nə è fè mɛ̂ zâ kûmə̀ kə ghənə tè se mɔ̂msə̀ se kyiə vəyn kè ashìŋə̀ nə kɛ ə fɨnə fânə̀ kə əshi ə ghɨ̀ə.

Tom èchùŋ kè kə Lûk tè nyaʼ 20:5

Ghənə kayntə̂ eghɛ ətəyn ə ghənə əfètəyn ə piə nə, “Ə ghâsènì pi nə, ‘Ə̀ fo Fezhə̀ è tyaʼa sê vəyn,’ ə è pfɨf nə, ‘Ghàyn tè se tə̂ se pomə eghɛ zɛ ə è tè piə kûmə̀ ghè?’

Tom èchùŋ kè kə Lûk tè nyaʼ 22:2

ghɨkɔʼsə nə eshyə̂ yî tyə̀ynsè sə alàŋsè e kyiŋə tèndom se nyaʼtə zhwiə Njisə̀s, kûmə̀ nə ghənə tè fànə ghɨə.

Ətefɨ̂aʼ 2:23

Ə fo Njisə̀s nə vɨ̂yn ə gho se pàynghè, ghənə ə payntə̂ Vəyn awâmnè, kè eghɨ kə Zhə̀fè tè pɨaʼte ndəm.

Ətefɨ̂aʼ 3:15

Ghàyn ə nə̀, ə zhwiə wùə vɛ ə è pə̂ endam ə səmɔʼze sè ghɨghe, pîza Zhə̀fè ə nə̀, È və zòmə̀. Ghàs nyi setsɛ̀ èsaʼ eghɛ nə zɨ̂yn.

Ŋwàʼlè ə̀ Pɔ̂l sê ghɨə Lûmghè 8:17

Kə ghâsènì se nyi ə̀ ghɔyn ə vəynghe, ghâsènì tə kyîə ndò pɔsê tɛ ə È ndə̀m sê ghɔ vəynghe, ə kyi kepî ghasènyìə ghə̀ Klâys fɨa vɛ ə Zhə̀fè nyi mə fə ndə̀m se Vəyn, kûmə̀ nə ə ghâsènì zɨ tsôsvè ghasènyìə ghə̀ Klâys, ə ghâsènì tə kyî kepî èpomsê ə vəynze.

Ipilù 1:2

Pîza, e sè nyi ə mtuʼ me kwùŋsə̂ mɨ̀yn mə Fə wàmnè sê ghâsènì tɔynə̂ ə Va vəyn. Zhə̀fè tè se nyi mə fə ndə̀m nə fe tə fo nâʼàpî ghè ə mbi sê Va vəyn, mə fe tè pom mbi è nâʼàpî è ghè ətəyn tɔynə̂ kə ə Va ə̀ vəyn nə vɨ̂yn.