Tom èchùŋ kè kə Lûk tè nyaʼ 2:49 - Ŋwàʼlè ə̀ Fèzhə̀ Mkâyn Mə̂ Fèm

⁴⁹ È və pfɨfə sê ghənə nə, “Ghàyn fè kyiŋə zayn mi elùʼ ə ndô və? Ghàyn fè mɛ ndô nə m kyi sə̂ nyi ə̂ Pɨ̀a vɨ̂mvè ə ndɛ ə̀?”

Tom èchùŋ kè kə Lûk tè nyaʼ 2:49 ပူးပေါင်းရင်းမြစ်များ

Matyò 21:12

Epàm ətəyn, Njisə̀s ə njiə ə Ndɛ Ètsə̀mə sè chûmə̀ fɨsə̂ ə̀ghɨ ghɛ ə ghe tè zhɔnə, pəʼlə̂ nâʼà ə̀kɨ̂m. È və pɨŋsə̂ maʼà èlwɔ̂ŋ əghɨ̀ ghɛ ə ghe tè kwiynə kɛve ə pɨŋsə̂ maʼà kəpî mkyə̂ mə ghɨ̀ ghɛ ə tè pəʼlə kwɨ̀lə̂m.

Tom èchùŋ kè kə Lûk tè nyaʼ 2:48

Ə pə̀ kə pɨ̀a vəyn è nyiə vəyn fè vəyn za, ghɛ ətəynze e kwə̂mə̀ sê ghənə! Nyiə vəyn ə pfɨfə sê vəyn nə, “Vayn vɨm, kûmə̀ ghè ò nə̀yn kyi eghɛ nyiə sê ghàs ə? Ghasè pɛ̂ ə kyiŋ gho sè fànə̀.”

Njɔyn 4:34

Njisə̀s ə pìə sê ghənə nə, “Fɨazhiə vɨmve nyi se nə̀yn efɨaʼ ə Vɛ ə È tom Mi nə M nəyn è kɨsè se mɨsè efɨ̂aʼ zɛ ə È tom nə M pəyn nəyn.

Njɔyn 5:17

Njisə̀s ə pə̀ynsə̀ sê ghənə nə, “Pɨ̀a Vɨ̂m ndamə fɨaʼa kə ndò, mə M pɔŋ kyi se fɨ̀aʼà kə zamə.”

Njɔyn 5:36

Pîza, M kyi ndô tsɛ̀ èsaʼ è tsɨ̂ə tsɛ vɛ Njɔyn tè kyi. Fɨ̂aʼ tɛ M nə̂, mə nyi tefɨaʼ tɛ ə Pɨ̀a Vɨ̂mvè tè fo nə Mə nə̂, fɨ̂aʼ tə təynte wâmnə̀ ndò ə Mì azhəm chwîtə̀ nə ə̀ Mi tè tom Pɨ̀a.

Njɔyn 6:38

Kûmə̀ nə M paʼà tso pəyn ekwùtwəyn se nə̀yn eghɛ zɛ M kɔ̂ŋɔ̀, pîza se nə̀yn ə zɛ ə Pɨ̀a Vɨ̂m vɛ ə È tom Mi kɔ̂ŋɔ̀.

Njɔyn 8:29

Vɛ ə È tom Mi nyi ghasè Vəyn, È paʼà zà Mi Mî nɨŋ kûmə̀ nə M zâŋsə̀ nə̂ kə èghɛ zɛ ə È kɔ̀ŋə̀.”

Njɔyn 9:4

Kè kə tuʼve pa panə, ghâsènì kyi se nə̀yn efɨaʼa ə Vɛ zə È tom Mi; tuʼe chîə pə̂ ndò mə wùə vayn kàʼa è fɨyn fɨ̂aʼ.