Tom èchùŋ kè kə Lûk tè nyaʼ 2:36 - Ŋwàʼlè ə̀ Fèzhə̀ Mkâyn Mə̂ Fèm

³⁶ Ə̀ tè nyi zâ, fɨ̀aʼtè èzəyn zhizè e nyi, e tɔŋtə̂ nə Anà, ə va Fànuwɛ̂l, ə wùə ètàŋ ə Ashàzè, mə è və ndəmə̂ nâʼà àchûŋ. È nyi mə è və tə malə ə ndamə kə yî ndomə̀ vəyn sə sepìŋ sèsɛ̀mbɛ.

Tom èchùŋ kè kə Lûk tè nyaʼ 2:36 ပူးပေါင်းရင်းမြစ်များ

Tom èchùŋ kè kə Lûk tè nyaʼ 2:35

è kɨ̂sè kə̂ ghɛ ghɛ ə ghɨə ndə̂tə̀ ə ghənə ətəm fɨ mɨ̂sè ə ndayn. Nyife nyi kepî se nə sò etəm zɛze.”

Tom èchùŋ kè kə Lûk tè nyaʼ 2:38

Ə̀ tè se nyi ashìŋə̀ kɛ ə pə̂yn è Njisə̀s ə ndɛ Fèzhə̀ è və njiə pə̀ ə fo àzɔ̀ŋnè ə vaynke sê Zhə̀fè sè tsâ èghɛ ə vayn nə zɨ̂yn nâʼàpî sê ndè vɛ è tè lɨmtə nə Zhə̀fè pəyn fɨsê əghɨə Njèlusalɛ̀mghè ə ngəʼ.

Ətefɨ̂aʼ 2:18

M tə fo Sezuʼ se Ŋwaʼa Sɨmse sê ghɨfɨaʼa ghɨmghe, ə M fo sê ndômnə̀, è zənə ə mtuʼ mê kwùŋsə̂m nə mɛ, ə ghənə ə tsâ ə̀ghɛ ghɨm ghɛ ə ghe tə kyânə̀ tsɔ̀fə kə shîŋə̀ ətəynke tə kwəyn.

Ətefɨ̂aʼ 21:9

È tè kyi əghɔ vəynghe zəynghe ə kyàʼ, ndɔ̀ʼɔ ghe nyiəm pomə̂ ə̀ndom, ghənə e ndàʼà ə̀ghɛ mə ghe ndô sê Zhə̀fè.

1 Kɔlìŋ 11:5

Mə ə wùzhɔyn tsə̂mə̀ kɨ̀sə è ndàʼà tom ə̀ Fèzhə̀ ndɔ̀ʼɔ è kɨte tu ə vəynke, ə zə nyi nə è ghomsə̂ ndomə̀ vəyn. E nyi kepî èghɨ kə è və kɔm tuə vəynke.

1 Kɔlìŋ 12:1

Zôyn, kûmə̀ ə̀ghɛ ghɛ ə ghàyn tè nyâʼ kûmə̀ tèfo tɛ ə Zuʼse Ŋwaʼase fo, soyn sɨmse m kyiŋə nə ghàyn ke səmɔʼ kûmə̀ ə̀ghɛ ətəynghe.

1 Timotì 3:2

Wùə è chisə ə ndɛ ə̀ Fèzhə̀ kyi sə̂ nyi wùə mə ə chîə ngaynə̂ va vəyn, è kyi sə̂ kyi ke wùzhɔyn emɔ̀ʼ, nə̂ va ghɛghe tsɨ̂ə tsɛ àndiŋ, nyi kàʼa è kyi ngɨŋə̂ vəyn, ngɨmnə̂ ngɨŋ ə vəyn, tɔ̂ʼnə̀ è ghɨ ə motə pə, fɨyn ke sə zaʼlə̂ nâʼà àchûŋ,

1 Timotì 5:9

Ə zhwìə kwu kwəynə va pìŋsè m̀ghɨm mtufə, kə ò nji vəyn nə è tsɨynte nɔ̂yn ə zhwiə kwuke. Ə̀ kyi sə̂ nyi wùzhɔyn mə è tè fɨə kwîə va ə pɨəyn yighə̀ ndômnè əmɔ̀ʼɔghe

Etyə̂yn ə paynsêzè 7:6

Ə fɨə kəpi kamse njò sepɛ̀ etàŋ ə Ashàzè kə ndə̂m lɛke, ə fɨə kamse njò sepɛ̀ etàŋ ə Naftalìzè kə ndə̂m lɛke, ə fɨə kamse njò sepɛ̀ etàŋ ə Mànasèzè kə ndə̂m lɛke,