Tom èchùŋ kè kə Lûk tè nyaʼ 2:2 - Ŋwàʼlè ə̀ Fèzhə̀ Mkâyn Mə̂ Fèm

² Zə nə ghɨnəmə e nyi ghɛ ə tè nyàʼ sə shi kè kə Kìlinùs kɔʼ sə pɛ̀ tə̀ʼ ə Silyà.

Tom èchùŋ kè kə Lûk tè nyaʼ 2:2 ပူးပေါင်းရင်းမြစ်များ

Matyò 4:24

Zhɔ̂ŋə Vəynve ə waŋə ndûə kə luʼ tekɨ̂m apàs endaʼ ə Silyàkè. Zɨnə nə̀ ghɨghe pə̂ è ghɨ ezafə ghəkɨ̂m sê Vəyn. Ghənə tè pə̂ èghɨ ghɛ ə tè zɨə tsôsè ə tekyì tə tezaf tekɨ̂m. Ghɨ ghɛ ə tè kyi pamə̂ tə satàyntè, è ghɛ ə tè pfɨ̂ə èpfɨ̀kè, è ghɛ pâs ə ghənə ke wìynke tè nyi mə kə kwu, Njisə̀s ə tsuʼə ghənə əkɨ̂m

Tom èchùŋ kè kə Lûk tè nyaʼ 2:1

Ə̀ tè nyi kepî mtuʼ nə mɛ, Àngostòs fɔ̀yn ə̀ endaʼ ə Lûmzè ə fɨsə̂ alâŋ kyîke nə ə nyaʼ nâʼàpî ezə ə ndeze.

Tom èchùŋ kè kə Lûk tè nyaʼ 2:3

Nâʼà pi ndè e kɛsə ndùə ə ghənə ə tɔ̂ŋ se nyàʼ ezə ə vəynze.

Tom èchùŋ kè kə Lûk tè nyaʼ 3:1

Ə̀ tè nyi kə̂ Tìpelùs saʼa kə̂ fɔ̀yn èghaʼâ ə endaʼ ə Lûm, mə sè kɔʼɔ ndùə sèpiŋ njòse tâyn, tom ə Fèzhə̀ ə pə̀ sê Njɔyn, va Sàkàlyâ, endaʼ ashəshəe. Ə̀ tè nyi za mə ə ndə̀m Pontus Paylɛ̀t nə è və saʼa apàs endaʼ kɛ ə tè tɔŋtə nə Njòndyâ, Ɛlɔ̀t e saʼa ə Ngalìlî, ànyìə vəyn Filìp e saʼa epɨ̀as endaʼ vɛ ə tè tɔŋtə nə Ètolyà è Tɨ̀làkɔnitis, Lisanyàs e saʼa ə Apɨ̀lɛ̀n, ghɨkɔʼsə nə eshyə̀ engaŋtə kwəynəghe è ghɨə Njûsə̀ mə nyi Anàs yî Kayfàs e nyi kepî etuʼ nə vɛ.

Ətefɨ̂aʼ 13:7

È tè nyi so ə̀ Senjus Polùs, ə wùə vɛ ə è tè saʼa pâs endaʼ nə kɛ ə ke tè nyi mə tsò ə kyìŋ ka. È tè nyi wùə tɔfə nâʼà àchûŋ. Senjus Polùs ə tɔŋɔ Pànapàs yî Sɔ̂l ə və shi kûmə̀ nə è tè nyîə kɔ̂ŋɔ̀ se zɨ eghɛ ə Fezhə̀zè.

Ətefɨ̂aʼ 18:12

Ə tè nyì kə ə ndə̂m Ngalyò nə è və saʼa àpâs endaʼ kɛ ə tè tɔŋtə nə Àkayà, ghɨ Njûs yîghe fumə ə zùŋtə̀ ə kyîə Pɔ̂l ə ndùə è vəyn elùʼ əsaʼ

Ətefɨ̂aʼ 23:26

Ə̀ nyâʼ mi Klondiyùs Lìsiyàs è ŋwàʼlè zɨ̀nə sê ghò tu apàs endaʼke Felès. M tomə ètɔŋtê sê ghò.

Ətefɨ̂aʼ 26:30

Fɔ̀yn, è tu apàs endaʼke, è ànyì ə̀ vəyn fɔ̀yn Pènîs è ghɨghe əkɨ̂m ə ndwì tyəmə̂ se ndò.

Ətefɨ̂aʼ 5:37

Ə tè nyi epàm ətəyn, Njondàs vîvè mə è fɨ pə̀yn endaʼ ə Ngalìlîzè, ə fɨnə fɨə kɔʼɔ ə mtuʼ mɛ ə tè taŋa ghɨghe ətəyn ə shinə̀ ànɔ̂yn ə ghɨ kyia, ke chumtə̀ vəyn. Pîza ə mɨ̀se, ə pa zhwiə vəyn. Pamə̂ tə vəynte ə chyàsə̀ kə fèmɔ̀ʼ femɔ̀ʼ.