Tom èchùŋ kè kə Lûk tè nyaʼ 2:47 - Ŋwàʼlè ə̀ Fèzhə̀ Mkâyn Mə̂ Fèm

⁴⁷ Ə̀ tè zɨə piə ndè kə è wàmnə̀, kayntə̂ kəndò nə̂, è nyiə nji ghayn tɔfe nyiə.

Tom èchùŋ kè kə Lûk tè nyaʼ 2:47 ပူးပေါင်းရင်းမြစ်များ

Matyò 13:54

ə kɛse kwɨlə̂ ə vəyn ə tɔ̂ŋ ə zhə̀tə̀ se zaʼlê əghɨ ə se ndɛ sə atsɨ̀yntese. Ghɨ ghɛ ə tè zɨ kə è zaʼlə̂ tè nyi èkaynze. Sè pfɨfə nə, “È njì ghayn kyì etɔf eghaʼâzè nyiə? È kwì zayn sə̂ nə̂ ə̀ghɛ kayntə ghɨnə?

Matyò 22:33

Ə pə̀ kə nɔ̂ynkè zɨ zaʼlê ə Vəynze, nyi è kaynze.

Matyò 7:28

Kə Njisə̀s tè zaʼle mɨ̂sè ə̀ghɛ nə ghɨ̂nə̀, choze ə zomə anɔ̂yn ə ghɨ̀ kɛ endom vɛ È zaʼle ətəyn.

Ŋwàʼlè ə̀ Mâk 1:22

Zaʼlê ətəynze ə nə̀, choze ə zomə ghənə kûmə̀ nə è tè zaʼlə va kə setyə̀ynsè sə alàŋsè. È tè zaʼlə kə nâʼà kə wùə vɛ è kyi tyaʼa.

Ŋwàʼlè ə̀ Mâk 11:18

Ghɨ kɔʼsə nə eshyə̀ engaŋtəghe yî tyə̀ynsè sə alàŋsè ə zɨə nyî, sè kyiŋə èndom se zhwiə Njisə̀s. Ghənə tè fànə vəyn kûmə̀ nə nɔ̂ynkè akɨ̂m tè nyi èkaynze kûmə̀ ə̀ghɛ ghɛ ə è tè zaʼlə.

Ŋwàʼlè ə̀ Mâk 6:2

Tuʼve ə zo etuʼ endaʼ ə ghənəvè, è və ndùə zhə̂tə̀ se zaʼlê ə ndɛ àtsɨ̂ynte. Ghɨ ə tsɨə ghɛ ə tè zɨtə zaʼlê ətəyn e nyi è kaynze piə nə, “Wùə vɨ̂nə fɨ ghayn èghɛ ghɨyn ə? Ə̀ tè fo ndè kyi etɔf eghaʼâ zɨ̂nə̀ sê və̂ ə? È kwì zayn sə̂ mɔ̂mə̀ ə̀ghɛ ə kayntə ghɨyn ə?

Tom èchùŋ kè kə Lûk tè nyaʼ 2:18

Ə̀ tè zɨə naʼapi ndè ghɛ zɛ ə ngyəyn sə sepfɨ nə sɛ pì, kayntə kəndò.

Tom èchùŋ kè kə Lûk tè nyaʼ 2:46

Ə kyiŋə sə mtuʼ mta ə ndùə fè vəyn ə Ndɛ Ètsə̀mə, è tsɨs yighə̀ tyə̀ynsè, zɨtə̂ ə̀ghɛ ghɛ ə ghənə piə fɨnə pfɨftə̂ ghə mɔ̀ʼɔ̂.

Tom èchùŋ kè kə Lûk tè nyaʼ 4:22

Naʼapi ndè ə fe kə nâʼà nə è və wàmnè àchûŋ, sè nyi èkayn nə̂, ə nyiə piə wâmnè e fɔmə zɨnə fɨ ke nâʼà ə vəyn echo nyi ə, ə ndò sə təyn ə kɛsə sè pfɨfə nə, “Piə vɨ̀nə nyi ke nâʼà va Njosɛ̀f nyi ə?”

Tom èchùŋ kè kə Lûk tè nyaʼ 4:32

Choze ə zomə əghɨ kûmə̀ nə zaʼlê ə vəynze tè kyi atyaʼ.

Njɔyn 7:15

Ghɨ ghaʼâ Njûsə̀ tè nyi èkaynze ə pìə nə, “Wùə vɨ̀nə kwì zayn sə ngəsê ke ə̀ghɛ ghɨ̀yn mə è paʼà tyəmə ndùə ə ndɛ ŋwàʼlè àlâŋ ə?”

Njɔyn 7:46

Ghɨ fɨaʼa ətəynghe ə pìə nə, “Wùə pâʼà tyəmə wàmnə̀ endom vɛ ə wùə nə vɛ wàmnə̀ ətəyn!”